Lúkɑ́shi 1:78 - Kɑɑ Fí

⁷⁸ mbíꞋŋɡɔ ɑ sɛ́ ńdíŋɛ wɛkŋɛ sʉ́Ꞌnɛ, ḿbɛn ḿbɔ́ ńtsɑ́ɑ mɛjʉ́ŋ mɛkŋɛ tɛꞋ. A ɡɛ ńtúu ŋu ẅi ɑ ŋ́ɡɛ pɛkŋɛ luk, ŋɡɑŋ fú tʉ́nɛ́pú ńtɔ́ ḿbɔ́ kyɛꞌ,

Lúkɑ́shi 1:78 ပူးပေါင်းရင်းမြစ်များ

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Filipɛ 2:1

Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

2 Pyɛ̂ 1:19

Ɛ́ kɑ́ pɔ́ ndɑꞋ pɔ́Ꞌɔ pɔ́ pɛkŋɛ pɛn ŋ́ɡẅɛɛ sẅiŋɛ-pɑcẅiŋkʉʉ-Sɛ́ yi ɛ́ lɑɑ ḿbɔ́ pɛ́ pɔɔ zúꞋ ḿmʉ́Ꞌlɛ pɔ́. Ɛ́ pɔ́ŋ ŋɡɔ pʉʉ tsuŋ ńzúꞋ yîyɑ́ sẅiŋɛ. Ɛ́ pɑ́Ꞌ lɑ̂m ẅí ɛ́ kyɛꞋnɛ zʉꞋ yi ɛ́ sɛ́ sʉ́ʉnɛ lɑ́. Pʉʉ tsuŋ ḿbɔ́ ńzúꞋ ńdɔk ńzẅíꞋlɛ lɛ́Ꞌ yi Yɛ́su ɡʉ ńdɑ́Ꞌ ḿbɛn ńtɔ́. Pɑ́Ꞌ cʉ̈ɔ́Ꞌ-sɑŋ ẅí ɑ kɔ́Ꞌ, njí ɡɔ́ɔ ŋ́kiɛ. A ɡʉ ńtɔ́ ŋ́kyɛꞋ zʉꞋ mbɔ̌ mɛtʉ́m mʉ́ʉ.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.