Lúkɑ́shi 1:35 - Kɑɑ Fí

³⁵ Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 1:35 ပူးပေါင်းရင်းမြစ်များ

Mɑtʉ̈ɔ 1:18

Yɔ pɑ́Ꞌ ɛ́ kɑ lɛɛnɛ pɔ́Ꞌɔ, lɑ pɛ́ pí Yɛ́su Kɛlístɔ. Mɑ́ wɛ Mɑlíyɑ kɑ pɔ́, mbɔ Yɔsɛ̂p kɑŋ wɛ́, tɛ pɛ́ pɛ́m ŋɡɔ ɑ zɔ́Ꞌ wɛ́, ɑ pɛ́t kɛ́ ɡʉ tɛ ŋ́kúu njɛ́Ꞌ yɛ́, pɛ́ ɡɔ ḿvukŋɛ ńjʉ́ɔ ɑ pɔ́ shǔutɛ, mbɔ Zẅikŋɛ Lɛ́ɛnɛ́nɛ ɡɛnɛ ɑ shuŋ.

Mɑtʉ̈ɔ 1:20

ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Mɑtʉ̈ɔ 14:33

Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»

Mɑtʉ̈ɔ 27:54

Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»

Mɑtʉ̈ɔ 4:3

Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»

Mɑ́lɛ́kúshi 1:1

Nzɛnɛ Ŋkʉʉ Sʉ́Ꞌnɛ nǔu Yɛ́su Kɛlístɔ mɔ́ɔ-Sɛ́, pʉ̈ɔ́lɑ́.

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Lúkɑ́shi 1:27

mbɔ̌ wɛcɔ́ mɔ́ɔŋɡɔɔ ẅi pɛ́ fúŋnɛ wɛ́ ŋɡɔ Mɑlíyɑ, mbɔ pɛ́ kɑ pʉ́ wɛ́ mbɔ̌ Yɔsɛ̂p, ŋu nǔu tsɛ́nndɑ́-fɔɔ Ndɑvît, tɛ pɛ́ ńnɑ́ŋ sɛ́ nǔu.

Lúkɑ́shi 1:34

Mɑlíyɑ zúꞋ pɔ́Ꞌɔ, ńcú mbɔ̌ Cʉ̈ɔꞋ-Sɛ́ ŋɡɔ: «Tɛ yɔ nu ɡʉ ńdɑ́Ꞌ ńdɛɛ ŋɡɔ ku, pɑ́Ꞌ m bɛ́t kɛ́ jí ŋu mbɛ́ɛnɛ lɑɑnɛ?»

Lúkɑ́shi 1:36

Zɛɛ ńjʉ́ɔ mɔ́ɔmɑ́ wu Lísɑpɛ. Pɛ́ sɛ́ ɛ́fúŋ wɛ́ ŋɡɔ ŋkɛ́n mɑŋɡɛ́, ɑ kɛ́ mɔ́ ńdɛn tɛꞋ lɑ́, ɛ́ ŋkɔ̂ɔnɛ ḿbɔ́ pɛsɑŋ pɛ́nɛ́ntúkú pɑ́Ꞌ ɑ shǔutɛ, lɑ́ ɑ ŋ́ɡɛ ńtɑ́ɑ ḿbí mɔ́ɔ mbɛ́ɛnɛ.

Jɑ̂ŋ 1:34

N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

Pʉɔ-Lɔ́mɑ 1:4

Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.