Jɑ̂ŋ 8:55 - Kɑɑ Fí

⁵⁵ Ŋ́kɛ́ ḿbɔɔ ḿbɔ́ ńjí wɛ́ pɔ́, lɑ́ mɔ sɛ́ ńjí wɛ́. N dɑɑ ŋɡɔ Ŋ kɑ́ pɔ́ ńjí wɛ́ pɔ́, mbɔ mɔ ńtsʉ́Ꞌ ŋɡɑŋ cɔtnu pɑ́Ꞌ pʉʉ. Lɑ́ mɔ sɛ́ ńjí wɛ́, ḿbɛn ḿbɔ́ ńnɛn nǔu sẅiŋɛ yɛ́.

Jɑ̂ŋ 8:55 ပူးပေါင်းရင်းမြစ်များ

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 10:15

Ndʉ́ŋndʉŋ pɑ́Ꞌ Tɑ̌ɑ mɔ sɛ́ ńjí wɑ́ɑ, m bɛn ḿbɔ́ ńjí Tɑ̌ɑ mɔ. Ŋ ɡɑ́ tú yɑ́ɑ ntɛ́ mɛnjinjɔ mɑ́ɑ.

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 17:25

Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 6:46

Sɑ̌ɑ ŋu ŋkɑɑ mɔ Tɑ̌ɑ jʉ́ɔ, tɛ ńdíꞋ ndɑꞋ mɔ ẅí ŋ kɑ fúnɛ nɛjɔ́ŋ yɛ́. Mɔ kɑ jʉ́ɔnɛ Tɑ̌ɑ Sɛ́.

Jɑ̂ŋ 8:19

Pɔ́p píkŋɛ wɛ́ ŋɡɔ: «Tɑ́t wu ɡɔ́?» Yɛ́su pʉ̈ɔt ŋɡɔ: «Pʉʉ kɑ́ pɔ́ ńjí wɑ́ɑ pɔ́, ḿbɛn ḿbɔɔ ḿbɔ́ ńjí mbɑ Tɑ̌ɑ mɔ pɔ́. Pʉʉ kɑ zɛɛ ḿbɔ́ pɛ́Ꞌnɛ ḿbɔ́ ńjí wɑɑ, mbɔ pʉʉ kɑ pɛn ńjí Tɑ̌ɑ mɔ ɡúu.»

Jɑ̂ŋ 8:29

Ŋu ẅí ɑ kɑ túunɛ wɑ́ɑ, pɛkŋɛ pɔ́nɛ, ɑ kɑ́ nɑ́ wɑ́ɑ zɛ́nɛ mɔ pɔ́, mbíꞋŋɡɔ mɔ ŋkɑ́ kʉ̈ɔ́ lɑ́, ŋ́ɡɛ pɔ yúu mi ɛ́ pɔŋnɛ wɛ́.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Jɑ̂ŋ 8:51

Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

Jɑ̂ŋ 8:52

Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

1 Jɑ̂ŋ 1:6

Pɛkŋɛ lɑɑ ńcú ŋɡɔ pɛkŋɛ pɛpɔ́p tɛmtɛ, lɑ́ ḿbɛn ḿbɔ́ ńnɛn tsɛt nzɛ́nzʉ́ʉ, mbɔ pɛkŋɛ cɔtnu, ńdɔk ḿbɔɔ ŋ́ɡɛ yúu mi ɑ sɛ́ ŋ́kɔŋ pɔ́.

1 Jɑ̂ŋ 2:22

Ŋɡɑŋ cɔtnu wɔ̌? A kɑ́ pɔ́ pɔ ŋu ẅí ɑ cúnɛ ŋɡɔ Yɛ́su kɑ́ pɔ́ Nzɑ́Ꞌŋkʉ pɔ́ pɔɔ? A ŋɡɑŋmbuu-Kɛlístɔ, ḿbɔ́ ŋu ẅí ɑ ɡɔ́ ńdʉꞋnɛ nu-Tɑ̌ɑ, ńdʉꞋ mbɑ nu-Mɔ́ɔ.

1 Jɑ̂ŋ 2:4

Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

Mɛnu ɛ́ ńdɑ́Ꞌ ńcẅɛt 3:9

Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.