Jẅidɛ 1:23 - Kɑɑ Fí

²³ Pʉʉ fú tsɛt múk ńcẅɛɛtɛ wɔ́p, pɔ́p luk. Pɛcɔ́ pʉɔ pɛn ḿbɔ́ ɡú pi pʉʉ ɡʉ ḿbɛn ńtsɑ́ɑ mɛjʉ́ŋ mɔ́p, ŋ́ɡɔ́ ńtsɑ́ɑ, ḿbɔ́ ḿbɑ́ɑ yʉʉ mbʉʉ. Pʉʉ pɑ́ɑ mbɑ mɛndẅí mɔ́p pɑ́Ꞌ ntsɛ́llɛ́-mɛnu kɛpɔŋ ɡɔ́ ŋ́kúu nǔu ɛ́fú nǔu yúu mi mbʉʉ yɔp tsɑ́ɑnɛ.

Jẅidɛ 1:23 ပူးပေါင်းရင်းမြစ်များ

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 3:15

Lɑ́ fɑꞋ-ŋu lɑɑ ŋ́kɛ́ ńdɑ́Ꞌ ɛ́shí, mbɔ ŋɡɑŋ tɑ́ŋ pɛ́, ŋ́kɛ́ ńduk luknɛ, mbɔ ɑ luk pɑ́Ꞌ ŋu ẅí ɑ tɔ́knɛ tsɛt lʉ́m-múk lɑ ńduk lɑ́.

2 Kɔlɛ̂ŋtɛ 5:11

Pɑ́Ꞌ pɛk sɛ́ ńjí yúu mi pɛ́ fúŋnɛ ŋɡɔ nɛpɔ́k Tsɑpʉɔ lɑ́, pɛk nɑ́ŋ ńdɔɔ pɔ shʉ́, ŋ́ɡɛ pʉɔ tsuŋ ńjí pʉɔ pi pɛk pɛ́tɛ. Sɛ́ sɛ́ ńtsuŋ ńjí pʉɔ pi pɛk pɛ́tɛ, mɔ sɛ́ ŋ́kwɑŋɛ ŋɡɔ pʉʉ tsɛt tʉ́m pʉ́ʉ ḿbɔ́ ńtsuŋ ńjí ŋu wi mɔ wɛ́tɛ́.

2 Tɛsɑlɔník 3:14

Ŋu lʉꞋ nɛzúꞋ nu yi pɛk cúnɛ tsɛt yɔ ŋwɑꞋnɛ lɑɑ, pʉʉ líŋɛ wɛ́ sʉ́Ꞌnɛ. Kɔɔ pʉʉ pɛpɔ́p pɛn ńtɛm nu, ńjí ŋɡɔ sʉ́ʉ ɡʉ ŋ́kɔ́ wɛ́.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

2 Jɑ̂ŋ 1:11

Ŋu lɑɑ ḿbúꞋ mbɔ́ mbɔ̌ wɛ́, mbɔ pɔ́p ŋɡɑŋ lɔk ḿbɔ́ tɑ́Ꞌ ntsu nǔu mɛfɑꞋ kɛpɔŋ mi ɑ sɛ́ ɛ́fɑꞋ.

Jẅidɛ 1:22

Pʉʉ tsɑ́ɑ mɛjʉ́ŋ pʉɔ pi pɔ́p sɛ́ ḿmʉ́Ꞌlɛ mʉꞋlɛ́nɛ

Mɛnu ɛ́ ńdɑ́Ꞌ ńcẅɛt 3:18

ŋ ɡʉ ŋ́kɛ́ ɛ́sẅíi wú ŋɡɔ ɔ tɔ́ mbɔ̌ mɔ, ńzúu tʉ́n-ŋɡɔ̂l yi pɛ́ kɑ lɔk mɔ́ múk ńcẅɛɛtɛ lɔ́Ꞌ ndǔmbí yɔ tsʉʉ, ŋ́ɡɔ́ɔ ŋ́kɛ́ ḿbɔ́ ŋɡɑŋyúu ŋkɔ̂ɔnɛ, ḿbɛn ńzúu mɛfúfú ndẅí mbɔ̌ mɔ, ńjí ŋɡɔ ɔ ɡʉ ŋ́ɡẅɛɛ ndẅí yi ɔ ɡʉ mɑꞋ, sʉ́ʉ pɔɔ pɛn ŋ́kɔ́ wú ŋɡɔ ɔ tʉ́ʉ kɛ́ zẅík ndẅí pɔ́. Ɔ ɡʉ ḿbɛn ńzúu fumík mbɔ̌ mɔ, ńníꞋ nǔu mík mú nɛpɔ́ yi ɔ ɡʉ jʉ́ɔ zʉꞋ.

Mɛnu ɛ́ ńdɑ́Ꞌ ńcẅɛt 3:4

Ŋ kɛ́ ńcú pɑ́Ꞌɑ, pɛcɔ́ ntɑ́Ꞌ pʉɔ pɔ́ tsɛtsɛt pʉʉ tʉ́sɔŋ-Sɑldɛs, mbɔ pɔ́p ŋ́kɑɑ lɔk ntsɛ́llɛ́ ńzɔ́Ꞌ mɛndẅí mɔ́p pɔ́. Pɔ́p ɡʉ ŋ́ɡɛ ḿmɑꞋ mɛfúfú ndẅí, pɛk pɛpɔ́p pûu ńtɛmtɛ ku ńnɛn, mbíꞋŋɡɔ pɔ́p kuꞋ pɑ́Ꞌ ḿbɔ́ pɛk pɛpɔ́p ńnɛn.