Lúkɑ́shi 1:17 - Kɑɑ Fí

¹⁷ Sɛ́ ŋ́ɡɛ ńdɑ́Ꞌ ŋ́ɡɑ́ wɛ́ nɛ́ mɛtʉʉ, ɑ lɔk ḿbɔ́ yɛ́ pɑ́Ꞌ Ɛlíyɑ, ŋɡɛ́mndʉ̈ɔ́Ꞌ-Sɛ́, nɛlɔk ḿbɔ́ mbi ńdɔ́ɔ pɑ́Ꞌ ɑ ɡɛ ŋ́ɡɛ ŋɡɔ pɛtɑ́t ɡẅɛɛ kwɑŋɛ sʉ́Ꞌnɛ nǔu mbɔ́ŋkʉ̈ɔ́ pɔ́p, ɛ́ pɛn ŋ́ɡɛ ḿbɑ́ɑtɛ pɑtʉʉtú ɡẅɛɛ jínu-pʉɔ pi pɔ́p pɔ́knɛ Sɛ́. Pɔ́Ꞌɔ, Sɛ́ lɔk ńniitɛ pʉɔ pi pɔ́p ɡɛ ńdɑ́Ꞌ ŋ́kuꞋ nɛɡɑ́ mɛkuꞋ mbɔ̌ wɛ́.»

Lúkɑ́shi 1:17 ပူးပေါင်းရင်းမြစ်များ

Mɑtʉ̈ɔ 11:14

Pʉʉ lɑɑ ḿbɛn ḿbɔ́ ŋ́kɔŋ nɛjí ŋu ẅi Jɑ̂ŋ jʉ́, mbɔ mɔ, ŋ ɡʉ ŋ́kɛ́ ɛ́sẅíi wʉ́ʉ ŋɡɔ ɑ lɔk ḿbɔ́ Ɛlíyɑ ẅí ɑ kɑ pɔ́ ŋ́ɡʉ ḿbɛn ńtɔ́.

Mɑtʉ̈ɔ 14:4

Ɛ́ ɡɔ ḿbɔ́, mbɔ Jɑ̂ŋ kɑ pɔ́ ŋ́kɑkŋɛ wɛ́ ŋɡɔ: «Nɛpʉ́ʉ kɑ́ pɔ́ ḿbɛ́m ŋɡɔ ɑ zɔ́Ꞌ Ɛlɔ̂díyɑ pɔ́.»

Mɑtʉ̈ɔ 3:3

Jɑ̂ŋ lɔk pɔ́Ꞌɔ, ḿbɔ́ ŋu ẅí Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ cúnɛ nu ntɛ́ wɛ́ ŋɡɔ: «Ŋɡi-ŋu kɔ́Ꞌ ɛ́fú kɔ̂ŋtɛt, ńcú ŋɡɔ: “Pʉʉ niitɛ sɛ̂ndúŋ-Tsɑpʉɔ, ŋ́ɡɛ mɛlɛ̌ɛndúŋ mɛ́ tʉ́ʉ ndʉ́ŋndʉŋ.”»

Mɑtʉ̈ɔ 3:4

Jɑ̂ŋ kɑ pɔ́ kɔ̂ŋtɛt, ḿmɑꞋ ndẅí, mbɔ pɛ́ kɑ lɔk mɛnuk-kɑmɛ̂l ḿbɑ́Ꞌ, ńdɔk ŋɡup-nɑɑ ńtsɔ́ lúꞋ yɛ́, pɛ́ yúujʉ́ pɔ́ ŋɡẅíimɛ ŋ́ɡɛ lumɔ́nɑɑ.

Lúkɑ́shi 1:16

A ŋ́ɡɛ ŋ́ɡɛ pʉɔ-islɑyɛ̂l tɛ ńzɑ́ɑ shɔt tʉ́m yɔ́p, ḿbɛn mbɔ̌ Tsɑpʉɔ Sɛ́ wɔp.

Lúkɑ́shi 1:76

Sɑkɑlíyɑ pɛn ńcú ŋɡɔ: «Ɛ́ ɡʉ nǔu ɡu mɔ́ɔ wɑɑ, mbɔ pɛ́ ŋ́ɡɛ ńdɑ́Ꞌ ɛ́fúŋ wú ŋɡɔ ŋɡɛ́mndʉ̈ɔ́Ꞌ-Sɛ́, Sɛ́ ẅi ɑ piꞋnɛ mbɑ kʉ̈ɔ́ lɑ́. Tsɑpʉɔ ɡɔ ḿbɛn ńtɔ́, mbɔ ɔ piitɛ ḿbɔ́ mbi ńniitɛ sɛ̂ndúŋ yɛ́.

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Jɑ̂ŋ 1:34

N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.

Jɑ̂ŋ 3:28

KwɑꞋ pʉʉ yʉ́ʉ sɛ́ ńniitɛ ńjí ŋɡɔ ŋ kɑ cú ŋɡɔ ŋ kɑ́ pɔ́ Nzɑ́Ꞌŋkʉ ẅi Sɛ́ kɑ túunɛ pɔ́. Mɔ pɔ́ ŋu ẅí pɛ́ kɑ túunɛ ŋɡɔ m bɔ́ mbi yɛ́.

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

Pʉɔ-Lɔ́mɑ 9:23

Lɑ́ Sɛ́ kɑ pɔ́ ḿbɛn ŋ́kɔŋ nɛnyɛt ndɛn fuꞋ yi ɛ́ tsɛt nɛɡúꞋ wɛ, ḿbɔ́ yi ɑ ŋ́ɡɑ́ mbɔ̌ pʉɔ pi ɑ tsɑ́ɑnɛ mɛjʉ́ŋ mɔ́p, pʉɔ pi ɑ kɑ lɑ́Ꞌnɛ ńzɑ́Ꞌ njí ńniitɛ wɔ́p ńtík, nɛɡẅɛɛ nɛɡúꞋ wɛ ẅîwɑ́.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

2 Timɔtɛ́ɛ 2:21

Pɔ́Ꞌɔ, ŋu lɑɑ ḿbʉʉtɛ mbʉʉ yɛ nǔu mɛnu kɛpɔŋ mi ɛ fúnɛ nɛcú lɑɑ, mbɔ ŋɡɑŋ ɡʉ ḿbɔ́ pɑ́Ꞌ kɑ́ŋ yi pɛ́ tíknɛ sɛ́ pɔ nǔu lɛ́Ꞌ ɡwɛ́ lɑ́. Mbɔ ɑ ɡʉ ḿbɔ́ ŋu Tsɑpʉɔ fyɑknɛ wɛ́ ńdɔk ŋ́ɡɛ wɛ, ɑ cẅɛ́lɛ́ Tsɑpʉɔ wɛ, ɑ pɔ́ ŋu ẅí ɑ ɡɛnɛ nu sʉ́Ꞌnɛ tsʉʉ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.