ŊwɑꞋnɛ-Gɑŋntúu Yɛ́su Kɛlístɔ 9:13 - Kɑɑ Fí

¹³ Anɑníyɑs pʉ̈ɔt ŋɡɔ: «Tsɑpʉɔ, n zɛɛ ńzúꞋ pʉɔ tɛ ńzɑ́ɑ kẅíi ŋu ẅí ɔ cúnɛ lɑ́. Mɔ yɑ́ɑ ńjí nu kɛpɔŋ yi ɑ kɑ ɡɛnɛ nǔu pʉɔ pú Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 9:13 ပူးပေါင်းရင်းမြစ်များ

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

ŊwɑꞋnɛ-Gɑŋntúu Yɛ́su Kɛlístɔ 22:4

Ŋ kɑ pɔ́ ńtsɔ́Ꞌ ku pɑnɛn nǔu sɛ̂ndúŋ-Yɛ́su kɛpɔŋ. Ŋ́ɡɛ pɛ́ ɡẅɛɛ mbɛ́ɛnɛ pɔ́p pɑŋɡɛ́ ḿmɑꞋ ndɑ́tsɑ́ŋ, tɛ mbɑ pɑ́Ꞌ pɛ́ lɑɑ ḿbɔ́ pɛ́ tɔ́ zúꞋu ńjẅí wɔ́p jẅínɛ.

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 9:1

Sɔ̂l kɑ pɔ́ ŋkɑ́ ɛ̂yɑ́, ḿbɛ́t nzʉʉpɑpɛ́m Tsɑpʉɔ Yɛ́su, ńzɑ́Ꞌ pɔ ŋkwɑɑ ŋɡɔ ɑ ɡʉ ńjẅítɛ wɔ́p, ŋ́ɡʉ ńjʉ́ɔ Tɑ́tndɑ́-pɑnɔŋpɔꞋ,

ŊwɑꞋnɛ-Gɑŋntúu Yɛ́su Kɛlístɔ 9:21

Mbɑ wɔ̌ lɑ́ zúꞋ pɑ́Ꞌ ɑ cúnɛ, ḿmɑɑ tɛꞋ. Pɛ́ pɔ́ ńcú ŋɡɔ: «Yɑ́ pɔ́ wɔ̌! A kɑ́ pɔ́ ŋu wɑ́ ẅi ɑ ḿbɔ́nɛ Yɛlúsɑlɛm ŋ́ɡɛ pʉɔ pi pɔ́p sɛ́ ŋ́ɡúꞋlɛ Sɛ́, ɛ́fúŋ lík-Yɛ́su, jʉ́ɔ ŋɡʉ̈ɔ́Ꞌ lɑ́ pɔɔ? A ŋkɑɑ tɔ́ zɑꞋnɛ nɛɡẅɛɛ wɔ́p, ŋ́kút ŋ́ɡʉ ŋ́ɡɑ́ mbɔ̌ pɛtɑ́tndɑ́-pɑnɔŋpɔꞋ lɑ́ pɔɔ?»

ŊwɑꞋnɛ-Gɑŋntúu Yɛ́su Kɛlístɔ 9:32

Pyɛ̂ ɡɛ ḿbɔ́ yɛcɔ́ ŋ́kɑ́ ḿbɔ́ ńnɛn tsɛt lɑ́Ꞌ, ḿbɔ́ yɛcɔ́ lɛ́Ꞌ, ŋ́ɡʉ njɛ́Ꞌ-pɑpɛ́m-Yɛ́su pi pɔ́p tswɛ́nɛ Lidɑ,

ŊwɑꞋnɛ-Gɑŋntúu Yɛ́su Kɛlístɔ 9:41

Pyɛ̂ ɡẅɛɛ pɔ́ yɛ́, ŋ́ɡɛ ɑ lɔ sɛ́. A ɛ́fúŋ pɑpɛ́m Yɛ́su pɔ́p pɛpfúk, ńnyɛt Tɑpítɑ mbɔ̌ pɔ́p, ɑ pɔ́ sʉ́Ꞌnɛ.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Pʉɔ-Lɔ́mɑ 15:31

nɛpɔ́ yi ŋ kɛ́ vu nǔu mbɔ́-pʉɔ-Judɛ̂ pi pɔ́p kɑ́ pɔ́ ńzɑ́p tʉ́m nǔu Kɛlístɔ pɔ́ pɔ́, ḿbɛn ḿbúꞋ mbɔ́ mbɔ̌ Sɛ́ ŋɡɔ ɑ ɡɛ pʉɔ-Kɛlístɔ pi pɔ́p Yɛlúsɑlɛm lɔk tʉ́m sʉ́Ꞌnɛ ńcẅɛ́ɛ yúu mi n dɔknɛ ŋ́ɡʉ nɛ́ zúꞋu nɛcẅɛ́lɛ wɔ́p.

Pʉɔ-Lɔ́mɑ 16:15

Pʉʉ cɛꞋlɛ Filɔlɔk, nɛ́ Julí, nɛ́ Nɛ́lɛ tɛ mbɑ mɔ́ɔmɑ́ wɛ wɛ mɑŋɡɛ́, ŋ́ɡɛ Ɔlɛmpɑ́s, tɛ mbɑ pʉɔ-Kɛlístɔ pɛtsʉʉ pi pɔ́p pɛpɔ́p pɔ́nɛ.

Pʉɔ-Lɔ́mɑ 16:2

Pʉʉ lɔk lík-Tsɑpʉɔ ŋ́kúkŋɛ wɛ́ nǔu ntɛ́ yi pʉɔ-Kɛlístɔ ɡẅɛɛnɛ nɛkúkŋɛ ŋu pɔ́Ꞌɔ. Pʉʉ tʉ́ʉ pɑ́Ꞌ mbɑ yɛ́tɛ́ nu lɑ́ lɑɑ ńdɛɛ wɛ́, tɛ ɑ kíi mbɔ̌ pʉʉ, pʉʉ cẅɛ́lɛ́ wɛ́ nǔu. KwɑꞋ jʉ́ kɑ cẅɛ́lɛ́ mɔ́ pʉɔ tɛꞋ, ḿbɛn ńcẅɛ́lɛ mbɑ wɑ́ɑ ɡúu.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 14:33

mbíꞋŋɡɔ Sɛ́ kɑ́ kɔŋ ŋɡɔ pɛ́ nʉŋ ŋ́ɡwɛ́tnɛ ŋkɑŋ pɔ́, ɑ kɔŋ pɔ mbɔ́tnɛ. Ɛ́ ɡʉ nǔu pɑŋɡɛ́, mbɔ pʉʉ ɡẅɛɛ nɛ kɛ́ ŋ́ɡɛ pɔ ndʉ́ŋndʉŋ pɑ́Ꞌ ɛ́ tsɛt mɛndɑ́ cúꞋlɛ-pʉɔ-Kɛlístɔ tsʉʉ ḿbɔ́ pɔ́Ꞌɔ lɑ́,

1 Kɔlɛ̂ŋtɛ 16:1

Ɛ́ ɡʉ nǔu nu-ntsup yi pɛ́ sɛ́ ńcúꞋlɛ nɛɡɑ́ mbɔ̌ pʉɔ-Kɛlístɔ pi pɔ́p Yɛlúsɑlɛm, pʉʉ ɡúu ɡɛ pɑ́Ꞌ ŋ kɑ cúnɛ mbɔ̌ mɛcúꞋlɛ mi ɛ́ Ŋɡɑlɑ̂t lɑ́.

1 Kɔlɛ̂ŋtɛ 6:5

N dɔk pɑ́Ꞌɑ ńtɛ́m sʉ́ʉ nǔu pʉʉ. Pʉʉ lɔk pɔ́Ꞌɔ, ńjɑ́k njínu tsɛtsɛt pʉʉ ẅi ḿbɔ́ ɑ́ ńnɛn kɛ̂m nǔu nu yi ɛ́ tsɛtsɛt ŋu-Kɛlístɔ pɔ́p wɛcɔ́ kɛkʉ̈ɔ́?

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 4:22

Pʉɔ-Kɛlístɔ tsʉʉ cɛꞋlɛ wʉ́ʉ, n cú pɑ́Ꞌɑ kɛ́ likŋɛ cɛꞋlɛ yɛ́ pʉɔ-Kɛlístɔ pi pɔ́p ntɔ́Ꞌ-Kɑ́sɑ.

Kɔlɔsíyɛ̂ŋ 1:2

mbɔ̌ pʉʉ pʉɔ-Sɛ́ pi pʉʉ nɑ́ŋnɛ Kɔlɔs. Pʉʉ tɛmtɛ ḿbɔ́ pɔ́ɔpɛ́mɑ́ nǔu nu-Kɛlístɔ, pʉʉ kɛ́ ńjí pɔ ndɑꞋ yɛ́tɛ́. Tɑ́t wɛkŋɛ Sɛ́ pɔ́ mbɔ̌ nɛ́ pʉʉ, ḿbɔ́ ńníꞋ mbɔ́tnɛ pɔ́p mɔ́fíitɛ tʉ́m pʉʉ.

Ɛ́bɛlʉʉ 13:24

Pʉʉ cɛꞋlɛ pɑtsiinɛ wʉ́ʉ kɛ́ vuꞋ wɛcɔ́, ńcɛꞋlɛ mbɑ pʉɔ-Sɛ́ pɛ́tsʉʉ. Pʉɔ pɛ́ Itɑ́lîi cú ŋɡɔ n cɛꞋlɛ wʉ́ʉ.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.