Lúkɑ́shi 14:32 - Kɑɑ Fí

³² A lɑɑ ńjʉ́ɔ, ɛ́ tsɑ wɛ́, mbɔ fɔɔ ẅí ɑ lɑ́Ꞌnɛ ńdɔk ntsɔ ńtɔ́ ɡɛ ḿbɛ́t pɔ ŋɡɑ sɛsɑ, ɑ túu nɛnkɛ́m, ɑ ɡʉ ḿbúꞋ mbɔ́ mbɔ̌ wɛ́ ŋɡɔ ɑ sẅíi wɛ́ nɛ́ yúu mi ɛ́ lɑɑ ḿbɔ́ ɑ ɡɑ́ lɑ́ ŋ́ɡẅɛɛ mbɔ́tnɛ.

Lúkɑ́shi 14:32 ပူးပေါင်းရင်းမြစ်များ

Mɑtʉ̈ɔ 5:25

Ŋu lɑɑ ḿbɔ́ ŋ́kɑ́ ŋu nɛ́ nzɔ́, pɔ́pmɛ́ pɛ́t sɛ̂ndúŋ nɛɡʉ zʉꞋ-ntsɑŋ, ɑ lɔɔ shʉ́ pɔ́pmɛ́ mɛk ntsɑŋ, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ŋ́kúu mbɔ̌ tɑ́tndɑ́-pɑzɑ́Ꞌntsɑŋ, ɑ ɡɑ́ ŋɡɑŋ mbɔ̌ pɑpyɛ́p ndɑ́tsɑ́ŋ, pɔ́p ɡʉ ḿmɑꞋ wɛ́ tsɑ́ŋ.»

Mɑtʉ̈ɔ 5:42

Ŋu ɡɑ́ yúu mbɔ̌ ŋu ẅí ɑ sɛ́ ńdɔ́ɔ yúu mbɔ̌ wɛ́. Kɔɔ ŋu kɛ́ ńtɛ́m ŋkwɛn ŋ́ɡɑ́ mbɔ̌ ŋu ẅí ɑ píkŋɛnɛ ŋɡɔ ɑ fɔ wɛ́ nɛ́ yúu.»

Lúkɑ́shi 12:58

N dɑ́Ꞌ ŋɡɔ, ŋu pɔ́p ŋu lɑɑ ŋ́ɡẅɛɛ nzɔ́, ɑ pɔ́ ńdɔ́ɔ nɛɡɛ pɛ́ jʉ́ɔꞋ wɛ́ ndɑ́tsɑ́ŋ, mbɔ ŋɡɑŋ ɡɛ ńzẅíꞋlɛ wɛ́, pɔ́p mɛ ɡɔ́ŋ sɛ̂ndúŋ ńniitɛ. A lɑɑ ḿbɔɔ pɔ́Ꞌɔ ɡɛ, mbɔ pɛ́ ɡɛ ńdɔk wɛ́ ŋ́ɡʉ mbi tɑ́tndɑ́-pɑŋɑkntsɑŋ, ɑ ŋɑk wɛ́ ńníꞋ wɛ́ ndɑ́tsɑ́ŋ.

Lúkɑ́shi 14:31

Kɛ pɔ fɔɔtúu ẅi ɑ sɛ́ niitɛ mbʉʉ yɛ nɛɡʉ ńdʉ̈ɔ́Ꞌ wɛcɔ́ fɔɔtúu ẅi ɑ lɔknɛ ntsɔ kɛm wɛ́, mbɔ ɑ ɡɛ ɛ́sɑ́ŋ pɛ́ pʉɔ jʉ́ɔ ŋɡɔ kɛ ɛ́ lɑɑ ḿbɔ́ ɑ lɔk pʉɔ ntsɑ́Ꞌ nɛɡɛ́m, ŋ́ɡʉ ńdʉ̈ɔ́Ꞌ wɛcɔ́ fɔɔ ẅí ɑ lɑ́Ꞌnɛ ńdɔk pʉɔ ntsɑ́Ꞌ mɛɡɛ́mɛ́mbɑ́ ńtɔ́ nɛlʉ̈ɔ́Ꞌ wɛ́ nɛ́ ntsɔ ɔ́ɔ?

Lúkɑ́shi 14:33

Pɔ́Ꞌɔ Yɛ́su cú mbɔ̌ pɔ́p ŋɡɔ: «Ɛ́ ndʉ́ŋndʉŋ pɔ́Ꞌɔ, mbɑ wɔ̌ lɑ́ tsɛtsɛt pʉʉ lɑɑ ḿbɔɔ piitɛ ńnɑ́ yúu tsʉʉ yi ɑ ɡẅɛɛnɛ pɔ́, mbɔ ɑ kɛ́ kuꞋ nɛpɔ́ ŋɡɑŋkuwɑɑ pɔ́.»

Lúkɑ́shi 19:14

Ŋ́ɡɔ́ɔ ŋ́kɛ́ ŋ́ɡʉ. Lɑ́, pɑlɑ́Ꞌ ɛ̂pɑ́, lɔk pɑꞋ pɔ́p kɑ pɔ́ ḿbɑɑ wɛ́ pɑɑnɛ, ńtúu pʉɔ zʉꞋ yi ɑ ɡʉnɛ́ nɛ́ zúꞋu, ŋɡɔ pɔ́p ɡʉ ńcú ŋɡɔ: «Pɛk kɑ́ pɔ́ ŋ́kɔŋ ŋɡɔ ŋu wɑ́lɑ́ sɑ́Ꞌ wɛk pɔ́.»

ŊwɑꞋnɛ-Gɑŋntúu Yɛ́su Kɛlístɔ 12:20

Ɛ́ ḿbɔ́ ŋkɑ́ ɛ̂yɑ́, Fɔɔ Ɛlɔ̂dɛ pɔ́ ńzɑ́ŋ lɔ́ŋ nǔu pʉɔ-tʉ́sɔŋ Tîi pɔ́p tʉ́sɔŋ Sidɔŋ pɑ́Ꞌɑ tɛꞋ. Pɔ́p kɑ zúꞋ pɔ́Ꞌɔ cúꞋlɛ ḿbɔ́ tɑ́Ꞌ ntsu nɛɡʉ ńjʉ́ɔ wɛ́. Ɛ́ lɛɛ pɔ́Ꞌɔ, pɔ́p kút nɛpúꞋ-Mbɛlɑ́tus, ɑ pɔ́ ŋu ẅí jʉ́ pyɛ́pnɛ ndɑ́-fɔɔ, pɑ́Ꞌ ɑ ɡʉ ńnɛn kɛ́m wɔp ŋ́ɡɑ́, cɔ́k yi ɛ́ tsɛtsɛt pɔ́p pɛ́ fɔɔ mɛ. Ńtsɑ́ɑ pɔ́Ꞌɔ, mbíꞌŋɡɔ yúupɛjʉ́ pi pɛ́ kɑ pɔ́ ńjʉ́ tʉ́sɔŋ-Tîi pɔ́p tʉ́sɔŋ-Sidɔŋ, kɑ pɔ́ ɛ́fú pɔ ŋɡɔŋ-fɔɔ Ɛlɔ̂dɛ.