Ɛ́bɛlʉʉ 10:5 - Kɑɑ Fí

⁵ Ɛ́ yúu mi ɛ́ kɑ ɡɛnɛ Kɛlístɔ ɡɔ́ ńtɔ́ ndǔmbí, ńcú mbɔ̌ Sɛ́ ŋɡɔ: Ɔ ŋ́kɑɑ kɛ́ ŋ́kɔŋ yúu-pɔꞋ pɔ́, ŋ́kɛ́ mbɔɔ mɛnɑɑ mi pɛ́ jẅínɛ ńdɔk ŋ́ɡúꞋlɛ wú kɔŋ. Lɑ́ ŋ́kɛ́ ŋ́ɡɑ́ mbʉʉ mbɔ̌ mɔ.

Ɛ́bɛlʉʉ 10:5 ပူးပေါင်းရင်းမြစ်များ

Mɑtʉ̈ɔ 11:3

ɑ Nzɑ́Ꞌŋkʉ ẅí pɛ́ sɛ́ ńzẅíꞋlɛ wɛ́ lɑ́ kɛ pɔ́p ḿbɛn ńzẅíꞋlɛ pɔ wɛcɔ́ ŋu ndɛꞋ ɔɔ?

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 7:19

ńtúu wɔ́p ŋɡɔ pɔ́p ɡʉ ḿbíkŋɛ Yɛ́su ŋɡɔ ɑ Nzɑ́Ꞌŋkʉ ẅí pɛ́ kɑ pɔ́ ńzẅíꞋlɛ lɑ́, kɛ pɛ́ ḿbɛn ńzẅíꞋlɛ pɔ wɛcɔ́ ŋu ndɛꞋ ɔ́ɔ?

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:7

Ɛ́ lɛɛ pɔ́Ꞌɔ, n cú ŋɡɔ: M bʉ́ɔ lɑɑ, mbɑ̌ɑ Sɛ́, mɔ sɛ́ ńtɔ́ nɛɡɛ yúu mi ɔ sɛ́ ŋ́kɔŋ. Ɛ́ pɔ́ ndʉ́ŋndʉŋ yúu mi pɛ́ kɑ ŋwɑꞋnɛ́nɛ tsɛt nɛpúꞋ-ŋwɑꞋnɛ yú mbíꞋ wɑ́ɑ.

Ɛ́bɛlʉʉ 10:8

A zɛɛ ḿbiitɛ ńcú ŋɡɔ: «Ɔ kɑ́ kɔŋ pɔꞋ pɔ́, ŋ́kɛ́ mbɔɔ kɔŋ yúu mi pɛ́ lɔknɛ ńtɔ́ mbi ɡu pɔ́, ŋ́kɛ́ mbɔɔ kɔŋ nɑɑ ẅí pɛ́ tɔɔnɛ wɛ́ pɔ tsʉʉ pɔ́, ŋ́kɛ́ mbɔɔ kɔŋ pɔꞋ ẅí pɛ́ nɔŋnɛ mbi ɡu mbíꞋ nu kɛpɔŋ pɔ́, mîmɑ́ mɛyúu kɑ́ pɔŋ wú pɔ́, lɑ́ ɛ́ kɛ́ ḿbɔ́ pɔ mɛyúu mi nɛpʉ́ʉ sɛ́ ḿbíkŋɛ ŋɡɔ pɛ́ ɡɛ».

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

Ɛ́bɛlʉʉ 8:3

Pɛ́ zɛɛ ńzɑ́p NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ńdɔk yúu ńtɔ́ mbi Sɛ́ ńnyɛt wɛ́ mbɑ pɑ́Ꞌ ɑ ɡʉ ńnɔŋ pɔꞋ mbi Sɛ́. Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ wɛkŋɛ NɔŋpɔꞋ wɛ ɡwɛ́ pɛn ŋ́ɡẅɛɛ yɛ́ yúu mi ɑ ɡʉ ŋ́ɡɑ́ mbɔ̌ Sɛ́.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.