Jɑ̂ŋ 13:31 - Kɑɑ Fí

³¹ Jẅidɑ pɔ́ tɛ ɛ́fú ndɑ́ ńcẅɛt, Yɛ́su cú ŋɡɔ: «Ɛ́ ŋkɔ̂ɔnɛ pɑ́Ꞌnɛ, pɛ́ ɡɑ́ nɛɡúꞋ mbɔ̌ Mɔ́ɔ-Ŋu. Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́.

Jɑ̂ŋ 13:31 ပူးပေါင်းရင်းမြစ်များ

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Lúkɑ́shi 12:50

Ɛ́ sɛ́ ḿbíkŋɛ ŋɡɔ pɛ́ ɡɛ ńnuꞋ wɑ́ɑ tsɛt ŋɡʉ̈ɔ́Ꞌ pɑ́Ꞌ pɛ́ nuꞋ ŋu ŋki lɑ́. Yîyɑ́ lɛ́Ꞌ lɑɑ ńdɑ́Ꞌ ḿbɛ́t kɛ́ lɛɛ, m bɔɔ sʉ́Ꞌnɛ zúꞋ!

Jɑ̂ŋ 11:4

Yɛ́su zúꞋ pɔ́Ꞌɔ, ńcú ŋɡɔ: «Yɔ ɡɔɔ kɑ́ pɔ́ yi ɛ́ ɡʉ ńdɔk wɛ́ pɔ́. Pɛ́ ɡʉ ńdɛɛ nǔu ńjʉ́ɔ mɛtʉʉ-Sɛ́, ḿbɛn ńdɛɛ nǔu ŋ́ɡɑ́ mɛkuꞋ mbɔ̌ mɔ́ɔ-Sɛ́.»

Jɑ̂ŋ 12:23

Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Jɑ̂ŋ 12:28

Tɑ̌ɑ mɔ, ɡúꞋlɛ lík yú. Ŋɡi-ŋu ɡɔ́ɔ ŋ́kɛ́ ɛ́fú nɛpú ńcú ŋɡɔ: «Ŋ ɡúꞋlɛ mɔ. Ŋ ɡʉ ḿbɛn ŋ́ɡúꞋlɛ fí fí.»

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 16:14

Ɛ́ ɡʉ ŋ́ɡɛ nyɛt wɑɑ nɛɡúꞋ, mbíꞋŋɡɔ ɛ́ ɡʉ cẅɛ́ɛ mbɔ̌ mɔ lɑ́ ńzíꞋ wʉ́ʉ.

Jɑ̂ŋ 7:39

A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

Ɛ́fɛ̂zɛ 1:12

A kɑ pɔ́ ńtsɔ́Ꞌ wɛkŋɛ pɔ́Ꞌɔ, luk yi pɛk pi pɛk kɑ piitɛ́nɛ nɛzɑ́p tʉ́m nǔu Kɛlístɔ, pɛk ɡʉ ŋ́ɡúꞋlɛ jʉ́ Sɛ́ mbíꞋŋɡɔ ɑ ɡúꞋ tɛꞋ.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.