ŊwɑꞋnɛ-Gɑŋntúu Yɛ́su Kɛlístɔ 8:9 - Kɑɑ Fí

⁹ Wɛcɔ́ ŋu pɔ́ tʉ́sɔŋ-Sɑmɑlîi ɛ̂wɑ́, lík yɛ́ pɔ́ ŋɡɔ Símɔ̂ŋ. Yɛ́ fɑꞋ pɔ́ nɛɡɛ nɛkɑŋ. Pʉɔ-Sɑmɑlîi pɔ́ ńdíŋɛ wɛ́ ḿmɑɑ mɑɑnɛ. A pɔ́ ŋɡɔ ɑ mɑ́mɑ́ ŋu,

ŊwɑꞋnɛ-Gɑŋntúu Yɛ́su Kɛlístɔ 8:9 ပူးပေါင်းရင်းမြစ်များ

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:6

Pɔ́p pɛ́ pɔ́p ɡɛ ɛ́fú zúꞋu ńjɛ́Ꞌ tɛ ŋ́kúu tʉ́sɔŋ-Pɑfɔs. Ŋ́kúu zúꞋu ńcẅɛ́Ꞌnɛ wɛcɔ́ ŋu-pɑyúdɑ, pɛ́ fúŋnɛ wɛ́ ŋɡɔ Mbɑ̂l-Yɛ́su. A pɔ́ ŋɡɑŋnɛkɑŋ, ńjúk ńcɔt nu mbɔ̌ pʉɔ ŋɡɔ ɑ Ŋɡɛ́mdʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 5:36

Pʉʉ kẅíitɛ pɑ́Ꞌ Tɛdɑs kɑ kwɑŋɛ ŋɡɔ ɑ ŋu tɛꞋ ńcẅɛt, ńcúꞋlɛ pʉɔ yúu ŋkʉ yɛ́nɛ́kwɑ nǔu yɛ nɔɔ, pɛ́ jẅí wɛ́, pɔ́p sɑtnɛ tɛ ḿmɛ, ɛ́sɑt zʉꞋ.

ŊwɑꞋnɛ-Gɑŋntúu Yɛ́su Kɛlístɔ 8:11

Pɔ́p kɑ pɔ́ ńtsuŋ ńcʉŋɛ nǔu sẅiŋɛ yɛ́, mbíꞋŋɡɔ tɛ ɛ́fú tɛ lɛ́Ꞌ, ɑ pɔ́ ńdɔk nɛkɑŋ ŋ́ɡɛ mɛnu mi ɛ́ tsuŋnɛ ŋ́kʉꞋnɛ pʉɔ kʉꞋnɛ́nɛ.

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

2 Timɔtɛ́ɛ 3:2

N cú mbíꞋŋɡɔ, pʉɔmɛsɔŋ ɡʉ ŋ́ɡɛ ḿbɔ́ ɡɑŋŋyɛ́p, ŋ́kɔŋ pɔ ŋkɑ́p, ḿbɔ́ ɡɑŋnyɛt mbʉʉ, ḿbɔ́ ɡɑŋŋɑ́Ꞌtɛ, ḿbɔ́ ńzɔɔtɛ Sɛ́ zɔɔtɛnɛ, ńtʉʉ tú mbɔ̌ pɛtɑ́t pɔ́p, ḿbɔ́ pɑjʉ́ntukntsu, pɔ́p kɑ́ pɛn ńdɔk yúu mi ɛ́ yɛ́ Sɛ́ ńdɔk ɛ́fúŋ yɛcɔ́ yúu pɔ́.

2 Timɔtɛ́ɛ 3:5

ḿbɔ́ pʉɔ-Sɛ́ pɔ nzɛmpíi, ńdʉꞋ mɛtʉʉ-Sɛ́. Timɔtɛ̂ɛ lʉ́ɔꞋ ntɛ́ pʉɔ ɛ̂pɑ́!

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.