Jɑ̂ŋ 12:13 - Kɑɑ Fí

¹³ ŋ́ɡɔ́ɔ ŋ́kɛ́ ŋ́kʉ́ɔꞋ mɛzɑ́ŋ-nɛtʉ́ɔ, ńdɔk ńcẅɛt tʉ́sɔŋ, ŋ́ɡʉ nɛzɑ́Ꞌ wɛ́, ḿbɔ́ ńcú nɛ́ ŋɡi tɛnnɛ ŋɡɔ: «Ɔzɑ́nɑ» mbɔ́tnɛ mbɔ̌ fɔɔ ẅí ɑ lɔknɛ lík-tsɑpʉɔ ńtɔ́. Sɛ́ pɔ́nɛ fɔɔ Pɑíslɑyɛ̂l.

Jɑ̂ŋ 12:13 ပူးပေါင်းရင်းမြစ်များ

Mɑtʉ̈ɔ 23:39

Ɛ́ yɛ́tɛ́ lɑ́ ŋ ɡʉ ɛ́sẅíi wʉ́ʉ ŋɡɔ: «Tɛ ɛ́fú ŋkɔ̂ɔnɛ, pʉʉ kɛ́ pɛn ńjʉ́ɔ wɑ́ɑ pɔ́, tɛ ńdɑ́Ꞌ ŋ́kúu lɛ́Ꞌ yi pʉʉ ɡʉ ńcú ŋɡɔ: Sɛ́ pɔ́ nɛ́ ŋu ẅí ɑ tɔ́nɛ nǔu lík yɛ́.»

Mɑtʉ̈ɔ 27:42

«A kɑ ɡɛ pɛcɔ́ pʉɔ luk, lɑ́ ɑ kɑ́ kuꞋ nɛcẅɛ́ɛ yɛ́ tú mbɔ̌ nɛvú pɔ́! A lɑɑ ḿbɔ́ fɔɔ-pɑíslɑyɛ̂l, ɑ ɛ́fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu pɛk jʉ́ɔ, ńzɑ́p tʉ́m yʉ́k nǔu wɛ́.

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 12:14

Yɛ́su jʉ́ɔ mɔ́ɔ-njɑkɑ́ɑshi, ŋ́kɔ́Ꞌ ńnɑ́ŋ nǔu. Ɛ́ pɔ́ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ŋɡɔ:

Jɑ̂ŋ 12:15

Pʉɔ-tʉ́sɔŋ-Siyɔ́ŋ, kɔɔ pʉʉ pɔ́k, pʉʉ jʉ́ɔ pɑ́Ꞌ fɔɔ wʉʉ sɛ́ ńtɔ́, A nɑ́ŋ nǔu mɔ́ɔ-Njɑkɑ́ɑshi.

Jɑ̂ŋ 19:15

Pɑyúdɑ ɡɑ́ ɡwɑ́t ŋɡɔ: «Pɛ́ ńjẅí wɛ́, pɛ́ ńjẅí wɛ́. Ŋ́ɡɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ: «Mɔ ɡʉnɛ ŋ́kẅii fɔɔ wʉʉ nǔu tʉ́ mbɑ́ŋtɛ pɑ́ŋtɛ́nɛ?» Pɛtɑ́tndɑ́-pɑnɔŋ pɔꞋ tsɔ́Ꞌ ŋɡɔ: «A ndɑꞋ Kɑ́sɑ pɔ́, mbɔ pɛk kɑ́ ɡẅɛɛ wɛcɔ́ fɔɔ pɔ́.»

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,