Jɑ̂ŋ 17:22 - Kɑɑ Fí

²² NɛɡúꞋ ẅi ɔ kɑ ɡɑ́nɛ mbɔ̌ mɔ lɑ́, ɛ́ ẅîwɑ́ ẅi ŋ kɑ ɡɑ́nɛ mbɔ̌ pɔ́p, pɔ́p ɡʉ tɛmtɛ ḿbɔ́ tɑ́Ꞌ pɑ́Ꞌ pûu tɛmtɛnɛ lɑ́.

Jɑ̂ŋ 17:22 ပူးပေါင်းရင်းမြစ်များ

Mɑ́lɛ́kúshi 6:7

Ɛ́fúŋ pʉɔ pɛ́ ntsɔ̌ppɑ́ nɛ́ nɛɡɛ́m. Ńtúu wɔ́p pɛ́pɑ́ pɛ́pɑ́, ŋ́ɡɑ́ mɛtʉʉ mbɔ̌ pɔ́p nɛlɔk ńzuŋ mɛzẅikŋɛ kɛpɔŋ.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Pʉɔ-Lɔ́mɑ 8:30

Pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ lɛɛ tɛ ḿbɛn ɛ́fúŋ pɔ wɔ́p, ɛ́fúŋ wɔ́p pɔ́Ꞌɔ, ḿbɛn ńtsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ɛ́ pɔɔ kuꞋ pɔ ndɑꞋ pɔ́Ꞌɔ pɔ́, ɑ kɑ pɛn ŋ́ɡɑ́ nɛɡúꞋ mbɔ̌ pɔ́p.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ɛ́fɛ̂zɛ 2:20

Pʉʉ tsʉ́Ꞌ ḿbɔ́ pɔ pɑ́Ꞌ mbɛlʉ̂k yi pɛ́ lɔknɛ ḿbɔ́ɔ ndɑ́. Cʉ́ndɑ́ pɔ́ ɡɑŋntúu-Yɛ́su pɔ́p pɑcẅiŋkʉʉ-Sɛ́, Yɛ́su Kɛlístɔ nɛ́ túmbʉʉ yɛ́ pɔ́ ŋɡɔꞋ yí ɛ́ piꞋnɛ ndɑ́.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

1 Jɑ̂ŋ 4:17

Pɛkŋɛ lɑɑ ŋ́ɡẅɛɛ ŋkɔŋɛ tʉ́m pɛkŋɛ tɛ yɛcɔ́ yúu pɔɔ jɑ́k nǔu pɔ́, pɛkŋɛ pɔɔ kwɑŋɛ lɛ́Ꞌ nɛŋɑk mɛtsɑŋ tʉ́m yɛkŋɛ ɡwɛt pɔ́. Pɔ́Ꞌɔ, mbíꞋŋɡɔ wɛkŋɛ nɛnɑ́ŋ ndǔmbí yɔ ɛ́ pɑ́Ꞌ nɛnɑ́ŋ-Yɛ́su Kɛlístɔ.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.