Lúkɑ́shi 10:7 - Kɑɑ Fí

⁷ Pʉʉ lɑɑ ḿbiitɛ tɛ ŋ́kúu tsɛt ndɑ́, pʉʉ nɑ́ŋ pɔ tsɛt ndɑ́ ɛ̂yɑ́, pʉʉ pɑ́ɑ nɛpɛn ŋ́ɡʉ yɛcɔ́ zʉꞋ ndɛꞋ, pɛ́ ɡɑ́ mbɑ kʉ̈ɔ́ lɑ́ zúꞋu pʉʉ kwɛ́t, ḿbɛn ńnɔ́, kɛ́ kɔ́ sʉ́ʉ, mbíꞋŋɡɔ ŋu lɑɑ ɛ́fɑꞋ fɑꞋ, mbɔ ɑ ɡɛ ńjʉ́ pii-fɑꞋ.»

Lúkɑ́shi 10:7 ပူးပေါင်းရင်းမြစ်များ

Mɑ́lɛ́kúshi 6:10

Yɛ́su pɛn ńcú mbɔ̌ pɔ́p ŋɡɔ: «pʉʉ lɑɑ ŋ́ɡʉ tɛ ŋ́kúu tsɛt tɑ́Ꞌ lɑ́Ꞌ, pʉʉ nɑ́ŋ pɔ tsɛt ndɑ́ yi pɛ́ ŋ́ɡɛ ŋ́ɡɑ́ mbɔ̌ pʉʉ tɛ ŋ́ɡɛ ɛ́fú zúꞋu ŋ́ɡʉ.

Lúkɑ́shi 10:6

Pʉʉ cú pɔ́Ꞌɔ, ŋu ẅi ɑ kɔŋ ŋɡɔ mbɔ́tnɛ pɔ́ ndɑ́ yɛ, mbɔ mbɔ́tnɛ ɡɛ ŋ́kúu nǔu yɛ́. Lɑ́ ɛ́ pɔɔ pɔ́Ꞌɔ pɔ́, mbɔ ɛ́ ɡɛ ḿbɛn ŋ́kúu nǔu pʉʉ.

Lúkɑ́shi 9:4

Pʉʉ ɡʉ tɛ ŋ́kúu zʉꞋ, pɛ́ lɑɑ ńcú ŋɡɔ pʉʉ lɛ́ tsɛt yɛ́t ndɑ́ lɑ́, pʉʉ kɛ́ ńtswɛ́ pɔ ndɑ́ ɛ̂yɑ́ tɛ ńdɑ́Ꞌ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

ŊwɑꞋnɛ-Gɑŋntúu Yɛ́su Kɛlístɔ 16:34

A pɛn ńdɔk wɔ́p pɛ́pɑ́ ḿbʉ́ʉ ŋ́ɡʉ ndɑ́ yɛ, ŋ́ɡɑ́ yúu pɔ́p jʉ́. Pɔ́p pɛ́ njẅɛtndɑ́ yɛ tsɑ́ɑtɛ, mbíꞋŋɡɔ pɔ́p zɑ́b tʉ́m yɔ́p nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 16:40

Pɔ̂l pɔ́p Sílɑs cẅɛt ŋkɔ̂ɔnɛ, ŋ́ɡʉ nɛ njɛ́Ꞌ-Lítíyɑ, ŋ́kúu zúꞋu, ḿbɛ́ɛtɛ mbɑ kʉ̈ɔ́ lɑ́ ɛ́sẅíi pɔ́ɔpɛ́mɑ́, ńníꞋ mɛtʉʉ wɔ́p, lɑ ŋ́ɡʉ.

Ŋɡɑlɑ̂t 6:6

Ɛ́ pɔ́ŋ ŋɡɔ ŋu ẅí pɛ́ sɛ́ ńzíꞋ wɛ́ nɛ nu-Sɛ́ ɡɑp yúu pɛ́ ŋ́ɡɑ́ yɛ ŋu ẅí ɑ sɛ́ ńzíꞋ wɛ́.

1 Timɔtɛ́ɛ 5:13

Pɔ́p lɑɑ mbɔɔ ɡẅɛɛ yúu pɔ́p ŋ́ɡɛ pɔ́, pɔ́p tsʉ́Ꞌ pɛlɔ́ŋ, ḿbɔ́ ŋ́kɑ́t tsɛt mɛndɑ́, ɛ́ ɡɔ́ mɛkŋɛ ḿbʉ́k pɔ́p mɛꞋ ńtíi mɛlík-pʉɔ, ŋ́kɑ́t ŋ́kíɛꞋ mɛnu mi pɛ́ lɔɔ ŋ́kíɛꞋ pɔ́, ńcú nu nǔu mɛnu mi ɛ́ kɑ́ pɔ́ ńdíŋɛ wɔ́p pɔ́.

2 Timɔtɛ́ɛ 2:6

Nzʉ́Ꞌnɑŋ ẅí ɑ ŋ́kíɛnɛ ziꞋnɛ sʉ́Ꞌnɛ, ḿbɔ́ nduŋmbi nɛkwɛ́t yúu mi ɛ́ fúnɛ ŋkɑ́Ꞌ yɛ́.