Lúkɑ́shi 10:27 - Kɑɑ Fí

²⁷ A pʉ̈ɔt ŋɡɔ: «Ɛ fúŋ ńzúꞋ ŋɡɔ: Kɔŋ Tsɑpʉɔ Sɛ́ wu nɛ́ ŋɡɔŋ tʉ́m yú tsʉʉ, ńtík pɔ wɛ́ mbi nǔu yú kʉ̈ɔ́ lɑ́, ḿbɛn ńdɔk mɛtʉʉ mú tsʉʉ ɛ́fɑꞋ mbɔ̌ wɛ́, ńzɑ́p kwɑŋɛ yú ndɑꞋ nǔu wɛ́, ḿbɛn ŋ́kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú lɑ́».

Lúkɑ́shi 10:27 ပူးပေါင်းရင်းမြစ်များ

Mɑtʉ̈ɔ 19:19

Gɑ́ mɛkuꞋ-tɑ́t wu, pɔ́p mɑ́ wu, kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú.»

Lúkɑ́shi 10:26

Yɛ́su zúꞋ pɔ́Ꞌɔ, ńcú mbɔ̌ wɛ́ ŋɡɔ: «Ɔ fúŋ yú ŋwɑꞋnɛ-Sɛ́ ńzúꞋ pɔ ŋɡɔ ku?»

Pʉɔ-Lɔ́mɑ 13:9

Pʉʉ zɛɛ ńjí nɛpʉ́ʉ ni ɛ́ cúnɛ ŋɡɔ: «Kɔɔ ɡɛ ɡɑp. Kɔɔ jẅí ŋu. Kɔɔ jʉ̈ɔ. Kɔɔ tík mík nǔu yúu-ŋu». Lɔk ŋ́kút mɛtú mɔnɛ mbʉ́ʉ tɛ mbɑ mɛcɔ́ pɔ́ ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋnɛ túmbʉʉ yú».

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ɛ́bɛlʉʉ 8:10

Lɑ́ kɑɑ yi mɔ ŋ́ɡwɑt tsɛtsɛt pɛkŋɛ pɛ pʉɔ-Íslɑyɛ̂l pʉ́ɔ. Yîyɑ́ ŋkɑ́ ɡʉ ŋ́ɡɛ ḿbɔ́ tɛ ńdɛɛ, mɔ Tsɑpʉɔ cúnɛ Mɔ ŋ́ɡɛ jínu yɔ́p nɑ́ŋ ńtʉ́ʉ pɔ nǔu mɛnɛpʉ́ʉ mɑ́ɑ mbɑ tʉ́m yɔ́p tʉ́ʉ pɔ nǔu. M bɔ́ Sɛ́ yɔp pɔ́p pɔ́ pʉɔ pɑ́ɑ.

Jɑ̂k 2:8

Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.