Kɔlɔsíyɛ̂ŋ 2:1 - Kɑɑ Fí

¹ Mɔ sɛ́ ŋ́kɔŋ ŋɡɔ pʉʉ jí ŋɡɔ ntsɔ ẅí mɔ sɛ́ ḿmɑꞋ ɛ́ tɛn. M mɑꞋ ẅîwɑ́ ntsɔ nǔu tú yʉ́ʉ, mbɑ nǔu tú-pʉɔ-Kɛlístɔ pi pɔ́p Lɑɔdisɛ́, mbɑ nǔu tú pɛcɔ́ pʉɔ-Kɛlístɔ tɛ ńzɑ́ɑ pi pɔ́p ŋ́kɑɑ mɔ́ wɑ́ɑ jʉ́ɔ.

Kɔlɔsíyɛ̂ŋ 2:1 ပူးပေါင်းရင်းမြစ်များ

Lúkɑ́shi 22:44

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

ŊwɑꞋnɛ-Gɑŋntúu Yɛ́su Kɛlístɔ 20:25

Ŋ kɑ lɛɛ tsɛtsɛt pʉʉ pɛtsʉʉ, ńnɛn ɛ́sɑ́Ꞌ pɑ́Ꞌ nu-nɛfɔɔ-Sɛ́ pɔ́nɛ. M bɛn ḿbɔ́ ŋkɔ̂ɔnɛ, ḿbɔ́ ńjí ŋɡɔ pʉʉ kɛ́ lɑ́Ꞌ ḿbɛn ńjʉ́ɔ shʉ́ wɑ́ɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:38

Pɔ́p mʉk tɛꞋ mbíꞋŋɡɔ ɑ kɑ cú mbɔ̌ pɔ́p ŋɡɔ: «Pʉʉ kɛ́ ɡɛ ḿbɛn ńjʉ́ɔ shʉ́ wɑ́ɑ pɔ́.» Pɔ́p ɡɛ pɔ́Ꞌɔ, ŋ́ɡʉ ńcɑklɛ Pɔ̂l ntsu-mɑ́mɑ́ kɑnúꞋ pɑ́Ꞌ ɑ ŋ́ɡʉ.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

Filipɛ 1:30

Yîyɑ́ ŋɡʉ̈ɔ́Ꞌ ɛ́ ntsɔ ẅí pʉʉ sɛ́ ḿmɑꞋ, mbɔ pʉʉ kɑ jʉ́ɔ pɑ́Ꞌ m mɑꞋnɛ yɑ́ɑ. Mɔ sɛ́ ḿbɛ́t ḿmɑꞋ pɔ wɛ́tɛ́.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

Kɔlɔsíyɛ̂ŋ 2:5

N zɛɛ ḿbɔ́ pɔ ŋɡɑ sɛsɑ, lɑ́ kwɑŋɛ yɑ́ɑ tʉ́ʉ pɔ nǔu pʉʉ. Mɔ sɛ́ ńtsɑ́ɑtɛ mbíꞋŋɡɔ n jí ŋɡɔ pʉʉ sɛ́ ńniitɛ mɛnu mʉ́ʉ sʉ́Ꞌnɛ, ḿbɛn ŋ́kúꞋlɛ nu-Kɛlístɔ tɛ ɛ́ tɛn.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»