ŊwɑꞋnɛ-Gɑŋntúu Yɛ́su Kɛlístɔ 8:30 - Kɑɑ Fí

³⁰ Filîp nɑ́ɑnɛ kɑ́lɛ́k tɛ ŋ́kẅɛ́ɛtɛ, ńzúꞋ ŋu-Ɛ́tíyɔ́pîi ɛ̂wɑ́ pɔ́ ɛ́fúŋ ŋwɑꞋnɛ-Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ. Filîp píkŋɛ wɛ́ ŋɡɔ: «Tɛ ɔ fúŋ pɑ́Ꞌɑ tɛ ḿbɔ́ ńzúꞋ yúu mi pɛ́ lɔknɛ ńcú?»

ŊwɑꞋnɛ-Gɑŋntúu Yɛ́su Kɛlístɔ 8:30 ပူးပေါင်းရင်းမြစ်များ

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

Mɑtʉ̈ɔ 13:23

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ nu-pʉɔ pínɛ pɔ́p zúꞋnɛ sẅíŋɛ-Sɛ́ tɛ ńtsuŋ ńzúꞋ. Pɔ́p pɑ́Ꞌ mɛtsɛ́n-yúu mi mɛcɔ́ ɡɑ́nɛ mɛmbɑŋ ŋkʉ, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ mɛɡɛ́mɛ́ntɑ́t.

Mɑtʉ̈ɔ 13:51

Yɛ́su píkŋɛ ɡɑŋku pɛ́ ŋɡɔ: «Tɛ pʉʉ zúꞋ mɔ mɛnu tsʉʉ?» Pɔ́p pʉ̈ɔt ŋɡɔ: «Ɔ́ɔŋ, pɛk zúꞋ.»

Mɑtʉ̈ɔ 15:10

Yɛ́su fúŋ lɑ́Ꞌ, ńcú mbɔ̌ pɔ́p ŋɡɔ: «Pʉʉ zẅíꞋlɛ, ńtsuŋ ńzúꞋ,

Mɑtʉ̈ɔ 24:15

Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ ŋu ẅí Ŋɡɛ́mndʉ̈ɔ́Ꞌ-Sɛ́ Ndɑníyɛ̂ kɑ fúŋnɛ wɛ́ ŋɡɔ ŋkʉꞋnɛ ntɑ́kzʉꞋ. A tɔ́ ńtʉ́ʉ kwɑꞋ tsɛt zʉꞋ yí Sɛ́ zúꞋu. Ŋu fúŋ zʉꞋ-ŋwɑꞋnɛ yɔ, ɑ sɑ́Ꞌ tʉʉ nɛniitɛ zúꞋ.

Mɑ́lɛ́kúshi 13:14

«Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ yúu pʉ́ʉnɛ yí pɛ́ fúŋnɛ ŋɡɔ ŋkʉꞋnɛ tɑ́k tɔ́ ńtʉ́ʉ zʉꞋ yí ɛ́ ńdɑɑ ḿbɔ́ ɛ́ pɔɔ zɛɛ ńtʉ́ʉ zúꞋu pɔ́. (Ŋu fúŋ zʉꞋ-ŋwɑꞋnɛ yɔ, sɑ́Ꞌ tʉʉ nɛniitɛ ńzúꞋ). Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pi pɔ́p Judɛ̂ ŋ́kʉɔ ńdɔk wɛ mɛŋkɔꞋ ŋ́ɡʉ ńdʉɔmɛ.

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

ŊwɑꞋnɛ-Gɑŋntúu Yɛ́su Kɛlístɔ 8:27

Filîp ɡɔ́ɔ ńdɔ sɛ́, ńcʉ́ɔ sɛ̂ndúŋ, ńnɛn tɛ ńcẅɛt nǔu wɛcɔ́ ŋu-Ɛ́tíyɔ́pîi, ɑ pɔ́ ŋu, mbɔ pɛ́ kɑ shɔ́ wɛ́, mbɔ ɑ kɑ ɡʉ Yɛlúsɑlɛm ŋ́ɡúꞋlɛ Sɛ́. A m̄bɔ́ ŋutlɑ́Ꞌ-túmbʉ́ʉ, lɑ́Ꞌ-mɑŋɡɛ́ ẅi ɑ kɑ pɔ́ ɛ́sɑ́Ꞌ Ɛ́tíyɔ́pîi. Lík-nɛfɔɔ-mɑŋɡɛ́ ɛ̂wɑ́ pɔ́ ŋɡɔ Kɑŋndɑs. Ŋu-Ɛ́tíyɔ́pîi ɛ̂wɑ́ kɑ pɔ́nɛ ḿbyɛ́p ntɑŋ-fɔɔ.

ŊwɑꞋnɛ-Gɑŋntúu Yɛ́su Kɛlístɔ 8:29

Zẅikŋɛ-Sɛ́ cú mbɔ̌ Filîp ŋɡɔ: «Nɑ́ɑnɛ kɑ́lɛ́k ẅí.»

ŊwɑꞋnɛ-Gɑŋntúu Yɛ́su Kɛlístɔ 8:31

A tsɔ́Ꞌ ŋɡɔ: «Ɛ́ lɑɑ ḿbɔ́ ŋ ɡɛ ŋɡɔ́ku lɑ ńzúꞋ kɛ́ pɔ́ yi ŋu kyɛ́Ꞌtɛ ɛ́sẅíi wɑ́ɑ?» Ŋ́ɡɔ́ɔ ŋ́kɛ́ ɛ́fúŋ Filîp ŋɡɔ ɑ kɔ́Ꞌ ńtɔ́ ńnɑ́ŋ nɛjɔ́ŋ yɛ́ tsɛt kɑ́lɛ́k.

ŊwɑꞋnɛ-Gɑŋntúu Yɛ́su Kɛlístɔ 8:5

Filîp ɡʉ tsɛt yɛcɔ́ tʉ́sɔŋ-Sɑmɑlîi, ŋ́kúu zúꞋu, ɛ́sɑ́Ꞌ nu-Nzɑ́Ꞌŋkʉ.

1 Kɔlɛ̂ŋtɛ 14:19

Lɑ́ ɛ́ ɡʉ ŋkɑ́ yi mɔ tsɛt cúꞋlɛ-pʉɔ-Kɛlístɔ, ŋ kɔŋ nɛcú nu mɛtú mɛ́ntɑɑ ɛ́ pɔ́ yi pɛ́ ɡʉ ńzúꞋ, ńjí ŋɡɔ n dɔk pɔ́Ꞌɔ ńzíꞋ pʉɔ nɛ́ yúu, ńdɛɛ nɛcú nu mɛtú ntsɑ́Ꞌ nɛɡɛ́m ɛ́ pɔ́ yi pɛ́ kɑ́ pɔ́ zúꞋ pɔ́.

Ɛ́fɛ̂zɛ 5:17

Pɔ́Ꞌɔ, kɔɔ pʉʉ pɔ́ pɛɡʉɡʉʉ. Pʉʉ tɑ́Ꞌ mɛnu nɛjí mi ɛ́ pɔŋnɛ mbi Tsɑpʉɔ.

Mɛnu ɛ́ ńdɑ́Ꞌ ńcẅɛt 13:18

Ɛ́ pɔŋ ŋɡɔ pʉɔ tsuŋ ŋ́kwɑŋɛ sʉ́Ꞌnɛ. Ŋu lɑɑ ŋ́ɡẅɛɛ jínu ɑ lii mɛnɔ́mbɑɑ mi ɛ́ cúꞋlɛ́nɛ ńdɔk ńdɛꞋlɛ lík-nɑɑ. Wîwɑ́ nɔ́mbɑɑ lɔk ḿbɔ́ lík wɛcɔ́ ŋumɛsɔŋ. Ɛ́ ntsɔ̌pɛ́nɛ́ntúkú nɛ́ mɛɡɛ́mɛ́nɛ́ntúkú nzʉʉ ŋkʉ yɛ́nɛ́ntúkú (666).