23 «Ŋu lɑɑ ḿbɑɑ wɑ́ɑ, mbɔ ɑ lɔk ḿbɑɑ Tɑ̌ɑ mɔ.»
«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»
«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»
Ŋu lɑɑ ńdʉꞋ nɛpɛ́m nu-Mɔ́ɔ, mbɔ ɑ lʉꞋ nɛpɛ́m nu-Tɑ̌ɑ wɛkŋɛ, ŋu ẅí ɑ pɛ́mnɛ nu-Mɔ́ɔ, ɑ pɛn ḿbɛ́m yɛ́ Tɑ̌ɑ wɛkŋɛ.
Ŋu lɑɑ mbɔɔ kúꞋlɛ pɔ ndɑꞋ nu yi Kɛlístɔ kɑ zíꞋnɛ wɛkŋɛ pɔ́, ŋ́ɡʉ nǔu ŋ́kẅiꞋ yɛcɔ́ yúu, mbɔ ŋɡɑŋ pɔ́p Sɛ́ kɛ́ tɛmtɛ. Ŋu ẅí ɑ kúꞋlɛ́nɛ nu yi Kɛlístɔ kɑ zíꞋnɛ wɛk, pɔ́p Tɑ̌ɑ tɛmtɛ, mbɑ pɔ́p Mɔ́ɔ pɛn ńtɛmtɛ.
