Lúkɑ́shi 11:22 - Kɑɑ Fí

²² Lɑ́ wɛcɔ́ ŋu ẅí ɑ pɛn ńtɛn ńdɛɛ wɛ́ lɑɑ ńtɔ́, mbɔ wɛcɔ́ nɛɡɛ kɛ́ pɛn ḿbɔ́ ɡú ŋkɑ́ ɛ̂yɑ́ pɔ́. Mbɔ wîwɑ́ ŋu ɡɛ ńtɔ́ ŋ́ɡẅɛɛ wɛ́, ńcẅɛ́ɛ yúu ntsɔ pɛ́ pi ɑ ḿbɔ́ ńdɔk ńtɛn lɑ́. Ḿbuu ńtúꞋ yúu pɛ́, pɔ́p pɛ́ pʉɔ ɡɑptɛ.

Lúkɑ́shi 11:22 ပူးပေါင်းရင်းမြစ်များ

Lúkɑ́shi 11:21

Pʉʉ sɛ́ ńjí yʉ́ʉ ŋɡɔ ŋu lɑɑ ŋ́ɡẅɛɛ yúu ntsɔ, ḿbɛn ŋ́ɡẅɛɛ mɛtʉʉ nɛlɔk ḿbyɛ́p njɛ́Ꞌ yɛ, mbɔ ɛ́ lɑɑ ḿbɔ́ yúu yɛ́ pɔɔ pɛ́.

Lúkɑ́shi 11:23

Ŋu lɑɑ ńdʉꞋ pɑ́Ꞌ pɛkŋɛ ɡɛ ḿbɔ́ nɛ́ nu, mbɔ ɑ lɔk ḿbʉ́ʉpɛ nu yɑ́ɑ. Ŋu pɛn ńdʉꞋ nɛcẅɛ́lɛ́ wɑ́ɑ, pɛkŋɛ cúꞋlɛ pʉɔ pɑ́ɑ, mbɔ ɑ tsʉ́Ꞌ ńtɑ́k wɔ́p ɛ́sɑt sɑtnɛ.»

Ɛ́fɛ̂zɛ 6:11

Pʉʉ tíi yúu-ntsɔ yi Sɛ́ ɡɑ́nɛ mbɔ̌ pʉʉ pɔ tsʉʉ, lɑ́ ńdɔk ńjí ŋɡɔ Sɑ́ttɑ ɡʉ ńdɔk wɛ́tɛ́ shʉ́ ḿmɑꞋ wʉ́ʉ ɔɔ pʉʉ pɔɔ nuklɛ,

Ɛ́fɛ̂zɛ 6:13

Ɛ́ yúu mi ɛ́ ɡɛnɛ lɑ ɛ́ pɔ́ ḿbíkŋɛ ŋɡɔ, pʉʉ tíi yúu-ntsɔ-Sɛ́ pɔ tsʉʉ, lɑ ŋ́kuꞋ nɛpɔ́ yi lɛ́Ꞌlɑ́Ꞌ kɛpɔŋ ɡʉ ńtɔ́, pʉʉ mɑꞋ ntsɔ mɛshʉ́ mɛshʉ́ tɛ ńnɑꞋ cí, ŋ́kɛ́ ḿbɔɔ nuklɛ.

Kɔlɔsíyɛ̂ŋ 2:15

Sɛ́ kɑ pɔ́ ńdɔk pɔ́Ꞌɔ, ŋ́ɡẅɛɛ mɛzẅikŋɛ kɛpɔŋ, mi ɛ́ ɡẅɛɛnɛ tʉʉ, ḿbɔ́ ɛ́sɑ́Ꞌ ndǔmbí yɔ, ńcẅɛɛtɛ mɛtʉʉ mɔ́p ḿmɛꞋ, ńtɛ́m sʉ́ʉ tú pɔ́p mbi lɑ́Ꞌ. Ɛ́ pɔ́ pɑ́Ꞌ ɑ kɑ lɔknɛ wɔ́p ŋ́ɡɛ puꞋ-ntsɔ, Kɛlístɔ lɔk wɔ́p ŋ́kɑ́t ńnɛn ńdɔk ńdɛꞋlɛ ŋɡɔ ɑ jʉ́ ntsɔ.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.