Jɑ̂ŋ 8:43 - Kɑɑ Fí

⁴³ Pʉʉ pɛn ŋ́kɛ́ ḿbɔɔ ḿbɔ́ ńzúꞋ sẅiŋɛ yɑ́ɑ pɔ́ mɛlɑ́Ꞌ kʉ̈ɔ́? MbíꞋŋɡɔ pʉ́ʉ kɑ́ kuꞋ nɛzẅíꞋlɛ sẅiŋɛ yɑ́ɑ pɔ́.»

Jɑ̂ŋ 8:43 ပူးပေါင်းရင်းမြစ်များ

Mɑtʉ̈ɔ 13:15

MbíꞋŋɡɔ tʉ́m pʉɔ-lɑ́Ꞌ pɔ́nɛ kɑ sʉk pɔ́p kɑ zʉnɛ mɛtúutɛ́ mɔ́p, ŋ́kẅíipɛ mík mɔ́p, ńdɔk ḿbɔɔ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, nɛlɔk mɛtúutɛ́ mɔ́p ńzúꞋ nu pɔ́, tʉ́m yɔ́p pɔɔ pɑ́klɛ. Pɔ́p pɔɔ kɔŋ nɛkúpmɛ mɑt wɔp pɔ́, ńdɔk ḿbɔɔ ŋ́kɔŋ ŋɡɔ ŋ ɡɛ pɔ́p fíitɛ pɔ́.»

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 5:43

Ŋ kɑ lɔk lík-Tɑ̌ɑ mɔ ńtɔ́, pʉʉ lʉꞋ nɛpɛ́m yɑ́ɑ nu. Lɑ́ ḿbɔ́ yi wɛcɔ́ ŋu ndɛꞋ lɑɑ ńtɔ́ ŋkɔ̂ɔnɛ pɔ nǔu yɛ́ lík, mbɔ pʉʉ ɡʉ ḿbɛ́m yɛ́ nu.

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Jɑ̂ŋ 8:27

Yɛ́su cú pɑ́Ꞌɑ, pɔ́p pɔɔ jí ŋɡɔ nu yí ɑ cúnɛ mbɔ̌ pɔ́p, ɑ cú pɔ nǔu Sɛ́ Tɑ̌ɑ pɔ́.

Jɑ̂ŋ 8:33

Pɔ́p pʉ̈ɔt mbɔ̌ wɛ́ ŋɡɔ: «Pɛk pʉɔ nǔu njẅɛt-Ábɛlɛhɑ̂m, pɛk ŋkɑɑ zɛɛ ḿbɔ́ pɛkwɑɑ wɛcɔ́ ŋu pɔ́. Ɔ ɡɛ pɑ́Ꞌɑ ńcú ŋɡɔ nu nɛ́nẅín ɡʉ ńtsúꞋ wɛk?»

Jɑ̂ŋ 8:39

Pɔ́p pʉ̈ɔt mbɔ̌ wɛ́ ŋɡɔ: «Tɑ̌ɑ wɛk ɑ Ábɛlɛhɑ̂m.» Yɛ́su cú mbɔ̌ pɔ́p ŋɡɔ: «Pʉʉ pɛ́Ꞌnɛ ḿbɔ́ pɔ́ɔ-Ábɛlɛhɑ̂m, mbɔ pʉʉ ɡɛ pɑ́Ꞌ jʉ́.»

ŊwɑꞋnɛ-Gɑŋntúu Yɛ́su Kɛlístɔ 7:51

Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.

Pʉɔ-Lɔ́mɑ 3:11

Wɛcɔ́ ŋu ẅí ɑ ɡẅɛɛnɛ jínu kɑ́ pɔ́ ɡú pɔ́. Wɛcɔ́ ŋu ẅí ɑ tsuŋ ḿbɔ́ ńtsɑ́ɑ nɛjí sɛ̂ndúŋ-Sɛ́ ɑ kɑ́ pɔ́ ɡú pɔ́.