Lúkɑ́shi 1:66 - Kɑɑ Fí

⁶⁶ Mbɑ wɔ̌ lɑ́ ẅi ɑ kɑ zúꞋnɛ mɔnɛ mɛnu lẅɛꞋ pɔ tsɛt tʉ́m yɛ́. Pɔ́p pɔ́ ḿbíkŋɛ ŋɡɔ: «Yɔ ntɛ́ mɔ́ɔ pɑ́Ꞌɑ ńdɑ́Ꞌ ḿbɔ́ ku?» Ɛ́ zɛɛ ŋ́ɡɔ ḿbɔ́ Tsɑpʉɔ pɔ́ ńdɔk mɛtʉʉ mɛ́ ńtɔ́ɔtɛ wɛ́.

Lúkɑ́shi 1:66 ပူးပေါင်းရင်းမြစ်များ

Lúkɑ́shi 1:80

Ŋ́ɡʉ nǔu Mɔ́ɔ-Sɑkɑlíyɑ, ɑ pɔ́tnɛ ŋ́ɡúꞋ nǔu mbɑp-mbʉʉ mbɑ nɛ́ jínu yɛ́. Pɔ́Ꞌɔ, ŋ́ɡɛ ŋ́ɡʉ ńnɑ́ŋ kɔ̂ŋtɛt, ńdɑ́Ꞌ ńtswɛ́ pɔ zúꞋu tɛ ŋ́kúu lɛ́Ꞌ yinɛ ɑ kɑ nyɛtnɛ shʉ́ wɛ́ mbɔ̌ pʉɔ-Íslɑyɛ̂l.

Lúkɑ́shi 2:19

Ŋ́ɡʉ nǔu Mɑlíyɑ, ɑ lẅɛꞋ mɛnu ɛ̂mɑ́ pɔ tsɛt tʉ́m yɛ́, ḿbɔ́ ŋ́kwɑŋɛ nu nǔu.

Lúkɑ́shi 2:40

Mɔ́ɔ pɔ́ ŋ́ɡúꞋ, jínu yɛ́ pɔ́ ŋ́kẅiꞋ tɛꞋ, ɑ pɛn ḿbɔ́ ńjí yúu mi Sɛ́ sɛ́ ŋ́kɔŋ ŋɡɔ pʉɔmɛsɔŋ ɡɛ, Sɛ́ pɛn ḿbɔ́ nɛ́ jʉ́.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

Lúkɑ́shi 9:44

«Pʉʉ tsúŋ ńzúꞋ nu yi ŋ ɡɛ ńcú lɑɑ sʉ́Ꞌnɛ, ḿbɛn ŋ́kẅíitɛ. Pɛ́ sɛ́ ŋ́ɡʉ nɛfɛn mɔ́ɔ-ŋu mbɔ̌ pʉɔmɛ́sɔŋ.»

ŊwɑꞋnɛ-Gɑŋntúu Yɛ́su Kɛlístɔ 11:21

Tsɑpʉɔ pɔ́ ńtɔ́ɔtɛ wɔ́p tɔ́ɔtɛnɛ, pʉɔ tɛ ńzɑ́ɑ pɔ́ ńzɑ́p tʉ́m nǔu Tsɑpʉɔ Yɛ́su, ḿbɔ́ ɛ́shɔtnɛ ńtsʉ́Ꞌ pʉɔ pɛ́.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.