Lúkɑ́shi 1:31 - Kɑɑ Fí

³¹ ZúꞋ: ɔ ɡʉ ḿbɔ́ shǔutɛ, ŋ́ɡɛ ḿbí tɑ́Ꞌ mɔ́ɔ mbɛ́ɛnɛ, ńcẅi lík yɛ́ ŋɡɔ Yɛ́su.

Lúkɑ́shi 1:31 ပူးပေါင်းရင်းမြစ်များ

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Mɑtʉ̈ɔ 1:25

Lɑ́ pɔ́pmɛ́ kɛ́ ńdɑ́Ꞌ ḿbɔɔ nɔɔ, tɛ ɑ ɡɛ ḿbí mɔ́ɔ ɛ̂wɑ́, Yɔsɛ̂p cẅi lík yɛ́ ŋɡɔ Yɛ́su.

Lúkɑ́shi 1:13

Lɑ́ Cʉ̈ɔꞋ-Sɛ́ cú mbɔ̌ wɛ́ ŋɡɔ: «Sɑkɑlíyɑ, kɔɔ kíi ḿbɔ́k, Sɛ́ zúꞋ mɔ́ nu yi ɔ júknɛ ńcɛꞋlɛ wɛ́ nǔu, tɛ ɑ ŋ́ɡɛ ńcʉ̈ɔꞋ nzwɛ́ wu Lísɑpɛ, pʉʉnɛ ḿbí tɑ́Ꞌ mɔ́ɔ mbɛ́ɛnɛ, ɔ cẅi lík yɛ́ ŋɡɔ Jâŋ.

Lúkɑ́shi 1:27

mbɔ̌ wɛcɔ́ mɔ́ɔŋɡɔɔ ẅi pɛ́ fúŋnɛ wɛ́ ŋɡɔ Mɑlíyɑ, mbɔ pɛ́ kɑ pʉ́ wɛ́ mbɔ̌ Yɔsɛ̂p, ŋu nǔu tsɛ́nndɑ́-fɔɔ Ndɑvît, tɛ pɛ́ ńnɑ́ŋ sɛ́ nǔu.

Lúkɑ́shi 2:21

Pɛ́ kɑ pí mɔ́ɔ, ɛ́ ɡɔ ḿbɔ́ lɛ́Ꞌ pɛ́nɛ́fɔ́m, pɛ́ púꞋ wɛ́, ńcẅi lík yɛ́ ŋɡɔ Yɛ́su, ɛ́ pɔ́ lík yi Cʉ̈ɔꞋ-Sɛ́ kɑ ɡɑ́nɛ lɑ mɑ́ wɛ lɑ́Ꞌ ɛ́shuŋ wɛ́.

Lúkɑ́shi 20:44

Lɑ́ Fɔɔ Ndɑvît fúŋnɛ wɛ́ tɑ́t pɑꞋɑ, mbɔ ɑ pɛn ḿbɔ́ Nzɑ́Ꞌŋkʉ, ḿbɛn ḿbɔ́ ŋu nǔu yɛ njẅɛt ŋ́ɡɔ ku?»

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.