Kɔlɔsíyɛ̂ŋ 3:17 - Kɑɑ Fí

¹⁷ Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Kɔlɔsíyɛ̂ŋ 3:17 ပူးပေါင်းရင်းမြစ်များ

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 19:17

Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»

ŊwɑꞋnɛ-Gɑŋntúu Yɛ́su Kɛlístɔ 4:30

Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»

Pʉɔ-Lɔ́mɑ 1:8

M biitɛ ńdɛɛ nǔu lík-Yɛ́su Kɛlístɔ ŋ́ɡɑ́ pɑ́Ꞌlɑ́ mbɔ̌ Sɛ́ wɑɑ nǔu tú yʉ́ʉ pɛ́tsʉʉ, mbíꞋŋɡɔ pɛ́ ndǔmbí zʉꞋ tsʉʉ ḿbɔ́ ńcú ntɛ́ yi pʉʉ lɔknɛ ńzɑ́p tʉ́m nǔu Yɛ́su Kɛlístɔ.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Kɔlɔsíyɛ̂ŋ 3:23

Pɛ́ lɑɑ ŋ́ɡɑ́ yɛ́tɛ́ ntɛ́ fɑꞋ lɑ́ mbɔ̌ pʉʉ, pʉʉ fɑꞋ pɔ nɛ́ tʉ́m sʉ́Ꞌnɛ, pɑ́Ꞌ ŋkɑ́ yi pʉʉ fɑꞋ pɔ mbɔ̌ Tsɑpʉɔ tɛ mbɔɔ ɛ́fɑꞋ pɔ mbɔ̌ pʉɔmɛsɔŋ pɔ́ lɑ́.

1 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ. Sɛ́ pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ ḿbɛn ḿbɔ́ ńníꞋ mɔ́fíitɛ tʉ́m pʉʉ.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

2 Tɛsɑlɔník 2:17

«Pɔ́p níꞋ mɛtʉʉ mʉ́ʉ, ŋ́ɡɑ́ wʉ́ʉ nɛ́ mɛtʉʉ pʉʉ lɔk ŋ́ɡɛ pɔ mɛnu sʉ́Ꞌnɛ, ḿbɛn ŋ́ɡẅɛɛ pɔ sẅiŋɛ sʉ́Ꞌnɛ.»

Ɛ́bɛlʉʉ 1:5

Sɛ́ ŋkɑɑ mɔ́ zɛɛ ńcú mbɔ̌ wɛcɔ́ cʉ̈ɔ́Ꞌ wɛ ŋɡɔ: «Ɔ mɔ́ɔ wɑ́ɑ tɛ fú lɔ́Ꞌnɛ m bɔ́ Tɑ́t wu pɔ́.» A ŋ́kɑɑmɔ́ zɛɛ ńcú mbɑ nǔu wɛcɔ́ ŋɡɔ: «Mɔ, ŋ ɡʉ ŋ́ɡɛ ḿbɔ́ mbɔ̌ wɛ́ ḿbɔ́ tɑ́t wɛ ɑ pɔ́ mbɔ̌ mɔ ḿbɔ́ mɔ́ɔ wɑ́ɑ pɔ́.»

Ɛ́bɛlʉʉ 13:15

Pɛkŋɛ lɛɛ nzʉʉ Yɛ́su, ɛ́ pɔ́ ŋkɑ́ tsʉʉ, pɛkŋɛ lɔk nɛɡúꞋlɛ Sɛ́, ńdɔk ńnɔŋ pɔꞋ, ńdɔk pɔ́Ꞌɔ, ḿbɔ́ pɔꞋ-pʉɔ pi pɔ́p ŋ́ɡɑ́ mɛkuꞋ nǔu lík yɛ́.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Jɑ̂ŋ 2:23

Ŋu lɑɑ ńdʉꞋ nɛpɛ́m nu-Mɔ́ɔ, mbɔ ɑ lʉꞋ nɛpɛ́m nu-Tɑ̌ɑ wɛkŋɛ, ŋu ẅí ɑ pɛ́mnɛ nu-Mɔ́ɔ, ɑ pɛn ḿbɛ́m yɛ́ Tɑ̌ɑ wɛkŋɛ.

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.