Jɑ̂ŋ 19:23 - Kɑɑ Fí

²³ Pɑlʉ̈ɔ́Ꞌntsɔ kɑ kẅii Yɛ́su nǔu tʉ́ mbɑ́ŋtɛ pɑ́ŋtɛ́nɛ tɛ ḿbɔ́tnɛ ńnɑ́ŋ, ḿbɛ́ɛ mɛndẅí mɛ́, ŋ́ɡɑptɛ nji yɛ́nɛ́kwɑ. Mbɑ wɔ̌ lɑ́ pɛ́ɛ yɛ nji, tɛ ɛ́ tsʉꞋ ndẅí yɛ́ yi ɡwɛ́, yi pɛ́ ŋkɑɑ tɛ́m tɛ́mnɛ pɔ́. Pɛ́ kɑ pɑ́Ꞌ pɑ́Ꞌnɛ, ɛ́fú tʉ́ ŋ́kúu sɛ́.

Jɑ̂ŋ 19:23 ပူးပေါင်းရင်းမြစ်များ

Mɑtʉ̈ɔ 27:35

Pɑlʉ̈ɔ́Ꞌntsɔ ɡɔ́ɔ ŋ́kɛ́ ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ḿmɑꞋ ńtíitɛ ńdɔk ŋ́ɡɑp mɛndẅí mɛ́, ŋ́ɡɑ́ yɛ́ mbɑ wɔ̌ lɑ́ tsɛtsɛt pɔ́p.

Mɑ́lɛ́kúshi 15:24

Pɔ́p kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ḿbɛ́ɛ mɛndẅí mɛ́, ḿmɑꞋ ńtíitɛ ńdɔk ŋ́ɡɑptɛ ŋ́ɡɑ́ yɛ́ mbɑ wɔ̌ lɑ́.

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

ŊwɑꞋnɛ-Gɑŋntúu Yɛ́su Kɛlístɔ 12:4

Ɛlɔ̂dɛ cú pɛ́ ɡẅɛɛ Pyɛ̂ pɔ́Ꞌɔ, ńdɔk wɛ́ ŋ́ɡʉ ńjɔ́Ꞌ ndɑ́tsɑ́ŋ. A niitɛ pɑlʉ̈ɔ́Ꞌntsɔ pɛ́nɛ́kwɑ ŋkɑ́ yɛ́nɛ́kwɑ ńtíktɛ ŋɡɔ pɔ́p pɔ́ ḿbyɛ́p wɛ́, ḿbɔ́ ńzẅíꞋlɛ pɑ́Ꞌ ndínɑ-Pɑ́skɑ ɡʉ ńdɛɛ, ɑ tík wɛ́ mbi lɑ́Ꞌ, pɛ́ ŋɑk wɛ́.