Kɔlɔsíyɛ̂ŋ 2:20 - Kɑɑ Fí

²⁰ Pʉʉ pɛ́ Kɛlístɔ kɑ tɛmtɛ ḿpfú, ɛ́ lɔk pɔ́Ꞌɔ, ńcẅɛ́ɛ wʉ́ʉ mbɔ̌ mɛtʉʉ-nzɛnzʉ́ʉ mi ɛ́ sɑ́Ꞌnɛ mbí. Mɛlɑ́Ꞌ kʉ̈ɔ́ pɛ́ pɛn ɛ́sẅíi wʉ́ʉ ŋɡɔ yɛcɔ́ yúu ɛ́ yúu mi nji nǔu tɛ pʉʉ zẅíꞋlɛ pɑ́Ꞌ ŋkɑ́ yi pʉʉ pɔ́ pɔ pʉɔ yɔ mbí?

Kɔlɔsíyɛ̂ŋ 2:20 ပူးပေါင်းရင်းမြစ်များ

Jɑ̂ŋ 15:19

«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»

2 Kɔlɛ̂ŋtɛ 10:3

Pɛk zɛɛ ḿbɔ́ pɔ pʉɔmɛsɔŋ pɑ́Ꞌ pɛcɔ́ lɑ́, yɛk ntɛ́ nɛmɑꞋ ntsɔ kɑ́ ɡɔ́ɔ ḿbɔ́ pɔ yɛ́ pʉɔmɛsɔŋ pɔ́.

Ŋɡɑlɑ̂t 4:3

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́tnɛ ḿbɔ́ pɑ́Ꞌ pɔ́ɔmbɔ́ŋkʉ̈ɔ́ lɑ́, pɛkŋɛ pɔ́ pɛkwɑɑ mbíꞋ nɛnɛn ẅí pɛkŋɛ nɛnnɛ nǔu tsɛt yɔ ndǔmbí.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 2:15

Yɛ́su kɑ pík mbʉ́ʉ-pɑyúdɑ yi ɛ́ cúnɛ ŋɡɔ, ɡɛ yɔ, ɡɛ yi, lɑ ńdɔk ḿbɔ́ ŋu-Sɛ́, ḿbík pɔ́Ꞌɔ, pɑ́Ꞌ Pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́ ɡʉ ńdɔk pɑ́Ꞌ mbɑ wɔ̌ lɑ́ nǔu pɔ́p ɡʉ ńdɑt mbʉʉ yɔp nǔu Yɛ́su, ńtɛmtɛ ńtsʉ́Ꞌ nɔɔ fí. A lɔk ḿmɛk mbuu tsɛtsɛt pɔ́p, pɔ́p nɑ́ŋ nɛ́ mbɔ́tnɛ.

Kɔlɔsíyɛ̂ŋ 2:14

A kɑ ɡwɛ́tnɛ ŋwɑꞋnɛ-nzɔ́ yɛkŋɛ pɛpɔ́p, mbɔ nɛpʉ́ʉ kɑ pɔ́ tsɛt yîyɑ́ ŋwɑꞋnɛ ḿbɔ́ ɛ́fɛn wɛkŋɛ nǔu mɛnu mi pɛkŋɛ fɑɑnɛ́nɛ, ḿbɔ́ pɛ́ cú ŋɡɔ ɑ kɑ tɛmtɛ wɔ́p Yɛ́su ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, ńdɔk pɔ́Ꞌɔ, ḿbʉ́ʉpɛ ŋwɑꞋnɛ.

Kɔlɔsíyɛ̂ŋ 2:16

N dɔk pɑ́Ꞌɑ ńcú ŋɡɔ kɔɔ pʉʉ pɛ́m ŋu ŋɑk wʉ́ʉ nǔu nu yúu kwɛ́tnɛ kɛ yi nɔ́nɛ ɔɔ, kɛ nǔu ndíinɑ-sɑŋ fí ɔɔ, kɛ nǔu mɛlɛ́Ꞌnji-Sɛ́ ɔɔ.

Kɔlɔsíyɛ̂ŋ 2:21

N cú pɑ́Ꞌ pɛ́ cúnɛ ŋɡɔ kɔɔ pʉʉ jʉ́ yɛcɔ́ yúu pɛjʉ́, kɔɔ pʉʉ zẅíꞋ mbɑ zẅíꞋnɛ, kɔɔ pʉʉ zɑ́p mbɑ pɔ́ nǔu.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

Kɔlɔsíyɛ̂ŋ 3:3

Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.