Jɑ̂ŋ 19:20 - Kɑɑ Fí

²⁰ ZʉꞋ yí pɛ́ kɑ kẅiinɛ Yɛ́su zúꞋu kɑ pɔ́ nɛpɑt tʉ́sɔŋ-Yɛlúsɑlɛm. Pɑyúdɑ tɛ ńzɑ́ɑ pɔ́ ńdɛɛ zúꞋu ɛ́fúŋ yúu mi pɛ́ ŋwɑꞋnɛ́nɛ. Ɛ́ pɔ́ nǔu sẅiŋɛ pʉɔ-Hɛbɛlʉ́, ḿbɔ́ nǔu sẅiŋɛ-pɑlɔ́mɑ mbɑ nǔu sẅiŋɛ pʉɔ-Ŋɡɛlɛk.

Jɑ̂ŋ 19:20 ပူးပေါင်းရင်းမြစ်များ

Lúkɑ́shi 23:38

Pɛ́ kɑ ŋwɑꞋnɛ ntɔŋ-nɛvú wɛ́ ŋ́kẅii tú yɛ́.

Jɑ̂ŋ 19:13

Pilɑ́tɔ zúꞋ pɔ́Ꞌɔ, ńdɔk Yɛ́su ɛ́fú ntɔ́Ꞌ ńcẅɛt, ńnɑ́ŋ ndǔ kɔꞋ-nzɑ́Ꞌntsɑŋ, zʉꞋ yí pɛ́ kɑ lɔknɛ mɛŋɡɔꞋ ńnɔŋ, pɛ́ fúŋ nǔu sẅiŋɛ-pʉɔ-Hɛbɛlʉ́ʉ ŋɡɔ Ŋɡɑbɑ́tɑ.

Jɑ̂ŋ 19:42

Pɑ́Ꞌ Pɑyúdɑ kɑ pɔ́ ńniitɛ mbʉʉ yɔp ntɛ́ lɛ́Ꞌnji yɔ́p lɑ́, zɑꞋ-njí pɔ́ ńdɛɛ, pɛ́ tíi pfú-Yɛ́su ńdɔk ŋ́ɡʉ ńníꞋ tsɛt nɛshi ni pɛ́ kɑ pɛ́t ɛ́sʉꞋ nǔu ŋɡɔꞋ. MbíꞋŋɡɔ ɛ́ kɑ pɔ́ pɔ nɛpɑt zúꞋu.

Jɑ̂ŋ 5:2

Ɛ́ ɡɔ́ ḿbɔ́, yɛcɔ́ ɡʉ́ɔ-ŋki suk mbʉʉ pɔ́ Yɛlúsɑlɛm, pɛ́ fúŋ nǔu sẅiŋɛ pʉɔ-Hɛbɛlʉ́ ŋɡɔ Bɛtɛ́sdɑ, ɛ́ pɔ́ mbʉʉ ntsundɑ́-mɛnjinjɔ, mbɔ pɛ́ kɑ lɔk mɛŋɡɔꞋ ḿbɔ́ɔ mɛmbɔp-ndúŋ mɛ́ntɑɑ ńdɔk ńzɛmɛ ŋki ɛ̂wɑ́.

ŊwɑꞋnɛ-Gɑŋntúu Yɛ́su Kɛlístɔ 21:37

Pɛ́ ɡʉ tɛ ńtsʉ́Ꞌ nɛníꞋ Pɔ̂l tsɛt ŋkɑ́Ꞌ-pɑlʉ̈ɔ́Ꞌntsɔ, ɑ cú mbɔ̌ Tɑ́tndɑ́-pɛtɑ́tndɑ́-ntsɔ ŋɡɔ: «Tɛ ɛ́ lɑɑ ḿbɔ́ pɛ́ pɛ́m n cú nu?» Ndʉ́m ɛ̂wɑ́ tsɔ́Ꞌ ŋɡɔ: «Ɔ zɛɛ ńjí nɛsẅíŋɛ cú-Ŋɡɛlɛk kɛ?

ŊwɑꞋnɛ-Gɑŋntúu Yɛ́su Kɛlístɔ 21:40

Tɑ́tndɑ́-pɛtɑ́tndɑ́-ntsɔ pɛ́m. Pɔ̂l tʉ́ʉ ndǔ mɛsɛtẅɛp, ŋ́kɑꞋ pɔ́ yɛ́ ŋ́ɡɑ́ tʉ́. ZʉꞋ ɡɔ́ɔ ńdɛ́ɛ, ɑ lɔk sẅíŋɛ-pɑyúdɑ ńcú mbɔ̌ lɑ́Ꞌ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 22:2

Pɑyúdɑ zúꞋ pɑ́Ꞌ ɑ sɛ́ ńdɔk pɔ kwɑꞋ sẅíŋɛ-Ɛbɛlʉ̂ ńcú nu, ŋ́kẅiꞋ ńnɑꞋ. Pɔ̂l cú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 26:14

Pɛk tsɔ́Ꞌnɛ ḿvutɛ sɛ́ tsʉʉ. N zúꞋ ŋɡi-ŋu lɔk sẅiŋɛ pʉɔ-Hɛbɛlʉ́ ńcú mbɔ̌ mɔ ŋɡɔ: “Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́? Ɔ pɑ́Ꞌɑ ḿbɔ́ ŋ́ɡɛ fʉ́ŋ yu kẅiꞋ pɑ́Ꞌ nɑɑ ẅi pɛ́ sɛ́ ńdɔk ntsɑ́-nɛkɔŋ ńtsʉ́ʉnɛ wɛ́, ɑ nɛn ḿmɑꞋ ku yɛ́ nzʉʉ lɑ́.”

Ɛ́bɛlʉʉ 13:12

Ɛ́ yúu mi ɛ́ kɑ ɡɛnɛ, mbɑ Yɛ́su ɡúu lɔk mɛci mɛ́ ŋ́ɡɛ pʉɔmɛsɔŋ tsʉ́Ꞌ pʉɔ-Sɛ́, ɑ pfú pɔ nzɛmpíi, tɛ ɑ pɔɔ pfú tʉ́sɔŋ pɔ́. ZʉꞋ yi ɑ kɑ jʉ́ɔnɛ ŋɡʉ̈ɔ́Ꞌ zúꞋu pɔ́.

Mɛnu ɛ́ ńdɑ́Ꞌ ńcẅɛt 16:16

Mɛzẅikŋɛ kɛpɔŋ ɛ̂mɑ́ ɡɔ́ɔ ŋ́kɛ́ ńcúꞋlɛ pɛfɔɔ nǔu yɛcɔ́ zʉꞋ yi pɛ́ fúŋnɛ nǔu sẅiŋɛ-pɑhɛbɛlʉ ŋɡɔ: Amɑŋɡɛdɔ̂ŋ.

Mɛnu ɛ́ ńdɑ́Ꞌ ńcẅɛt 9:11

Ŋu ẅí ɑ mbɔ̌ pɔ́p ḿbɔ́ pɑ́Ꞌ fɔɔ wɔp, ḿbɔ́ ɛ́sɑ́Ꞌ wɔ́p, pɔ́ zẅikŋɛ kɛpɔŋ ẅi ɑ ɡẅɛɛnɛ nu nǔu nɛpʉ́ kɛ́ ndúŋ ẅi lík yɛ́ nǔu sẅiŋɛ-Hɛbɛlʉ́ʉ ḿbɔ́ ŋɡɔ Ambɑdɔŋ, ḿbɔ́ nǔu sẅiŋɛ-pʉɔ-Ŋɡɛlɛ́k ḿbɔ́ ŋɡɔ Apɔlyɔŋ ńdɔk ńcú ŋɡɔ: ŋɡɑŋntɑ́k.