Jɑ̂ŋ 14:26 - Kɑɑ Fí

²⁶ «Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 14:26 ပူးပေါင်းရင်းမြစ်များ

Mɑtʉ̈ɔ 1:18

Yɔ pɑ́Ꞌ ɛ́ kɑ lɛɛnɛ pɔ́Ꞌɔ, lɑ pɛ́ pí Yɛ́su Kɛlístɔ. Mɑ́ wɛ Mɑlíyɑ kɑ pɔ́, mbɔ Yɔsɛ̂p kɑŋ wɛ́, tɛ pɛ́ pɛ́m ŋɡɔ ɑ zɔ́Ꞌ wɛ́, ɑ pɛ́t kɛ́ ɡʉ tɛ ŋ́kúu njɛ́Ꞌ yɛ́, pɛ́ ɡɔ ḿvukŋɛ ńjʉ́ɔ ɑ pɔ́ shǔutɛ, mbɔ Zẅikŋɛ Lɛ́ɛnɛ́nɛ ɡɛnɛ ɑ shuŋ.

Mɑtʉ̈ɔ 1:20

ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑ́lɛ́kúshi 12:36

Mɔ sɛ́ ńjí ŋɡɔ: Zẅikŋɛ-Sɛ́ kɑ tsʉ́ʉnɛ fɔɔ Ndɑvît, kwɑꞋ jʉ́ nɛ́ túmbʉʉ yɛ́ cú ŋɡɔ: «Tsɑpʉɔ Sɛ́ cú mbɔ̌ wɑɑ Tsɑpʉɔ ŋɡɔ: Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ, tɛ ńdɑ́Ꞌ ŋ́kúu ŋkɑ́ yi mɔ fɛn ɡɑŋmbuu pú mbɔ̌ wu, tɛ ɔ tík mɛku mú tú pɔ́p.»

Mɑ́lɛ́kúshi 13:11

Pɛ́ lɑɑ ŋ́ɡɛ ḿbɔ́ tɛ ŋ́ɡẅɛɛ wʉ́ʉ, ŋ́ɡʉ nɛ́ ŋɑk wʉ́ʉ, kɔɔ pʉʉ puꞋ mbʉʉ yʉʉ ŋɡɔ pʉʉ ɡʉ ńtɔ́ zúꞋu ńcú ŋɡɔ kʉ̈ɔ́ ɔɔ, pʉʉ ɡʉ yʉ́ʉ ɡʉnɛ. Sɛ́ ɡʉ ŋ́kúu zúꞋu ŋkɑ́ yîyɑ́, ńníꞋ nu ntsu pʉʉ, pʉʉ cú. N cú pɑꞋɑ, mbíꞌŋɡɔ, pʉʉ ɡʉ ŋ́ɡʉ tɛ ŋ́kúu zúꞋu, pʉʉ pɔɔ pɛnnɛ ńcú nu pɔ́. Zẅikŋɛ-Sɛ́ tsʉ́Ꞌnɛ ńcú nu nǔu yʉ́ʉ zʉꞋ.

Lúkɑ́shi 1:15

A ŋ́ɡɛ ńdɑ́Ꞌ ḿbɔ́ mbɔ̌ Sɛ́ ḿbɔ́ ŋu tɛꞋ. A ńdɑ́Ꞌ ḿbɔɔ mɛluꞋ ńnɔ́ pɔ́, tɛ mbɑ kʉ̈ɔ́ lɑ́ yi ḿbɔ́ ŋu nɔ́ ḿbɑ́. A ŋ́ɡɛ ńdɑ́Ꞌ ńzɛɛ ŋ́ɡɔ ńcẅɛt nɛpɛm-mɑ́ wɛ, mbɔ Zẅikŋɛ Lɛ́ɛnɛ́nɛ jʉ́ mɔ́ wɛ́.

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 1:41

Lísɑpɛ zúꞋ cɛꞋlɛ-Mɑlíyɑ, mɔ́ɔ ŋɑtnɛ nɛpɛm yɛ́, Zẅikŋɛ Lɛ́ɛnɛ́nɛ ńcúŋ ŋ́kúu nǔu wɛ́.

Lúkɑ́shi 1:67

Zẅikŋɛ Lɛ́ɛnɛ́nɛ jʉ́ tɑ́t wɛ Sɑkɑlíyɑ, ɑ cú nu pɑ́Ꞌ ŋɡɛ́mndʉ̈ɔ́Ꞌ-Sɛ́ lɑ́, ŋɡɔ:

Lúkɑ́shi 11:13

Pʉʉ pʉɔ fʉꞋ nu kɛpɔŋ tɛꞋ, lɑ́ ńjí nɛɡɑ́ yúu sʉ́Ꞌnɛ mbɔ̌ pɔ́ɔ pʉ́ʉ. Tɛ ŋkɑ́ yɛ́sʉ́Ꞌʉ́ nǔu Tɑ̌ɑ wʉʉ ẅi ɑ tʉ́nɛ́pú? A ɡɛ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉɔ pinɛ pɔ́p lɔ́ɔnɛ?»

Lúkɑ́shi 2:25

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.

Lúkɑ́shi 24:49

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Jɑ̂ŋ 1:33

KwɑꞋ mɔ ŋ kɑ zɛɛ m̄bɔɔ ḿbɔ́ ńjí wɛ́ pɔ́, lɑ́ Sɛ́ ẅi ɑ kɑ túunɛ wɑ́ɑ ŋɡɔ ŋ ɡʉ ńnuꞋ pʉɔ ŋki, jʉ́ ńcúnɛ mbɔ̌ mɔ ŋɡɔ: Ɔ ɡʉ ŋ́ɡɛ ńjʉ́ɔ zẅikŋɛ-lɛ́ɛnɛ́nɛ tɔ́ ńnɑ́ŋ nǔu ŋu. A jʉ́ ẅi ɑ ɡʉ ŋ́ɡɑ́ pʉɔ mbɔ̌ zẅikŋɛ lɛ́ɛnɛ́nɛ.»

Jɑ̂ŋ 12:16

Gɑŋku-Yɛ́su jʉ́ɔ yɔ nu, ḿbɔɔ ɡɔ́ɔ ɛ́fɛ́Ꞌnɛ ńzúꞋ pɔ́. Lɑ́, Yɛ́su ɡɛ ḿbɔ́ tɛ ŋ́kúu tsɛt nɛɡúꞋ wɛ tʉ́nɛpú, lɑ pɔ́p ɡɔ́ɔ ŋ́kɛ́ ŋ́kẅíitɛ ŋɡɔ pɛ́ kɑ zɑ́Ꞌ njí ŋ́ŋwɑꞋnɛ yîyɑ́ nu ntɛ́ wɛ́, ḿbɛn ŋ́kẅíitɛ ŋɡɔ lɑ́Ꞌ kɑ ɡɛ nǔu wɛ́ pɔ pɑ́Ꞌ pɛ́ kɑ ŋwɑꞋnɛ́nɛ.

Jɑ̂ŋ 14:16

Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 14:25

«Ɛ sẅíi wʉ́ʉ nɛ́ mɔnɛ mɛnu ŋkɑ́ yi pɛkŋɛ pɛ́tnɛ ḿbɔ́ lɑɑ.»

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 2:22

Ɛ́ yɛ́tɛ́ lɑ́ ɑ kɑ zẅíimɛ nǔu nɛvú, ɡɑŋku pɛ́ kẅíitɛ ŋɡɔ ɑ kɑ cú yɔ nu, ŋ́ɡɔ́ɔ ŋ́kɛ́ ḿbɛ́m, ḿbɛn ḿbɛ́m yi ŋwɑꞋnɛ-ndɛn kɑɑ kɑ cúnɛ nǔu wɛ́.

Jɑ̂ŋ 20:22

Ńcú pɔ́Ꞌɔ, ɛ́fɑ́k zẅikŋɛ-ntsu wɛ́ nǔu pɔ́p, ńcú ŋɡɔ: «Pʉʉ cẅɛ́ɛ zẅikŋɛ Lɛ́ɛnɛ́nɛ.

Jɑ̂ŋ 6:45

Pɛ́ kɑ ŋwɑꞋnɛ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ ŋɡɔ: «Sɛ́ nɛ́ tú mbʉʉ yɛ́ ɡʉ ńdɑ́Ꞌ ńzíꞋ nu yɛ́ mbɔ̌ pʉɔ tsʉʉ. Ŋu lɑɑ ńzúꞋ nu yi ɛ́ fúnɛ mbɔ̌ Tɑ̌ɑ, ḿbɛ́m yúu mi ɑ zíꞋnɛ pʉɔ, mbɔ ẅîwɑ́ ŋu ɡʉ tɔ́ ńtsɛ́t wɑ́ɑ.

Jɑ̂ŋ 7:39

A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 1:4

Pɔ́p pɛ́pɔ́p ɡɛ ḿbɔ́ yɛcɔ́ lɛ́Ꞌ ɑ sɑ́Ꞌ mbɔ̌ pɔ́p ŋɡɔ: «Pʉʉ kɛ ńnɑ́ŋ pɔ Yɛlúsɑlɛm! Pʉʉ kɛ́ ńnɑ́ŋ pɔ zúꞋu, ńzẅíꞋlɛ yúu mi Tɑ̌ɑ kɑ kɑꞋnɛ nɛɡɑ́ mbɔ̌ pʉʉ.» Ɛ́ pɔ́ pɑ́Ꞌ ŋ kɑ sẅíinɛ wʉ́ʉ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

ŊwɑꞋnɛ-Gɑŋntúu Yɛ́su Kɛlístɔ 11:16

Ŋ ɡɔ́ɔ ŋ́kɛ́ kẅíitɛ sẅiŋɛ-Tsɑpʉɔ pɑ́Ꞌ ɑ kɑ cúnɛ ŋɡɔ: «Jɑ̂ŋ kɑ nuꞋ pʉɔ ŋki, lɑ́ ŋ́ɡʉ nǔu pʉʉ, mbɔ Sɛ́ ɡʉ ŋ́ɡɛ ńnuꞋ wʉ́ʉ mbɔ̌ Zẅikŋɛ Lɛ́ɛnɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 13:4

Zẅikŋɛ Lɛ́ɛnɛ́nɛ túu Pɑnɛpɑ́ɑshi pɔ́p Sɔ̂l pɔ́Ꞌɔ, pɔ́p ɡʉ nɛ́ Sɛlɛsi zʉꞋ mɛkɑnúꞋ ḿbɔ́ ńtʉ́ʉ. Ɛ́fú zúꞋu ŋ́kúu wɛcɔ́ mɑ́mɑ́ kɑnúꞋ ŋ́ɡʉ nɛ́ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 15:28

Pɛk zɛɛ ŋ́ɡɔ ńzɑ́p yɔ nu, Zẅikŋɛ Lɛ́ɛnɛ́nɛ pɛn ńzɑ́p yɛ́ ŋɡɔ kɔɔ pɛ́ kẅiꞋ piꞋ mbɔ̌ pʉʉ. NdíꞋ ndɑꞋ nɛniitɛ ŋ́kúꞋlɛ nɔnɛ nɛpʉ́ʉ ni pɛk ɡʉ ńcú lɑɑ kwɑꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 15:8

Sɛ́ ẅi ɑ jínɛ tʉ́m pʉɔtsʉʉ, lɑ nyɛt ŋɡɔ ɑ pɛ́m ŋɡɔ pɔ́p pʉɔ pɛ́, ńtúu Zẅikŋɛ yɛ́ nǔu pɔ́p ɛ́ jʉ́ wɔ́p ɡúu. Pɔ ndʉ́ŋndʉŋ pɑ́Ꞌ ɑ kɑ túunɛ nǔu pɛkŋɛ ɛ́ jʉ́ wɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 20:35

Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»

ŊwɑꞋnɛ-Gɑŋntúu Yɛ́su Kɛlístɔ 28:25

Pɔ́p tsʉ́Ꞌ nɛɡʉ, mbɔɔ pɛn ɛ́sẅíŋɛ ńzúꞋnɛ pɔ́. Pɔ̂l tsʉ́Ꞌ ńcú mbɔ̌ pɔ́p pɔ ŋɡɔ: «Zẅikŋɛ-Sɛ́ kɑ pɔ́ ńcú sẅíinu. A kɑ lɔk ntsu-Ŋɡɛ́mdʉ̈ɔ́Ꞌ-Sɛ́ Ɛsɑ̌yɑ ńcú mbɔ̌ pɛtɑ́t pʉʉ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 5:3

Pyɛ̂ píkŋɛ wɛ́ ŋɡɔ: «Anɑníyɑs, mɛlɑ́Ꞌ kʉ̈ɔ́ ɔ pɛ́m Sɑ́ttɑ jʉ́ wú tɛ ɔ fu Zẅikŋɛ-Sɛ́? Mɛlɑ́Ꞌ kʉ̈ɔ́ ɔ fɛn ŋkɑ́Ꞌ wú, ŋ́ɡẅɛɛ yɛcɔ́ ɡúŋ-ŋkɑ́p?

ŊwɑꞋnɛ-Gɑŋntúu Yɛ́su Kɛlístɔ 7:51

Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 7:55

Zẅikŋɛ-Sɛ́ jʉ́ Ɛtiyɛ̂n. A pʉꞋ tú yɛ́ ńdíŋɛ tʉ́nɛ́pú, ńjʉ́ɔ nɛɡúꞋ-Sɛ́, ḿbɛn ńjʉ́ɔ Yɛ́su, ɑ tʉ́ʉ nǔu ɡúŋ-pɔ́-Sɛ́ yi tʉʉ.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Pʉɔ-Lɔ́mɑ 15:16

ńdɔk wɑ́ɑ ŋ́ɡɛ ŋu ẅí ɑ ɡʉ ḿbɔ́ ɛ́fɑꞋ fɑꞋ-Yɛ́su Kɛlístɔ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́. A kɑ tsɔ́Ꞌnɛ wɑ́ɑ nɛpɔ́ yi ŋ ɡʉ ńtsʉ́Ꞌ ńcẅi pɔ Ŋkʉʉ Sʉ́Ꞌnɛ mbɔ̌ pɔ́p, Zẅikŋɛ Lɛ́ɛnɛ́nɛ lɔk wɔ́p ŋ́ɡɛ pʉɔ-Sɛ́, mɔ ŋ́ɡɑ́ wɔ́p mbɔ̌ Sɛ́, pɔ́p pɔ́ pɑ́Ꞌ yúu pɔꞋ yi ɛ́ pɔŋnɛ Sɛ́.

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

1 Kɔlɛ̂ŋtɛ 12:3

Ɛ́ pɔ́Ꞌɔ lɑ m bɔ́ ŋ́kɔŋ ŋɡɔ pʉʉ jí ŋɡɔ Zẅikŋɛ-Sɛ́ lɑɑ mbɔɔ ńtsʉ́ʉnɛ ŋu nɛcú nu pɔ́, mbɔ ḿbɔ́ ŋɡɑŋ pɔɔ níꞋ ndɔɔ tú-Yɛ́su pɔ́. Zẅikŋɛ Lɛ́ɛnɛ́nɛ lɑɑ ḿbɛn mbɔɔnɛ tsʉ́ʉnɛ ŋu nɛcú nu pɔ́, mbɔ ŋɡɑŋ kɑ́ kuꞋ nɛcú ŋɡɔ Yɛ́su Tsɑpʉɔ pɔ́.

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

Ɛ́fɛ̂zɛ 1:13

Ɛ́ ɡʉ nǔu pʉʉ yʉ́ʉ, mbɔ pʉʉ kɑ zúꞋ sẅiŋɛ yi ɛ́ yɛ́ nɛ́nẅín, ɛ́ pɔ́ Ŋkʉʉ Sʉ́Ꞌnɛ ẅí Sɛ́ kɑ lɛɛ pɔ nǔu lɑ ŋ́ɡɛ pʉʉ luk. Pʉʉ kɑ zúꞋ pɔ́Ꞌɔ, ńzɑ́p tʉ́m yʉ́ʉ nǔu Kɛlístɔ, Sɛ́ ńcʉ̈ɔꞋ lii yɛ́ nǔu pʉʉ, ńdɔk ńnyɛt ŋɡɔ pʉʉ pʉɔ pɛ́. Yîyɑ́ lii pɔ́ Zẅikŋɛ Lɛ́ɛnɛ́nɛ yi ɑ kɑ kɑꞋnɛ ŋɡɔ ɑ ɡʉ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.

2 Timɔtɛ́ɛ 1:14

Zẅikŋɛ Lɛ́ɛnɛ́nɛ pɑ́Ꞌ ɛ́ nǔu pɛkŋɛ lɑ́ cẅɛ́lɛ́ wú. Ɔ pɔɔ pɛ́m yɛcɔ́ yúu kúpmɛ nǔu nu Sʉ́Ꞌnɛ yi pɛ́ kɑ lẅɛꞋnɛ mbɔ̌ ɡu pɔ́.

Tîtɛ 3:5

ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.

Ɛ́bɛlʉʉ 10:15

Yúu mi Zẅikŋɛ Lɛ́ɛnɛ́nɛ pɛn ḿbɔ́ ɛ́sẅíi wɛkŋɛ ŋɡɔ ɛ́ nu nɛ́nẅín. Ɛ́ piitɛ ńcú ŋɡɔ:

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

Ɛ́bɛlʉʉ 3:7

Ɛ́ yúu mi ɛ́ ɡɛnɛ Zẅikŋɛ Lɛ́ɛnɛ́nɛ cú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ

Ɛ́bɛlʉʉ 9:8

Zẅikŋɛ Lɛ́ɛnɛ́nɛ kɑ pɔ́ ńdɔk pɔ́Ꞌɔ, nyɛt ŋɡɔ wɔ nduŋmbi ntɑp lɑɑ ŋ́kɛ́ ńdɑ́Ꞌ ḿbɛ́t ḿbɔ́ pɔ ɡú, mbɔ sɛ̂ndúŋ nɛtɔ́k tɛ ŋ́kúu nǔu kwɑꞋ zʉꞋ yi Sɛ́ zúꞋu, kɛ́ tsɔ́Ꞌnɛ pɔ́.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

2 Pyɛ̂ 1:21

mbíꞋŋɡɔ mbɑ kʉ̈ɔ́ lɑ́ yi pɑcẅiŋkʉʉ-Sɛ́ kɑ cúnɛ, pɔ́p kɑ pɔ́ ŋ́ɡɔ ńcú, ɛ́ pɔɔ ɛ́fú nǔu jínu-ŋumɛsɔŋ pɔ́. Pɔ́p kɑ ɡɔ́ ḿbɔ́ ńcú nu yi Sɛ́ sɛ́ ŋ́kɔŋ ŋɡɔ ḿbɔ́ ńcú, Zẅikŋɛ Lɛ́ɛnɛ́nɛ tsʉ́ʉnɛ́nɛ wɔ́p lɑ pɔ́p cú.

1 Jɑ̂ŋ 2:20

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

1 Jɑ̂ŋ 5:7

ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.

Mɛnu ɛ́ ńdɑ́Ꞌ ńcẅɛt 2:11

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, nɛpfú nǔu mbɑ́ɑtɛ yɛ́pɑ́ kɛ́ lɑ́Ꞌ ŋ́ɡẅɛɛ wɛ́ pɔ́.