ŊwɑꞋnɛ-Gɑŋntúu Yɛ́su Kɛlístɔ 8:34 - Kɑɑ Fí

³⁴ Ŋu-Ɛ́tíyɔ́pîi ɛ̂wɑ́ píkŋɛ Filîp ŋɡɔ: «Sɛ́sẅíi, ɡɔ́ɔ ŋ́kyɛ́Ꞌtɛ sẅiŋɛ yɔ. Ŋɡɛ́mndʉ̈ɔ́Ꞌ-Sɛ́ cú nu pɑ́Ꞌɑ nǔu wɔ̌? A cú pɔ nǔu túmbʉʉ yɛ́ kɛ nǔu yɛ wɛcɔ́ ŋu ndɛꞋ?»

ŊwɑꞋnɛ-Gɑŋntúu Yɛ́su Kɛlístɔ 8:34 ပူးပေါင်းရင်းမြစ်များ

Mɑtʉ̈ɔ 13:36

Yɛ́su ɡɔ́ɔ ŋ́kɛ́ ńnɑ́ lɑ́Ꞌ ŋ́kúu ndɑ́, ɡɑŋku pɛ́ kẅɛ́ɛtɛ wɛ́, ḿbíkŋɛ wɛ́ ŋɡɔ: «A kyɛ́Ꞌtɛ sɑknɛkɛt nǔu mbiyúu yi kɛpɔŋ yɑ́ ɛ́sẅíi wɔ́p.»

Mɑtʉ̈ɔ 15:15

Pyɛ̂ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Kyɛ́Ꞌtɛ kɛm-nu yɑ́ ɛ́sẅíi wɛ́k.»

ŊwɑꞋnɛ-Gɑŋntúu Yɛ́su Kɛlístɔ 8:27

Filîp ɡɔ́ɔ ńdɔ sɛ́, ńcʉ́ɔ sɛ̂ndúŋ, ńnɛn tɛ ńcẅɛt nǔu wɛcɔ́ ŋu-Ɛ́tíyɔ́pîi, ɑ pɔ́ ŋu, mbɔ pɛ́ kɑ shɔ́ wɛ́, mbɔ ɑ kɑ ɡʉ Yɛlúsɑlɛm ŋ́ɡúꞋlɛ Sɛ́. A m̄bɔ́ ŋutlɑ́Ꞌ-túmbʉ́ʉ, lɑ́Ꞌ-mɑŋɡɛ́ ẅi ɑ kɑ pɔ́ ɛ́sɑ́Ꞌ Ɛ́tíyɔ́pîi. Lík-nɛfɔɔ-mɑŋɡɛ́ ɛ̂wɑ́ pɔ́ ŋɡɔ Kɑŋndɑs. Ŋu-Ɛ́tíyɔ́pîi ɛ̂wɑ́ kɑ pɔ́nɛ ḿbyɛ́p ntɑŋ-fɔɔ.

ŊwɑꞋnɛ-Gɑŋntúu Yɛ́su Kɛlístɔ 8:33

Pɛ́ kɑ tɛ́m sʉ́ʉ tú yɛ́, ńzɑ́Ꞌ yɛ ntsɑŋ kɛpɔŋ. Ḿbɔ́ pɛ́ kɛ ḿbɛn ŋ́kẅíitɛ njẅɛt yɛ́, ɛ́fú ɡɔ́ pɑ́Ꞌ pɛ́ kɑ zɑ́Ꞌ wɛ́ zɑ́Ꞌnɛ ńjẅí.»

ŊwɑꞋnɛ-Gɑŋntúu Yɛ́su Kɛlístɔ 8:35

Filîp ɡɔ́ ńcú nu nɛlɔk ńcẅi Ŋkʉʉ Sʉ́Ꞌnɛ nǔu Yɛ́su, ńzɛ pɔ kwɑꞋ nǔu yɔ zʉꞋ-ŋwɑꞋnɛ ɛ̂yɑ́.