31 Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.
Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.
Pɔ́p ɡʉ tɛ ŋ́kúu zúꞋu, pʉɔ pí pɔ́p ŋkɑ́Ꞌ yɛ́ kɑ vu nǔu nduŋmbi ńtswɑ́ɑ wɛ́, ńjẅí mbɑ́ɑtɛ, ḿbɛn ńdɔk mɛŋɡɔꞋ ńtɛ́mtɛ mbɑ́ɑtɛ yɛ́tɑ́t ńjẅí.
Pɔ́Ꞌɔ, mɛci-pɛpúꞋ pɛtsʉʉ mi pɛ́ kɑ tswɛtnɛ ndǔ tsɛ́tsɑ́Ꞌ tɛmtɛ ńcúŋ nǔu pʉʉ. Nɛfú nǔu mɛci-Abɛ̂ ẅí ɑ kɑ pɔ́ ńzúꞋnɛ Sɛ́, ŋ́ɡʉ ŋ́kúu nǔu mɛ́ Sɑkɑlíyɑ, mɔ́ɔ-Mbɑlɑshi, ẅi pʉʉ kɑ jẅínɛ wɛ́ nzʉʉ nɛkɛlɛmúk-pɔꞋ lɑ pɛ́ kúu ndɑ́-nɔŋpɔꞋ.
Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»
Pɑyúdɑ tʉ̈ɔ́Ꞌlɛ Yɛ́su ńníꞋ sɔŋ, ḿbíkŋɛ wɛ́ ŋɡɔ: «pɛk ɡʉ ńzẅíꞋlɛ tɛ kúu pɔ ŋkɑ́ kʉ̈ɔ́ lɑ́ ɔ sẅíi wɛ́k nɛ́ ŋu ẅí ɔ jʉ́? Ɔ lɑɑ ḿbɔ́ Nzɑ́Ꞌŋkʉ ẅi Sɛ́ kɑ kɑꞋnɛ, ɔ jɛ́p jɛ́pnɛ ɛ́sẅíi wɛ́k.»
Lɑ́ Yɛ́su pɛn ńcú mbɔ̌ pɔ́p ŋɡɔ: «Ŋ kɑ ɡɛ pʉʉ jʉ́ɔ mɛfɑꞋ sʉ́Ꞌnɛ tɛ ɛ́ zɑ́ɑ zɑ́ɑnɛ mi ɛ́ fúnɛ mbɔ̌ Tɑ̌ɑ mɔ, pʉʉ lɑk mɛŋɡɔꞋ nɛlɔk ńtɛ́mtɛ wɑ́ɑ ńjẅí pɑ́Ꞌɑ mbíꞋ yɛ́tɛ́ nǔu?»
Gɑŋku pɛ́ pʉ̈ɔt ŋɡɔ: «Cícɑ, ntí kɑ́ sɑk pɑ́Ꞌ pɑyúdɑ kɑ pɔ́ ńdɔɔ nɛlɔk mɛŋɡɔꞋ ńtɛ́m wú ńjẅí pɔ́. Ɔ ɡʉ ḿbɛn ḿbɛn zúꞋu ɔɔ?»
Ɛ́ fú ŋkɑ́ ɛ̂yɑ́, pɑyúdɑ mɛkŋɛ ŋ́ɡɑ́Ꞌ nɛlɔɔ yúu mi pɔ́p ɡʉ ɛ́fú nǔu ńjẅí Yɛ́su, mbíꞌŋɡɔ ɑ ŋkɑɑ fɑɑnɛ pɔ nɛpʉ́ʉ lɛ́Ꞌnji yɔ́p ndɑꞋ pɔ́, ɑ kɑ pɛn ḿbɔ́ ńcú ŋɡɔ Sɛ́ kwɑꞋ Tɑ́t wɛ, ńdɔk pɔ́Ꞌɔ, ńcú ŋɡɔ pɔ́p Sɛ́ pɔ́ pɔ ndʉ́ŋndʉŋ.
Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.
Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.
