Kɔlɔsíyɛ̂ŋ 3:24 - Kɑɑ Fí

²⁴ Kɔɔ pʉʉ likŋɛ ŋɡɔ Tsɑpʉɔ-Kɛlístɔ ɡʉnɛ ńdɑ́Ꞌ ńtsɔ́Ꞌ fɑꞋ yʉ́ʉ, ŋ́ɡʉ nǔu yúu pɛ́, ŋ́ɡɑ́ yʉ́ʉ, mbíꞋŋɡɔ jʉ́ pɔ́nɛ kwɑꞋ ŋu ẅí pʉʉ fɑꞋnɛ mbɔ̌ wɛ́.

Kɔlɔsíyɛ̂ŋ 3:24 ပူးပေါင်းရင်းမြစ်များ

Mɑtʉ̈ɔ 10:41

Ŋu kúkŋɛ tɑ́Ꞌ Ŋɡɛ́mndʉ̈ɔ́Ꞌ-Sɛ́ pɑ́Ꞌ Ŋɡɛ́mndʉ̈ɔ́Ꞌ-Sɛ́, mbɔ pɛ́ ɡʉ ńdɑ́Ꞌ ŋ́ɡɑ́ wɛ́ nɛ́ tsɔ́ꞋfɑꞋ pɑ́Ꞌ wɛ́ Ŋɡɛ́mndʉ̈ɔ́Ꞌ-Sɛ́. Ŋu pɛn ŋ́kúkŋɛ ŋu ẅí ɑ ɡẅɛɛnɛ nɛpʉ́ʉ-Sɛ́ pɑ́Ꞌ ŋu ẅí ɑ zúꞋnɛ́nɛ Sɛ́, mbɔ pɛ́ ɡʉ ńdɑ́Ꞌ ŋ́ɡɑ́ tsɔ́ꞋfɑꞋ yɛ́ pɑ́Ꞌ yɛ́ ŋu ẅí ɑ zúꞋnɛ́nɛ Sɛ́.

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Mɑtʉ̈ɔ 5:46

Pʉʉ lɑɑ ŋ́kɔŋ pɔ ńdɑ́Ꞌ pʉɔ pinɛ pɔ́p kɔŋnɛ wʉ́ʉ, mbɔ pɛ́ ɡʉ ḿbɛn ŋ́ɡɑ́ pɑꞋlɑ́ mbɔ̌ pʉʉ nǔu kʉ̈ɔ́? Pɑcẅɛ́ɛ ntsup-pɑlɔ́mɑ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

Mɑtʉ̈ɔ 6:16

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 14:18

Ŋu lɑɑ ɛ́fɑꞋ fɑꞋ-Kɛlístɔ nɛ́ yɔ ntɛ́, mbɔ nu yɛ́ ɡʉ ḿbɔŋ Sɛ́, pʉɔmɛsɔŋ pɛn ŋ́ɡɑ́ mɛkuꞋ ŋɡɑŋ.

1 Kɔlɛ̂ŋtɛ 11:23

Ŋ kɑ kɛ́ ńzíꞋ wʉ́ʉ nɛ́ yúu mi ŋ kɑ zúꞋnɛ mbɔ̌ Tsɑpʉɔ, ɛ́ pɔ́ ŋɡɔ: «Ɛ́ kɑ pɔ́ nɛtúꞋ ẅi pɛ́ kɑ fɛnnɛ Tsɑpʉɔ Yɛ́su, ɑ́ pɛ́ɛ mbɛlɛ̂ɛt,

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ɛ́fɛ̂zɛ 6:6

Pʉʉ pɑ́ɑ nɛɡɛ pɔ́Ꞌɔ, pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ. Pɑ́Ꞌ ŋkɑ́ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ pɔ pɑ́Ꞌ pɛkwɑɑ-Kɛlístɔ pi pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ nɛ́ ŋɡɔŋ tʉ́m yɔ́p tsʉʉ.

Ɛ́fɛ̂zɛ 6:8

Pʉʉ kẅíitɛ ŋɡɔ, ŋu lɑɑ ḿbɔ́ ŋkwɑɑ, kɛ mbɔɔ ŋkwɑɑ pɔ́ ɔɔ, mbɔ Tsɑpʉɔ ɡʉ ńdɑ́Ꞌ tsʉ́Ꞌ nɛɡɑ́ tsɔ́ꞋfɑꞋ mbɑ wɔ̌ lɑ́, nǔu pɔ pɑ́Ꞌ ŋɡɑŋ kɑ lɔknɛ ɛ́fɑꞋ sʉ́Ꞌnɛ pɔ́Ꞌɔ.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Ɛ́bɛlʉʉ 10:35

Pɔ́Ꞌɔ lɑ́, Kɔɔ pʉʉ kɑ́ɑ nɛzɑ́p tʉ́m nǔu Sɛ́, mbíꞋŋɡɔ mɑ́mɑ́ tsɔ́ꞋfɑꞋ nǔu.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.