Lúkɑ́shi 11:41 - Kɑɑ Fí

⁴¹ Yúu mi ɛ́ ḿbɔ́ ḿbɔŋ ŋɡɔ pʉʉ ɡɛ pɔ́ pɔ nɛpɛ́ɛ yúu sʉ́Ꞌnɛ yi ɛ́ tsɛt mɛkɑ́ŋ mʉ́ʉ, ŋ́ɡɑ́ mbɔ̌ pɛkɛyúu, pɔ́p jʉ́ yɔ́p. Pʉʉ ɡɛ ŋ́ɡɛ pɔ́Ꞌɔ, lɑ́ tʉ́m wʉ́ʉ kɛ ḿbɔɔ ńdɛ́ɛnɛ mbi Sɛ́.»

Lúkɑ́shi 11:41 ပူးပေါင်းရင်းမြစ်များ

Mɑtʉ̈ɔ 26:11

Pʉʉ ɡʉ ḿbɔ́ ńjʉ́ɔ pɛpúŋ pɔ ŋkɑ́ tsʉʉ, lɑ́ ŋ́ɡʉ nǔu mɔ, mbɔ pɛkŋɛ kɛ́ pɔ́ ŋkɑ́ tsʉʉ pɔ́.

Mɑtʉ̈ɔ 5:42

Ŋu ɡɑ́ yúu mbɔ̌ ŋu ẅí ɑ sɛ́ ńdɔ́ɔ yúu mbɔ̌ wɛ́. Kɔɔ ŋu kɛ́ ńtɛ́m ŋkwɛn ŋ́ɡɑ́ mbɔ̌ ŋu ẅí ɑ píkŋɛnɛ ŋɡɔ ɑ fɔ wɛ́ nɛ́ yúu.»

Mɑ́lɛ́kúshi 7:19

Ɛ́ kɑ́ kúu tsɛt tʉ́m ŋɡɑŋ pɔ́, ɛ́ kúu pɔ tsɛt nɛpɛm nɛ́, ńcẅɛt ŋ́kúu tsɛt kɔt. Yɛ́su lɔk ńcú ŋɡɔ: yúu mi pɛ́ jʉ́ jʉ́nɛ kɑ́ pɔ́ yi ɛ́ mbi Sɛ́ ḿbɔ́ yi ɛ́ níꞋnɛ lɔ́Ꞌ nǔu ŋu pɔ́,

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Lúkɑ́shi 18:22

Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 19:8

Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»

ŊwɑꞋnɛ-Gɑŋntúu Yɛ́su Kɛlístɔ 10:15

Pyɛ̂ pɛn ńzúꞋ ŋɡi ɛ̂yɑ́ nǔu mbɑ́ɑtɛ yɛ́pɑ́, ɛ́ cú mbɔ̌ wɛ́ ŋɡɔ: «Yúu lɑɑ ḿbɔ́ tɛ Sɛ́ cẅɛɛtɛ lɔ́Ꞌ nǔu, kɔɔ pɛn ńji nji nǔu.»

ŊwɑꞋnɛ-Gɑŋntúu Yɛ́su Kɛlístɔ 11:29

Aɡɑbus cú pɑ́Ꞌɑ, pʉɔ-Kɛlístɔ pɔ́ yɛcɔ́ lɛ́Ꞌ ńzɑ́p ŋɡɔ mbɑ wɔ̌ lɑ́ ɡɑ́ yɛ́ yúu mi ɑ kuꞋnɛ nǔu, pɛ́ túu, ńdɔk ńcẅɛ́lɛ́ pɔ́ɔpɛ́mɑ́ pi pɔ́p tswɛ́nɛ tsɛt pɑk-ŋɡɔŋ-Judɛ̂.

ŊwɑꞋnɛ-Gɑŋntúu Yɛ́su Kɛlístɔ 24:17

Pɔ̂l pɛn ńcú ŋɡɔ: «Ŋ kɑ nɑ́ŋ túu tɛꞋ. Mɔ ḿbɔ́ pɑ́Ꞌɑ, mbɔ m bɛn Yɛlúsɑlɛm pɔ nɛɡɑ́ ŋkɑ́p pɛ́ tsupnɛ ńdɔk ńcẅɛ́lɛ́ lɑ́Ꞌ yɛ́k, mbɑ nɛɡɑ́ yúu nɛlɔk ŋ́ɡúꞋlɛ Sɛ́.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,

Tîtɛ 1:15

Kʉ̈ɔ́ lɑ́ kɛ́ lɔ́Ꞌ mbɔ̌ pʉɔ pi pɔ́p ɡẅɛɛnɛ tʉ́m lɛ́ɛnɛ́nɛ mbi Sɛ́. Lɑ́ ŋ́ɡʉ nǔu pʉɔ pi tʉ́m yɔ́p kɑ́ lɛ́ɛnɛ, pɔ́p pɔɔ zɑ́p nǔu Sɛ́ pɔ́, kʉ̈ɔ́ lɑ́ mbɔ̌ pɔ́p ŋ́ɡẅɛɛ pɔ lɔ́Ꞌ. MbíꞋŋɡɔ kwɑŋɛnu yɔ́p nɑ́ŋ ńtʉ́ʉ pɔ nǔu mɛnu kɛpɔŋ, tʉ́m yɔ́p pɔɔ lɛ́ɛnɛ.

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.