Ɛ́fɛ̂zɛ 6:19 - Kɑɑ Fí

¹⁹ Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

Ɛ́fɛ̂zɛ 6:19 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 14:3

Tɛ ŋ́ɡɛ pɔ ŋɡɔ́ku lɑ́, Pɔ̂l pɔ́p Pɑnɛpɑ́ɑshi zɛ ńnɑ́ŋ Ikɔnyɔm, ńtík pɔ Tsɑpʉɔ mbi, ḿbɔ́ ńdɛɛ lɛɛnɛ ńcú mbɔ̌ pʉɔ ŋɡɔ Tsɑpʉɔ kɔŋ wɔ́p. Tsɑpʉɔ pɛn ḿbɔ́ ńdɛɛ nǔu mɛnu mɑ̌ɑmɑɑnɛ nɛ́ ŋkʉꞋnɛ mɛnu mi ɑ lɔknɛ wɔ́p ŋ́ɡɛ, ńnyɛt ŋɡɔ nu yí pɔ́p cúnɛ nǔu pɑ́Ꞌ Yɛ́su kɑ ɡɑ́nɛ fu níinɛ-pʉɔ, ɛ́ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 18:26

A cú nu-Sɛ́ ndɑ́-cúꞋlɛ-pɑyúdɑ, ɛ́sɑ́ɑnɛ sɑ́ɑnɛ́nɛ. Pɛlɛsîl pɔ́p Akilɑs zúꞋ sẅiŋɛ yɛ́ ńdɔk wɛ́ ŋ́ɡʉ, ńniitɛ ńdɛꞋlɛ wɛ́ nɛ́ nu ŋ́ɡɑ́ nǔu sɛ̂ndúŋ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:8

Pɔ̂l lɔk pɛsɑŋ pɛtɑ́t, ŋ́kɛ́ ŋ́ɡʉ pɔ ndɑ́-cúꞋlɛ-pɑyúdɑ Ɛ́fɛ̂zɛ ɛ̂wɑ́. Ɛ́sẅíi nu-Sɛ́ ɛ́sɑ́ɑnɛ sɑ́ɑnɛ́nɛ, ɛ́sẅíi pʉɔ pɑ́Ꞌ nɛfɔɔ-Sɛ́ pɔ́nɛ, ńdɔɔ shʉ́ nɛkyɛ́Ꞌtɛ tɛ pɔ́p pɛ́m.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 28:31

A pɔ́ ɛ́sɑ́Ꞌ ɛ́sẅíi pʉɔ nɛ́ yúu mi nɛfɔɔ-Sɛ́ yɛ́tɛ́, ḿbɛn ńtsuŋ ńzíꞋ wɔ́p nɛ́ ŋu ẅí Tsɑpʉɔ Yɛ́su Kɛlístɔ jʉ́ pɔ sɑ́ɑnɛ sɑ́ɑnɛ́nɛ, wɛcɔ́ ŋu pɛn ŋ́kɛ́ mbɔɔ wɛ́ tɔꞋ.

ŊwɑꞋnɛ-Gɑŋntúu Yɛ́su Kɛlístɔ 4:13

Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

ŊwɑꞋnɛ-Gɑŋntúu Yɛ́su Kɛlístɔ 4:29

Ɔ́ɔŋ Tsɑpʉɔ, líŋɛ ŋkɔ̂ɔnɛ lɑ ńjʉ́ɔ pɑ́Ꞌ pɔ́p sɛ́ ḿbɑpmɛ wɛk. Gɑ́ sʉktʉ́m mbɔ̌ ɡɑŋfɑꞋ pú, pɔ́p sẅíi nu yú kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 9:27

Ɛ́ pɔ́ tɛ Pɑnɛpɑ́ɑshi lɔk wɛ́ ŋ́ɡʉ, ńtɔ́ ńnyɛt wɛ́ mbɔ̌ ɡɑŋntúu-Yɛ́su, ńtɔ́ ńnyɛt wɛ́, ḿbɛ́ɛtɛ ɛ́sẅíi wɔ́p ŋɡɔ Sɔ̂l kɑ jʉ́ɔ Tsɑpʉɔ Yɛ́su sɛ̂ndúŋ-Ndɑ́mɑ́s, tɛ kwɑꞋ Tsɑpʉɔ cú nu mbɔ̌ wɛ́, Pɑnɛ́pɑ́ɑshi pɛn ɛ́sẅíi wɔ́p pɑ́Ꞌ Sɔ̂l kɑ lɔknɛ lík-Yɛ́su ńcẅi Ŋkʉʉ Sʉ́Ꞌnɛ Ndɑmɑs kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 9:29

A jʉ́ɔ pɑyúdɑ pi pɔ́p sẅiŋɛnɛ Ŋɡɛlɛ́k, pɔ́p pɛ́pɔ́p zɔŋ nu nǔu nu-Yɛ́su zɔŋnɛ tɛ ŋ́ɡɔ́ ḿmɛkŋɛ pɔ́p tsʉ́Ꞌ ńdɔɔ pɔ shʉ́ nɛjẅí wɛ́.

Pʉɔ-Lɔ́mɑ 15:30

Pɔ́ɔpɛ́mɑ́ pɑ́ɑ, ɛ́ lɛɛ nǔu Tsɑpʉɔ wɛkŋɛ Yɛ́su Kɛlístɔ mbɑ nǔu pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pɛkŋɛ ɡẅɛɛ ŋkɔŋɛ tsɛtsɛt pɛkŋɛ lɑ́, mɔ ḿbúꞋ mbɔ́ mbɔ̌ pʉʉ ŋɡɔ pʉʉ lɔk nɛcɛꞋlɛ Sɛ́ ńcẅɛ́lɛ́ wɑ́ɑ. Pʉʉ cɛꞋlɛ Sɛ́ nǔu tú yɑ́ɑ, ńtsʉ́Ꞌ nɛcɛꞋlɛ, ḿbúꞋ mbɔ́ nɛ́ ŋɡɔŋ tʉ́m yʉ́ʉ tsʉʉ,

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

1 Kɔlɛ̂ŋtɛ 1:5

Pɑ́Ꞌ pʉʉ pɛ́ Kɛlístɔ kɑ kɛ́mɔ́ ńtɛmtɛ lɑ́, Sɛ́ kɑ fú pɔ́Ꞌɔ, ŋ́ɡɑ́ pɔ́fɑꞋ tsʉʉ mbɔ̌ pʉʉ. A kɑ ɡɛ pʉʉ kuꞋ nɛsẅíi nu yɛ́, ḿbɛn ŋ́ɡɛ pʉʉ kuꞋ nɛjínu nɛ́nẅín.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

2 Kɔlɛ̂ŋtɛ 1:11

ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.

2 Kɔlɛ̂ŋtɛ 3:12

Pɑ́Ꞌ pɛk sɛ́ ńniitɛ ńjí ŋɡɔ mɔnɛ mɛnu nɛ́nẅín lɑ́, pɛk sɑ́ɑnɛ sɑ́ɑnɛ́nɛ ńcú nu nǔu.

2 Kɔlɛ̂ŋtɛ 6:11

Pʉʉ pɛsúu pɛk pi pɔ́p Kɔlɛ̂ŋntɛ, pɛk sẅíi wʉ́ʉ nɛ nu kɛ́ lẅɛꞋ pfuꞋ,pɛk tɛmtɛ ŋ́ŋíɛꞋ tʉ́m wɛ́k ńnyɛt wʉ́ʉ.

2 Kɔlɛ̂ŋtɛ 7:4

Mɔ ńtɛ́m mɔ́ ŋkwɛn yɑɑ ŋ́ɡɑ́ mbɔ̌ pʉʉ, n dɔk pɔ wʉ́ʉ ńtsɑ́ɑtɛ tɛꞋ, m bɛ́t ŋ́ɡẅɛɛ pɔ sʉk tɛꞋ, tsɑ́ɑtɛ tʉ́m mɔ tɛꞋ tɛ mbɑ pɑ́Ꞌ pɛk sɛ́ ńjʉ́ɔ ŋɡʉ̈ɔ́Ꞌ tɛꞋ lɑ́.

2 Kɔlɛ̂ŋtɛ 8:7

Ɛ́ tʉ́ʉ nǔu kʉ̈ɔ́lɑ́ pʉʉ ɡɑ́nɛ fʉꞋ sʉ́Ꞌnɛ, pʉʉ zɑ́p tʉ́m nǔu Sɛ́ sʉ́Ꞌnɛ, ńjí nɛcú nu ɛ́ cẅɛt, ńjí nu-Sɛ́ kwɑꞋ sʉ́Ꞌnɛ, ńzɑŋɛ mbʉʉ ŋɡɔŋ ŋkɑ́ tsʉʉ, ŋ́ɡẅɛɛ ŋkɔŋɛ nzʉʉ pɛk, pɔ́Ꞌɔ lɑ́ pʉʉ pɛn ńnyɛt fʉꞋ sʉ́Ꞌnɛ nǔu yɔ fɑꞋ-pɔŋtʉ́m.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 3:9

Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

1 Tɛsɑlɔník 5:25

Pɔ́ɔpɛ́mɑ́, pʉʉ púꞋ mbɔ́ mbɔ̌ Sɛ́ mbɑ nǔu yɛ́k tú.

2 Tɛsɑlɔník 3:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ, ɛ́ pɔ́ pɔ ŋɡɔ pʉʉ cɛꞋlɛ Sɛ́ nǔu tú yɛ́k, lɑ sẅiŋɛ-tsɑpʉɔ kẅiꞋ ɛ́sɑt zʉꞋ, ḿbɔ́ yúu-mɛkuꞋ pɑ́Ꞌ ɛ́ njɛ́Ꞌ pʉʉ ḿbɔ́ lɑ́.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.