Lúkɑ́shi 15:29 - Kɑɑ Fí

²⁹ A tsɔ́Ꞌ mbɔ̌ wɛ́ ŋɡɔ: «Tɑ̌ɑ, ɛ fɑꞋ mbɔ̌ wu ŋɡuꞋ yɛ́sʉ́Ꞌʉ́? Mɔ ńdɑ́Ꞌ mɔ́ ŋ́kɛ́ ɛ́fɑɑnɛ nɛpʉ́ʉ nú? Lɑ́ ɔ mɑ́ɑ mɔ́ ŋ́ɡɑ́ wɑɑ mɔ́ɔ-mɔ̂mbí ndɑꞋ ŋɡɔ pɛk pɛsúu pɑ́ɑ jẅí ńdɔk ńtsɑ́ɑtɛ?

Lúkɑ́shi 15:29 ပူးပေါင်းရင်းမြစ်များ

Mɑtʉ̈ɔ 20:12

Pɔ́p pɔ́ ńcú ŋɡɔ: «Pʉɔ pɔ́nɛ tɔ́ pɔ nzʉʉ, pɔ́p fɑꞋ pɔ ndɑꞋ nǔu tɑ́Ꞌ nɛm, ɔ kɛ́ ḿbɛn ḿbíi wɔ́p pɔ pɑ́Ꞌ pɛk lɑ́, lɑ́ mbɔ pɛk lɑ́Ꞌ ńzɛ fɑꞋ mbɑ́ꞋmbɑꞋɑ́, pɛk kɛ́ ńjúk ɛ́fɑꞋ pɔ kɛ́ jẅiitɛ, mɔ́nɛm pɔ́ ńtɔɔ wɛ́k.»

Lúkɑ́shi 15:28

Ndu wɛ zúꞋ pɔ́Ꞌɔ, ńzɑ́ŋ lɔ́ŋ tɛ ńdʉꞋ nɛkúu ndɑ́. Tɑ́t wɛ cẅɛt píi, ḿbúꞋ mbɔ́ mbɔ̌ wɛ́ ŋɡɔ ɑ kúu ndɑ́.

Lúkɑ́shi 15:30

Mɔ́ɔ nu ẅi pɔ́p pɛkwɑlɑ kwɛ́tnɛ ŋkɑ́p yu, ɑ lɛɛ tɛ ńtɔ́, ɔ ɡɔ́ɔ ńjẅí mɔ́ɔ-fɔŋ ẅi ɑ ɡúꞋ tɛꞋ ntɛ́ wɛ́?»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

Lúkɑ́shi 17:10

Mbɑ yʉ́ʉ fɑꞋ kɛ ḿbɛn ḿbɔ́ pɔ pɔ́Ꞌɔ. Pʉʉ lɑɑ ńdɑ́Ꞌ ɛ́fɑꞋ fɑꞋ yi pɛ́ cúnɛ mbɔ̌ pʉʉ tɛ ḿmik, pʉʉ cú pɔ ndɑꞋ ŋɡɔ: “Pɛk yɛk pɔ pɛɡɑŋfɑꞋ níinɛ, pɛk ɡɛ pɔ yúu mi pɛ́ lɑ́Ꞌnɛ ńcú ŋɡɔ pɛk ɡɛ.”»

Lúkɑ́shi 18:9

Yɛ́su pɛn sɑk nɛcɔ́ nɛkɛt ńcú nu nǔu pʉɔ pinɛ pɔ́p kwɑŋɛ ŋɡɔ ndɑꞋ pɔ́p ɡɛnɛ yúu mi Sɛ́ sɛ́ ŋ́kɔŋ, ḿbɛn ńtsʉ́Ꞌ ŋ́ɡwɑ́k pɛcɔ́ pʉɔ ɡwɑ́knɛ,

Lúkɑ́shi 19:21

Ńzɛɛ ńdẅɛꞋ pɔ́Ꞌɔ, pɔ mbíꞋŋɡɔ ŋ kɑ pɔ́ ḿbɔ́k wú pɔ́knɛ. Ɔ ŋu ńcʉ̈ɔ́k tɛꞋ, ɔ lɔ ḿbɛ́ɛ yúu pɔ zʉꞋ yi ɔ ŋ́kɑɑ zúꞋu nɔŋ, ḿbɛn ŋ́kɑ́p yúu mi ɔ ŋ́kɑɑ pi.

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 3:27

Tɛ ɛ́ pɑ́Ꞌɑ yɛcɔ́ yúu mi mbɔ ŋumɛsɔŋ pɛn ńdɔk ŋ́ŋɑ́Ꞌtɛ pɔ́ ɡú? Ŋɡɑ́ŋ ɛ́ kɑ́ pɛn ḿbɔ́ ɡú pɔ́ kɑ́ɑ yɛcɔ́ yúu. Pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ yúu mi Sɛ́ zẅíꞋlɛ́nɛ, kɑ́ pɔ́ pɔ ŋu nɛcú ŋɡɔ ɑ ɡɛ yúu mi nɛpʉ́ʉ sɛ́ píkŋɛ pɔ́, ɛ́ pɔ́ pɔ ŋu nɛzɑ́p tʉ́m yɛ́ nǔu Yɛ́su.

Pʉɔ-Lɔ́mɑ 7:9

Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 3:17

Pɑ́Ꞌ pʉʉ sɛ́ ńcú ŋɡɔ pʉʉ ɡɑŋyúu, ŋɡɔ pʉʉ kɑ ɡẅɛɛ mɔ́ ŋkɑ́p tɛ ɛ́ zɑ́ɑ, tɛ pʉʉ tsʉ́Ꞌ ḿbɔɔ ńjɑ́k yɛcɔ́ yúu pɔ́ lɑ́, pɑ́Ꞌ pʉʉ kɑ́ pɔ́ ńjí ŋɡɔ pʉʉ ɡɑŋ ŋɡʉ̈ɔ́Ꞌ tɛ ḿbɔ́ pɛ́ tsɑ́ɑ mɛjʉ́ŋ mʉ́ʉ tsɑ́ɑnɛ pɔ́ lɑ́, mbɑ pɑ́Ꞌ pʉʉ kɑ́ pɔ́ ńjí ŋɡɔ pʉʉ pɛpúŋ, ḿbɔ́ pɛfumík, ńtʉ́ʉtɛ kɛ́ zẅík ndẅí pɔ́ lɑ́,