Jɑ̂ŋ 9:29 - Kɑɑ Fí

²⁹ Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

Jɑ̂ŋ 9:29 ပူးပေါင်းရင်းမြစ်များ

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 26:61

«Ŋu wɑ́ lɑ́ kɑ cú ŋɡɔ: A kuꞋ nɛkɛm ndɑ́-nɔŋpɔꞋ, ńdɔk lɛ́Ꞌ pɛtɑ́t ŋ́kút.»

Lúkɑ́shi 23:2

Ńzɛ nɛfɛn wɛ́ ŋɡɔ: «Pɛk jʉ́ɔ ŋu wɔ pɔ́ ńjúk ŋ́kɑ́t tsɛt ŋɡɔŋ wɛk ḿbʉ́ʉpɛ tú-lɑ́Ꞌ, ńtɔꞋ wɔ́p nɛmɑꞋ ntsup-ntʉ̈ɔꞋ, ŋ́ɡɑ́ mbɔ̌ kɑ́sɑ-Pɑlɔ́mɑ. A pɛn ḿbɔ́ ńcú ŋɡɔ ɑ Nzɑ́Ꞌŋkʉ ẅí Sɛ́ kɑ kɑꞋnɛ mbɔ̌ pɛk, ńdɔk ńcú ŋɡɔ ɑ fɔɔ.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 7:27

Lɑ́, ẅîwɑ́ ŋu pɛ́Ꞌnɛ pɛk pɔ́ ńjí zʉꞋ yi ɑ fúnɛ zúꞋu. Lɑ́ ŋ́ɡʉ nǔu Nzɑ́Ꞌŋkʉ ẅi Sɛ́ kɑ kɑꞋnɛ, mbɔ ŋu kɛ́ ɡɛ ńjí zʉꞋ yi ɑ fúnɛ zúꞋu pɔ́.»

Jɑ̂ŋ 7:28

Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

Jɑ̂ŋ 8:14

Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

Jɑ̂ŋ 9:16

Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»

Jɑ̂ŋ 9:30

Fʉmík ɛ̂wɑ́ cú mbɔ̌ pɔ́p ŋɡɔ: Pʉʉ cú pɑ́Ꞌɑ, ɛ́ kʉꞋnɛ wɑ́ɑ tɛꞋ pɑ́Ꞌ pʉʉ kɑ́ pɔ́ ńjí nɛfú nɛ́ pɔ́. Lɑ́, mbɔ ɑ ŋ́kɛ́ ŋ́ŋíɛꞋ mík mɑ́ɑ!»

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

ŊwɑꞋnɛ-Gɑŋntúu Yɛ́su Kɛlístɔ 7:35

Sɛ́ cú pɔ́Ꞌɔ, ŋ́ɡɔ́ɔ ŋ́kɛ́ ńtúu pɔ Mɔ̌sɛ̂ɛ wɑ́ pɑ́Ꞌ ɑ ɡʉ ŋ́ɡʉ ńcẅɛɛtɛ pɑíslɑyɛ̂l tsɛt ŋɡʉ̈ɔ́Ꞌ yi pɔ́p kɑ pɔ́ ńjʉ́ɔ. Cʉ̈ɔꞋ-Sɛ́ ẅi Mɔ̌sɛ̂ɛ kɑ jʉ́ɔnɛ wɛ́ tsɛt pɔ́ɔ-mɛtʉ́ lɑ́ pɔ́ ńtɔ́ɔtɛ wɛ́. A pɔ́ ɛ́sɑ́Ꞌ Pɑíslɑyɛ̂l. Lɑ́ mbɔ pɔ́p kɑ lʉꞋ Mɔ̌sɛ̂ɛ, tɛ ḿbíkŋɛ wɛ́ ŋɡɔ wɔ̌ kɑ zɑ́pnɛ wɛ́ ŋɡɔ ɑ ńtsʉ́Ꞌ fɔɔ wɔp, ŋ́ŋɑk mɛntsɑŋ mɔ́p ɔɔ?

Ɛ́bɛlʉʉ 1:1

Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.