Ɛ́bɛlʉʉ 11:36 - Kɑɑ Fí

³⁶ ḿbɛn ŋ́ɡʉ nǔu pɛcɔ́ pʉɔ, pɛ́ tɛ́m sʉ́ʉ nǔu pɔ́p, ńdɔk ŋɡwɑɑ ńtswɑ́ɑ wɔ́p, ńtɔ́ nǔu pɛcɔ́ pʉɔ pɛ́ pɔɔ ɡɛ pɔ ndɑꞋ pɔ́Ꞌɔ pɔ́, ḿbɛn ŋ́kút wɔ́p nɛ́ mɛcɛ̂n, ḿmɑꞋ wɔ́p ndɑ́tsɑ́ŋ,

Ɛ́bɛlʉʉ 11:36 ပူးပေါင်းရင်းမြစ်များ

Mɑtʉ̈ɔ 20:19

ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 21:35

Pɔ́p ɡʉ tɛ ŋ́kúu zúꞋu, pʉɔ pí pɔ́p ŋkɑ́Ꞌ yɛ́ kɑ vu nǔu nduŋmbi ńtswɑ́ɑ wɛ́, ńjẅí mbɑ́ɑtɛ, ḿbɛn ńdɔk mɛŋɡɔꞋ ńtɛ́mtɛ mbɑ́ɑtɛ yɛ́tɑ́t ńjẅí.

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Mɑtʉ̈ɔ 27:26

Pɔ́Ꞌɔ lɑ́, Pilɑtɔ ɡɔ́ɔ ŋ́kɛ́ ńcẅɛɛtɛ Pɑnɛpɑ́ɑshi ndɑ́tsɑ́ŋ, ŋ́ɡɛ pɛ́ lɔk ŋɡwɑɑ ńtswɑ́ɑ Yɛ́su, ḿbɛn ŋ́ɡɑ́ wɛ́ ŋɡɔ pɛ́ lɔk wɛ́ ŋ́ɡʉ, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.

Mɑ́lɛ́kúshi 10:34

Pɔ́p zɔɔtɛ wɛ́, ńtẅik mɛ́tɛ́ nǔu wɛ, ńdɔk ŋɡwɑɑ ńtswɑ́ɑ wɛ́, ńjẅí wɛ́, ɑ pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Lúkɑ́shi 18:32

Pɛ́ ɛ́fɛn wɛ́ mbɔ̌ pɑkɛ́jí Sɛ́ pinɛ pɔ́p sɑ́Ꞌnɛ lɑ́Ꞌ yɔ, pɔ́p zɔɔtɛ wɛ́, ńtɛ́m sʉ́ʉ nǔu wɛ́, ńtẅik mɛ́tɛ́ nǔu wɛ́,

Lúkɑ́shi 23:11

Ɛlɔ̂dɛ pɔ́p pɛmɑ́kɑ́ɑ pɛ́ zɔɔtɛ Yɛ́su, ŋ́ɡwɛ wɛ́ tɛ ńtíi ndẅí-nɛfɔɔ ɛ́sɔ nǔu wɛ́, ńtúu ŋɡɔ, pɛ́ pɛn ńdɔk wɛ́ ḿbɛn ŋ́ɡɑ́ mbɔ̌ Pilɑ́tu.

Lúkɑ́shi 23:36

Pɑlʉ̈ɔ́Ꞌntsɔ kɑ pɔ́ ḿbɛn ńtuŋɛ wɛ́ ɡúu, ŋ́kẅɛ́Ꞌlɛ mbʉʉ yɔp ńtɔ́ nɛjɔ́ŋ yɛ́, ŋ́ɡɑ́ cícɔ́k mɛluꞋ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

ŊwɑꞋnɛ-Gɑŋntúu Yɛ́su Kɛlístɔ 24:27

ḿbɔ́ ŋ́ɡɛ pɔ pɔ́Ꞌɔ, tɛ ɛ́ ɡɔ́ ḿbɔ́ ŋɡuꞋ yɛ́pɑ́, pɛ́ lɔk ŋɡɔ́mnɑɑ Pɔlsíyus Fɛstus ŋ́kúp Fɛlɛshi. Pɑ́Ꞌ Fɛlɛshi kɑ pɔ́ ŋ́kɔŋ nɛɡɛ yúu mi ɛ́ ɡʉ ḿbɔŋ pɑyúdɑ lɑ́, ɑ nɑ́ Pɔ̂l pɔ ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 4:3

Pɔ́p ɡẅɛɛ wɔ́p. Ɛ́ ɡɔ́ ḿbɔ́ ńtsʉ́Ꞌ ḿbɔ́ pɔ ntsuŋkẅɛ́Ꞌ. Pɔ́p níꞋ wɔ́p ndɑ́tsɑ́ŋ nɛpɔ́ yi pɔ́p ɡʉ ńdɛ́ zúꞋu tɛ njí kiɛ.

ŊwɑꞋnɛ-Gɑŋntúu Yɛ́su Kɛlístɔ 5:18

Pɔ́p pɛpɔ́p túu pʉɔ, pɔ́p ɡẅɛɛ ɡɑŋntúu ńníꞋ wɔ́p ndɑ́tsɑ́ŋ yi pɛ́ kɑ pɔ́ ńníꞋ ɡɑŋtsɑ́ŋ tsʉʉ zúꞋu.

ŊwɑꞋnɛ-Gɑŋntúu Yɛ́su Kɛlístɔ 5:40

ɛ́fúŋ ɡɑŋntúu-Yɛ́su, ńcú pɛ́ lɔk ŋɡwɑɑ ńtswɑ́ɑ wɔ́p. Pɔ́p tɔꞋ wɔ́p nɛpɛn ńdɔk lík-Yɛ́su ńcú nu, ŋ́ɡɛ ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

2 Timɔtɛ́ɛ 1:16

Ŋɡɔ Tsɑpʉɔ ɡɛ nu sʉ́Ꞌnɛ nǔu pʉɔ tsʉʉ njɛ́Ꞌ-Ɔnɛzifɔɔ, ńdɔ́ɔ pɔ́Ꞌɔ, mbíꞋŋɡɔ ɑ ḿbɔ́ ńnɑ́ŋ ńníꞋ tʉ́m yɑ́ɑ tɛꞋ, ɑ ŋkɑɑ mɔ́ kɔ́ sʉ́ʉ nǔu mɔ pɑ́Ꞌ mɔ ŋɡɑŋtsɑ́ŋ pɔ́.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.