Lúkɑ́shi 16:13 - Kɑɑ Fí

¹³ «Ɛ́ lɑɑ ḿbɔ́ wɛcɔ́ ŋɡɑŋfɑꞋ pɔɔ fɑꞋ mbɔ̌ pɛ tɑ̌ɑfɑꞋ pɛ́pɑ́ pɔ́. A lɑɑ ŋ́ɡɛ pɔ́Ꞌɔ, mbɔ ɑ ɡɛ ḿbɑɑ wɛcɔ́, ŋ́kɔŋ wɛcɔ́, ŋ́kɛ́ ḿbɔɔ pɔ́Ꞌɔ pɔ́, mbɔ ɑ ɡɛ ńcʉŋɛ nzʉʉ wɛcɔ́, ḿbɛn ŋ́ɡwɑ́k wɛcɔ́. Ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.»

Lúkɑ́shi 16:13 ပူးပေါင်းရင်းမြစ်များ

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Mɑtʉ̈ɔ 6:24

Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Lúkɑ́shi 11:23

Ŋu lɑɑ ńdʉꞋ pɑ́Ꞌ pɛkŋɛ ɡɛ ḿbɔ́ nɛ́ nu, mbɔ ɑ lɔk ḿbʉ́ʉpɛ nu yɑ́ɑ. Ŋu pɛn ńdʉꞋ nɛcẅɛ́lɛ́ wɑ́ɑ, pɛkŋɛ cúꞋlɛ pʉɔ pɑ́ɑ, mbɔ ɑ tsʉ́Ꞌ ńtɑ́k wɔ́p ɛ́sɑt sɑtnɛ.»

Lúkɑ́shi 14:26

«Ŋu lɑɑ ńcʉ́ɔ nzʉʉ mɔ, kɛ́ kɔŋ wɑ́ɑ ńtsɑ tɑ́t wɛ, ńtsɑ mɑ́ wɛ, ńtsɑ nzwɛ́ wɛ, ńtsɑ mbɔ́ŋkʉ̈ɔ́ pɛ́, ńtsɑ pɔ́ɔpɛ́mɑ́ pɛ́ pɛ mbɛ́ɛnɛ mbɑ pɛ pɑŋɡɛ́, ńtsɑ mbɑ kwɑꞋ tú mbʉʉ wɛ́ pɔ́, mbɔ ɑ kɛ́ kuꞋ nɛpɔ́ ŋɡɑŋku wɑɑ pɔ́.

Lúkɑ́shi 16:12

Pʉʉ lɑɑ ḿbɔɔ jí nɛpɑɑ yúu ŋu ndɛꞋ pɔ́, mbɔ wɔ̌ ɡʉ ńdɑ́Ꞌ ŋ́ɡɑ́ yi ɛ́ kwɑꞋ yʉ́ʉ mbɔ̌ pʉʉ?»

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Lúkɑ́shi 9:50

Yɛ́su tsɔ́Ꞌ ŋɡɔ: «Kɔɔ pʉʉ tɔꞋ wɛ́ nɛɡɛ pɔ́Ꞌɔ. Ŋu ẅi ɑ kɑ́ tɑ́k nu yɛkŋɛ pɔ́ ɑ wɛkŋɛ ŋu.»

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.