Lúkɑ́shi 13:28 - Kɑɑ Fí

²⁸ Pʉʉ ɡɔ́ɔ ŋ́kɛ́ ńzɛ nɛkíi, lɔ́ŋ wʉʉ pɔ́ kɔ́Ꞌ. Ɛ́ ɡɔ ḿbɔ́, mbɔ pʉʉ mɑꞋ mík ńjʉ́ɔ Ábɛlɛhɑ̂m, ńjʉ́ɔ Ɛ́sɑk, mbɑ Yɑkɔ̂p, mbɑ pɛŋɡɛ́mndʉ̈ɔ́Ꞌ-Sɛ́ pɛtsʉʉ. Pɔ́p pɔ́ tsɛt nɛfɔɔ-Sɛ́. Mbɔ pɛ́ jʉ́ɔꞋ wʉ́ʉ píi.

Lúkɑ́shi 13:28 ပူးပေါင်းရင်းမြစ်များ

Mɑtʉ̈ɔ 13:42

ḿmɑꞋ wɔ́p tsɛt mɑ́mɑ́ múk, pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 13:50

ḿmɑꞋ wɔ́p tsɛt nɛkʉŋ-múk. Pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Mɑtʉ̈ɔ 22:13

Fɔɔ ɡɔ́ɔ ŋ́kɛ́ ńcú mbɔ̌ pɛtsiindɑ́ pɛ́ ŋɡɔ: «Pʉʉ kút mɛku mɛ́, ŋ́kút mbɔ́ mɛ́, ḿmɑꞋ wɛ́ píi, tsɛt nzɛ́nzʉ́ʉ. A ɡʉ ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Mɑtʉ̈ɔ 24:51

ńtɔ́, ńníꞋ ŋɡʉ̈ɔ́Ꞌ tú yɛ́ tɛꞋ, ńzuŋ wɛ́, ɑ ɡʉ nɛ́ zʉꞋ yi pɛ́ zuŋnɛ pɛŋkɔŋmík ŋ́ɡɑ́ zúꞋu, ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 25:30

Pʉʉ ɡẅɛɛ ŋɡɑŋfɑꞋ kɛ́ kuꞋ nǔu yɛcɔ́ nu wɑ́, ḿmɑꞋ wɛ́ píi tsɛt fɛ́m nzɛ́nzʉ́ʉ. A nɑ́ŋ zúꞋu ńdɑɑ, ḿbɔ́ ŋ́kwɛ́t mɛsɔŋ.»

Lúkɑ́shi 10:15

ŋ́ɡʉ nǔu pʉʉ pʉɔ-Kɑpɛɛnɑwûm, pʉʉ kwɑŋɛ ŋɡɔ Sɛ́ ɡɛ ŋ́kɑꞋ wʉ́ʉ tɛ pʉʉ kúu nɛpú pɔ? Ɛ sẅíi wʉ́ʉ ŋɡɔ ŋɡɑ́ŋ! A ɡɛ ŋ́kɔk wʉ́ʉ kɔknɛ, pʉʉ ɡʉ tɛ ŋ́kúu lɑ́Ꞌ pɛpfú sɛ́.»

Lúkɑ́shi 14:15

Pɛ́ zúꞋ yɔ sẅiŋɛ tɛ wɛcɔ́ ŋu ẅí pɔ́p pɛpɔ́p kɑ nɑ́ŋnɛ sɛ́ ḿbɔ́ ńjʉ́ yúu cú mbɔ̌ Yɛ́su ŋɡɔ: pɔ́ttú ɑ ŋu ẅí ɑ ɡɛ ńdɑ́Ꞌ jʉ́ yɛ́ yúu tsɛt nɛfɔɔ-sɛ́!

Lúkɑ́shi 16:23

A kúu lɑ́Ꞌ pɛpfú, ḿbɔ́ ńjʉ́ɔ ŋɡʉ̈ɔ́Ꞌ tɛꞋ, ḿmɑꞋ lík ŋɡɑ sɛsɑ, ńjʉ́ɔ Ábɛlɛhɑ̂m, Lɑzɑ̂ɑ ńnɑ́ŋ nɛjɔ́ŋ yɛ́.»

2 Tɛsɑlɔník 1:5

Ɛ́ lɔk ńnyɛt ŋɡɔ Sɛ́ ŋɑk ntsɑŋ pɔ ndʉ́ŋndʉŋ. MbíꞋŋɡɔ ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, ɛ́ ɡɛ ŋɡɔ pʉʉ kuꞋ pʉɔ pi pʉʉ ɡʉ ńdɑ́Ꞌ ŋ́kúu tsɛt nɛfɔɔ-Sɛ́. Pʉʉ jʉ́ɔ ŋɡʉ̈ɔ́Ꞌ ntɛ́ pɔ pɔ́Ꞌɔ.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.