Jɑ̂ŋ 8:29 - Kɑɑ Fí

²⁹ Ŋu ẅí ɑ kɑ túunɛ wɑ́ɑ, pɛkŋɛ pɔ́nɛ, ɑ kɑ́ nɑ́ wɑ́ɑ zɛ́nɛ mɔ pɔ́, mbíꞋŋɡɔ mɔ ŋkɑ́ kʉ̈ɔ́ lɑ́, ŋ́ɡɛ pɔ yúu mi ɛ́ pɔŋnɛ wɛ́.

Jɑ̂ŋ 8:29 ပူးပေါင်းရင်းမြစ်များ

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Jɑ̂ŋ 14:31

«Lɑ́ pɛ́ pɛ́m ŋɡɔ ɑ tɔ́ pɔ́Ꞌɔ, pʉɔmɛsɔŋ ndǔmbí jí ŋɡɔ ŋ kɔŋ Tɑ̌ɑ mɔ, mɔ sɛ́ ŋ́ɡɛ pɔ yúu mi ɑ cúnɛ ŋɡɔ ŋ ɡɛ. Pʉʉ lɔ sɛ́ pɛkŋɛ fú zɑꞋnɛ ŋ́ɡʉ.»

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

Jɑ̂ŋ 16:32

Ŋkɑ́ sɛ́ ŋ́kuꞋ, tɛ ɛ́ zɛɛ ŋ́kuꞋ kuꞋnɛ, pɑ́Ꞌ pʉʉ ɡʉ ńtɑ́kŋɛ ɛ́sɑt zʉꞋ. Mbɑ wɔ̌ lɑ́ lɔk yɛ́ ɡúŋ, ńnɑ́ wɑ́ɑ zɛ́nɛ mɔ, lɑ́ ŋ kɛ́ mbɔɔ zɛ́nɛ mɔ pɔ́, pɛk Tɑ̌ɑ mɔ pɔ́nɛ.

Jɑ̂ŋ 17:4

Ŋ kɑ ɡɛ pɛ́ jʉ́ɔ nɛɡúꞋ wu ndǔ tsɛ́tsɑ́Ꞌ. M mɛk fɑꞋ yí ɔ kɑ ɡɑ́nɛ mbɔ̌ mɔ.

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 5:30

Ŋ kɛ́ zɑ́Ꞌ ntsɑŋ-ŋu kɛ́ píkŋɛ Sɛ́ pɔ́. Ɛ́ yɑɑ ntɛ́ nɛŋɑk, ɛ́ pɔ́ nɛ́nẅín, mbíꞋŋɡɔ ŋ kɑ́ pɔ́ ńdɔɔ pɔ nɛɡɛ yúu mi ŋ kɔŋnɛ pɔ́, ŋ ɡɛ yɑ́ɑ pɔ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 6:38

MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 8:16

N dɑɑ zɛɛ ŋ́ŋɑk pɔ ntsɑŋ, mbɔ wɑɑ nɛŋɑk wɛ nɛ́nẅín, mbíꞋŋɡɔ n zɛɛ ḿbɔɔ zɛ́nɛ mɔ pɔ́. Pɛk Tɑ̌ɑ mɔ pɔ́nɛ. A jʉ́ ẅi ɑ kɑ túunɛ wɑ́ɑ.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

2 Timɔtɛ́ɛ 4:22

Tsɑpʉɔ pɔ́ nɛ́ ɡu! Ḿbɔ́ ńníꞋ mbɔ́tnɛ yɛ́ tʉ́m pʉʉ pɛtsʉʉ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.