Lúkɑ́shi 10:24 - Kɑɑ Fí

²⁴ Lɑ́ ŋ kɛ ɛ́sẅíi wʉ́ʉ, nɛzɑ́ɑ pɛŋɡɛ́mndʉ̈ɔꞋ-Sɛ́, mbɑ pɛfɔɔ kɑ ńtsɑ́ɑ nɛjʉ́ɔ mɛnu mi pʉʉ jʉ́ɔnɛ lɑɑ tɛꞋ, lɑ́ ḿbɔɔ jʉ́ɔ, ńtsɑ́ɑ nɛzúꞋ mɛnu mi pʉʉ sɛ́ ńzúꞋ lɑɑ, lɑ́ ḿbɔɔ zúꞋ.»

Lúkɑ́shi 10:24 ပူးပေါင်းရင်းမြစ်များ

Mɑtʉ̈ɔ 13:16

Lɑ́ ɛ́ ɡʉ nǔu pʉʉ, mbɔ pʉʉ pɛpɔ́ttú, mbíꞌŋɡɔ mík mʉ́ʉ sɛ́ ńjʉ́ɔ zʉꞋ, mɛtúutɛ́ mʉ́ʉ pɔ́ ńzúꞋ zʉꞋ.

Lúkɑ́shi 10:23

Yɛ́su pɛn ɛ́shɔtnɛ, ńcú ndɑꞋ mbɔ̌ ɡɑŋku pɛ́ ŋɡɔ: «Pʉʉ pɛpɔ́ttú tɛꞋ pɑꞋ pʉʉ sɛ́ ńjʉ́ɔ yúu mi pʉʉ jʉ́ɔnɛ lɑɑ.

Lúkɑ́shi 10:25

Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»

Jɑ̂ŋ 8:56

Tʉ́m tɑ́t wʉ́ʉ Ábɛlɛhɑ̂m kɑ pɔ́ ńtsɑ́ɑtɛ ŋɡɔŋ ŋ́kɑ́ tsʉʉ yi ɑ kɑ pɔ́ ńtsɑ́ɑ nɛjʉ́ɔ ŋkɑ́ yi mɔ ŋ́ɡɛ ńtɔ́. A kɑ kɛ́ ńjʉ́ɔ, ńtsɑ́ɑtɛ tɛꞋ.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 11:39

Ɛ́ kɑ fú nǔu pɑ́Ꞌ pʉɔ ɛ̂pɑ́ pɛ́tsʉʉ kɑ zɑ́pnɛ tʉ́m yɔ́p nǔu Sɛ́, nu yɔ́p pɔŋ Sɛ́, lɑ́ sɑ̌ɑ ŋu wɔp pɔɔ síi ńzɑ́p lík nǔu nɛpɔŋ ẅí Sɛ́ kɑ kɑꞋnɛ mbɔ̌ pɔ́p pɔ́.