Jɑ̂ŋ 17:19 - Kɑɑ Fí

¹⁹ Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Jɑ̂ŋ 17:19 ပူးပေါင်းရင်းမြစ်များ

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 15:13

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»

Jɑ̂ŋ 15:3

«Yúu mi ŋ kɑ zíꞋnɛ wʉ́ʉ kɑ lɑ́Ꞌ mɔ ŋ́ɡɛ pʉʉ pɔ́ sʉ́Ꞌnɛ.»

Jɑ̂ŋ 17:17

Lɔk nu nɛ́nẅín yú ŋ́ɡɛ pɔ́p tsʉꞋ pʉɔ pú tɛ ɛ́sẅíi nu. Sẅiŋɛ yú ɛ́ nɛ́nẅín.

Jɑ̂ŋ 17:20

Ŋ kɑ́ púꞋ mbɔ́ mbɔ̌ ɡu pɔ ndɑꞋ nǔu tú yɔ́p pɔ́, m búꞋ mbɔ́ mbɔ̌ ɡu mbɑ nǔu tú-pʉɔ pí pɔ́p ɡʉ ŋ́ɡɛ ńdɛɛ nǔu sẅiŋɛ yɔ́p, ńzɑ́p tʉ́m nǔu mɔ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 7:14

Ɛ́ ɡɔ́ ḿbɔ́, mbɔ ŋ kɑ tʉ́ʉ mbi Titɛus ńnɑ́Ꞌ ńdɔk nu yʉ́ʉ ŋ́kɑꞋtɛ. A pɛn fú lɑ́Ꞌ pʉʉ, sʉ́ʉ kɛ́ mbɔɔ wɑ́ɑ kɔ́. Yúu mi pɛk kɑ pɔ́ ńdɔk nu yʉ́ʉ ŋ́kɑꞋtɛ mbi Titɛus nǔu, ɛ́ kɑ pɛn ńcẅɛt ḿbɔ́ pɔ nu nɛ́nẅín, ndʉ́ŋndʉŋ pɑ́Ꞌ pɛk ńjúknɛ ɛ́sẅíi wʉ́ʉ pɔ nɛ́ nu nɛ́nẅín lɑ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

1 Tɛsɑlɔník 4:7

Sɛ́ kɑ zɛɛ mbɔɔ fúŋ wɛkŋɛ ŋɡɔ pɛkŋɛ ɡɛ mɛnu mi ɛ́ ɡẅɛɛnɛ ntsɛ́llɛ́ pɔ́, ɑ kɑ fúŋ wɛkŋɛ ŋɡɔ pɛkŋɛ ɡẅɛɛ pɔ mɑt ẅí ɛ́ wɛ pʉɔ pɛ́.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 10:29

Tɛ ɛ́ lɑɑ ḿbɔ́ pɔ́Ꞌɔ, mbɔ pʉʉ kwɑŋɛ yʉ́ʉ ŋɡɔ ŋɡʉ̈ɔ́Ꞌ yi ɛ́ sɛ́ ḿbíkŋɛ ŋɡɔ pɛ́ zɑ́p tú ŋu ẅi ɑ lɔknɛ mɔ́ɔ-Sɛ́ ɛ́fúŋ yɑ́ yúu ɡʉ ńdɑ́Ꞌ ḿbɔ́ pɑꞋ? Pɛ́ lɑ́Ꞌ ŋu ẅí ɑ ɡwɑ́knɛ nu mɛci mi Sɛ́ lɔknɛ ŋ́ɡwɑt kɑɑ, ɛ́ pɔ́ mi pɛ́ kɑ lɔknɛ ŋ́ɡɛ ɑ tsʉ́Ꞌ ŋu-Sɛ́, ɑ ŋu ẅi ɑ zɔɔtɛ Zẅikŋɛ Lɛ́ɛnɛ́nɛ yi ɛ́ ɡɛnɛ pɛkŋɛ jí pɑ́Ꞌ tʉ́m Sɛ́ pɔŋnɛ nzʉʉ pɛkŋɛ pɔ́Ꞌɔ.

Ɛ́bɛlʉʉ 2:11

Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.

Ɛ́bɛlʉʉ 9:13

Ɛ́ kɑ pɔ́ yɛcɔ́ ŋkɑ́, pɛ́ tswɛt mɛci pʉ̈ɔp, kɛ mɛ́ pɛlúu-pɛfɔŋ ɔɔ, kɛ pfú yi ɛ́ fúnɛ nǔu mɔ́ɔ-fɔŋ ẅí pɛ́ tɔɔnɛ ɔɔ, ńtsẅɛtɛ mîmɑ́ mɛyúu nǔu pʉɔ pi ntsɛ́llɛ́ nu kɛpɔŋ nǔu pɔ́p, ɛ́ ɡɛ lɔ́Ꞌ mɛ nǔu mbʉʉ yɔp tɛ pɔ́p kuꞋ nɛpɛn ŋ́ɡúꞋlɛ Sɛ́.

Ɛ́bɛlʉʉ 9:18

Ɛ́ yúu yi ɛ́ kɑ ɡɛnɛ pɛ́ pɔɔ ńnɔŋ mbɑ nduŋmbi kɑɑ kɛ́ tswɛt mɛci pɔ́.

Ɛ́bɛlʉʉ 9:26

MbíꞋŋɡɔ ɛ́ kɑ pɔ́ pɛ́Ꞌnɛ ḿbɔ́ pɔ́Ꞌɔ, mbɔ tɛ fú pɑ́Ꞌ Sɛ́ kɑ niitɛ́nɛ ndǔmbí, Kɛlístɔ kɑ ɡẅɛɛ nɛnɑ́ŋ ńjʉ́ɔ ŋɡʉ̈ɔ́Ꞌ, ḿpfú ḿbɛn ḿpfú. Lɑ́ pɛkŋɛ jí ŋɡɔ ŋkɑ́ kɑ pɔ́ tɛ ŋ́kuꞋ, ɑ cẅɛt pɔ tɑ́Ꞌ ŋkɑ́, ɛ́ kuꞋ pɔ́Ꞌɔ, ɑ lɔk túmbʉʉ yɛ́ ńnɔŋ pɔꞋ nɛlɔk ḿbík nu kɛpɔŋ.

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.