Lúkɑ́shi 12:32 - Kɑɑ Fí

³² Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Lúkɑ́shi 12:32 ပူးပေါင်းရင်းမြစ်များ

Mɑtʉ̈ɔ 14:27

Lɑ́ Yɛ́su ɡɔ́ɔ ńcú mbɔ̌ pɔ́p ŋɡɔ: Pʉʉ pɔ́tnɛ ńnɑ́ŋ, ɑ pɔ́ mɔ, kɔɔ pʉʉ pɔ́k.

Mɑtʉ̈ɔ 20:16

Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 20:29

N jí ŋɡɔ ŋ ɡʉ ḿbɔ́ tɛ ŋ́ɡʉ, mɛnɑɑŋɡwɛ kúu tsɛtsɛt pʉʉ ńzɑ́p nu.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

2 Tɛsɑlɔník 1:5

Ɛ́ lɔk ńnyɛt ŋɡɔ Sɛ́ ŋɑk ntsɑŋ pɔ ndʉ́ŋndʉŋ. MbíꞋŋɡɔ ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, ɛ́ ɡɛ ŋɡɔ pʉʉ kuꞋ pʉɔ pi pʉʉ ɡʉ ńdɑ́Ꞌ ŋ́kúu tsɛt nɛfɔɔ-Sɛ́. Pʉʉ jʉ́ɔ ŋɡʉ̈ɔ́Ꞌ ntɛ́ pɔ pɔ́Ꞌɔ.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Mɛnu ɛ́ ńdɑ́Ꞌ ńcẅɛt 1:6

A kɑ lɔk wɛkŋɛ ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɛkŋɛ ŋ́ɡɛ pɑnɔŋpɔꞋ pɑ́Ꞌ pɛkŋɛ ɡʉ ɛ́fɑꞋ mbɔ̌ Tɑ̌ɑ wɛ Sɛ́. Nɛɡúꞌ mbɑ mɛtʉʉ ńdɑ́Ꞌ ḿbɔ́ pɔ mbɔ̌ jʉ́ Yɛ́su Kɛlístɔ nǔu mɛŋɡuꞋ mɛŋɡuꞋ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 22:5

NɛtúꞋ ŋ́ɡʉ ŋ́ɡɛ ḿbɛn ḿbɔ́ ɡú pɔ́. Pɔ́p pɔɔ ŋ́ɡʉ ŋ́ɡɛ ḿbɛn ńtsɑ́ɑ kyɛꞌ yí ɛ́ fúnɛ nǔu lɑ̂m pɔ́, ŋ́kɛ́ mbɔɔ yɛ́ nɛm tsɑ́ɑ. MbíꞋŋɡɔ Tsɑpʉɔ Sɛ́ ɡʉ ŋ́ɡɛ ńdɔk yɛ́ kyɛꞌ ŋ́kyɛꞋ wɔ́p. Pɔ́p sɑ́Ꞌ mbí nǔu mɛŋɡuꞋ mɛŋɡuꞋ.