Jɑ̂ŋ 18:20 - Kɑɑ Fí

²⁰ Yɛ́su tsɔ́Ꞌ mbɔ̌ wɛ́ ŋɡɔ: «Ŋ kɑ pɔ́ sɑ́ɑnɛ sɑ́ɑnɛ́nɛ ńcú nu mbɔ̌ lɑ́Ꞌ, ŋ kɑ pɔ́ ńzíꞋ pʉɔ tsɛt mɛndɑ́-cúꞋlɛ, mbɑ tsɛt ndɑ́-nɔŋpɔꞋ, zʉꞋ yí Pɑyúdɑ cúꞋlɛ́nɛ zúꞋu. Mɔ ŋkɑɑ ḿbɔ́ ńcú yɛcɔ́ nu pɔ ńdʉɔ lʉɔmɛ́nɛ pɔ́.

Jɑ̂ŋ 18:20 ပူးပေါင်းရင်းမြစ်များ

Mɑtʉ̈ɔ 24:26

Pɔ́Ꞌɔ lɑ́, pɛ́ lɑɑ ńcú mbɔ̌ pʉʉ ŋɡɔ: «Pʉʉ jʉ́ɔ, Nzɑ́Ꞌŋkʉ pʉ́ɔlíinɛ kɔ̂ŋtɛt, kɔɔ pʉʉ ɡʉ zúꞋu, ńcú mbɔ̌ pʉʉ ŋɡɔ: Pʉʉ jʉ́ɔ, ɑ pʉ́ɔ ńdʉɔmɛ zɑꞋnɛ, kɔɔ pʉʉ pɛ́m.»

Mɑtʉ̈ɔ 26:55

Ŋ́ɡɛ pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ lɑ́Ꞌ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑ́Ꞌ ŋkɑ́ yi pʉʉ ɡʉ ɡẅɛɛ ntsɔ́ŋ pɑ́Ꞌɑ ŋɡɔ́ku? Mɔ m̄bɔ́ lɛ́Ꞌ tsʉʉ ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́! Pʉʉ kɛ́ mbɔɔ wɑ́ɑ ɡẅɛɛ.

Mɑtʉ̈ɔ 26:65

NɔŋpɔꞋ wɛ ɡwɛ́ zúꞋ pɔ́Ꞌɔ, ɛ́shɔtnɛ ɛ́sɑtɛ mɛndẅí mɛ́, ńcú ŋɡɔ: «A zɔɔtɛ Sɛ́, pɛkŋɛ pɛn ńdɔɔ pɔ yɛ́tɛ́ ntɛ́ pɑjʉ́ ńjʉ́ɔ. KwɑꞋ pʉʉ yʉ́ʉ zúꞋ pɑ́Ꞌ ɑ zɔɔtɛnɛ Sɛ́.»

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑ́lɛ́kúshi 8:32

Yɛ́su lɛɛlɛɛnɛ ńcú mɔnɛ mɛnu pɑꞋɑ, Pyɛ̂ ɡɔ́ɔ ńnɑꞋ ɛ́fúŋ wɛ́ ntsɛm, ńzɛ nɛkɑkŋɛ wɛ́.

Lúkɑ́shi 21:37

Yɔ pɑ́Ꞌ Yɛ́su kɑ pɔ́ ńzíꞋ pʉɔ nɛ́ yúu tsɛt ndɑ́-nɛnɔŋpɔꞋ lɛ́Ꞌ tsʉʉ, ḿbɔ́ ntsuŋkẅɛ́Ꞌ, ŋ́ɡʉ ndǔ nɛŋkɔ́Ꞌ ni pɛ́ fúŋnɛ ŋɡɔ nɛŋkɔ́Ꞌ-mɛtʉ́-mɛɡwɛ́t-Ɔlíivɛ, ńdɔ́ɔ zʉꞋ, ńdɛ́ zúꞋu.

Lúkɑ́shi 4:15

mbíꞋŋɡɔ ɑ kɑ pɔ́ ńzíꞋ pʉɔ nɛ́ nu-Sɛ́ ndɑ́-cúꞋlɛ-Pɑyúdɑ, pʉɔ pɛtsʉʉ pɔ́ ŋ́ɡɑ́ mɛkuꞋ mɛ́.

Jɑ̂ŋ 18:21

Mɛlɑ́Ꞌ ku ɔ píkŋɛnɛ wɑ́ɑ nɛ́ mɛnu? Píkŋɛ nu yí ŋ kɑ cúnɛ mbɔ̌ pʉɔ pí pɔ́p kɑ pɔ́ ńzúꞋ. Pɔ́p sɛ́ ńniitɛ ńjí yúu mi ŋ kɑ cúnɛ.»

Jɑ̂ŋ 6:59

Yɛ́su kɑ pɔ́ ńcú mɔnɛ mɛnu, ŋkɑ́ yi ɑ kɑ pɔ́ ńzíꞋ pʉɔ nɛ́ nu-Sɛ́ tsɛt ndɑ́-cúꞋlɛ-pɑyúdɑ Kɑpɛɛnɑwûm.

Jɑ̂ŋ 7:14

Ndíinɑ Pɛ́t kɛ́ mɛ, Yɛ́su ɡʉ nɛ́ ndɑ́-nɔŋpɔꞋ, ńzɛ nɛzíꞋ pʉɔ nɛ́ yúu.

Jɑ̂ŋ 7:26

KwɑꞋ jʉ́, sɛ́ sɑ́ɑnɛ sɑ́ɑnɛ́nɛ ńcú nu, ŋu kɑ pɔ́ ńtsɔ́p pɔ́. Lɛ́Ꞌcɔ́ pɑsɑ́Ꞌlɑ́Ꞌ pɛkŋɛ jʉ́ɔ ŋɡɔ ɑ Nzɑ́Ꞌŋkʉ nɛ́nẅín ẅi Sɛ́ kɑ kɑꞋnɛ.

Jɑ̂ŋ 7:28

Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

Jɑ̂ŋ 7:4

Ŋu lɑɑ ḿbɔ́ ŋ́kɔŋ ŋɡɔ pɛ́ jí wɛ́, ɑ pɔɔ lʉɔ yúu mi ɑ sɛ́ ŋ́ɡɛ pɔ́. Pɑ́Ꞌ, ɔ sɛ́ ŋ́ɡɛ mɛmɑ́ mɛnu lɑ́, ɡɛ lɑ́Ꞌ jí wú.»

Jɑ̂ŋ 8:2

ŋ́ɡɛ ḿmʉ́ʉ mbɑ́ꞋmbɑꞋɑ́ ḿbɛn ndɑ́-nɔŋpɔꞋ. Lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ nɑ́ŋ sɛ́, ḿbɔ́ ńzíꞋ wɔ́p nɛ́ yúu.

Jɑ̂ŋ 8:26

Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 26:26

Tɛ nɑɑ kɛ́mɑꞋ Aŋɡɛlípɑ nɑ́ŋ pɑ́Ꞌɑ ḿbɔ́ ńjí pɔ tsʉʉ. Ɛ́ yúu mi ɛ́ ɡɛnɛ ɛ sɑ́ɑnɛ sɑ́ɑnɛ́nɛ ńcú nu kɛ́ pɔ́k, mbíꞋŋɡɔ n jí ŋɡɔ, yɛcɔ́ nu yi ɛ́ nǔu ɑ pɔ́ ḿmuŋɛ kɑ́ pɔ́ ɡú pɔ́. Ɛ́ zɛɛ ŋ́ɡɔ ḿbɔ́, mbɔ mîmɑ́ mɛnu ŋkɑɑ kɛ́ ńdɛɛ pɔ zʉꞋ lʉɔmɛ́nɛ pɔ́.