ŊwɑꞋnɛ-Gɑŋntúu Yɛ́su Kɛlístɔ 7:38 - Kɑɑ Fí

³⁸ Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 7:38 ပူးပေါင်းရင်းမြစ်များ

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

ŊwɑꞋnɛ-Gɑŋntúu Yɛ́su Kɛlístɔ 7:30

«Ɛ́ ɡɛ ńdɛɛ ŋɡuꞋlɑ́Ꞌ mɛɡɛ́mɛ́nɛ́kwɑ, Mɔ̌sɛ̂ɛ ɡʉ mbʉʉ nɛŋkɔ́Ꞌ Sinɑyi, kɔ̂ŋtɛt, ńtɔ́ zúꞋu ńjʉ́ɔ Cʉ̈ɔꞋ-Sɛ́, ɑ pɔ́ tsɛt múk, ẅi ɛ́ kɑ pɔ́ ŋ́kʉ́ nǔu yɛcɔ́ mɔ́ɔmɔ tʉ́.»

ŊwɑꞋnɛ-Gɑŋntúu Yɛ́su Kɛlístɔ 7:35

Sɛ́ cú pɔ́Ꞌɔ, ŋ́ɡɔ́ɔ ŋ́kɛ́ ńtúu pɔ Mɔ̌sɛ̂ɛ wɑ́ pɑ́Ꞌ ɑ ɡʉ ŋ́ɡʉ ńcẅɛɛtɛ pɑíslɑyɛ̂l tsɛt ŋɡʉ̈ɔ́Ꞌ yi pɔ́p kɑ pɔ́ ńjʉ́ɔ. Cʉ̈ɔꞋ-Sɛ́ ẅi Mɔ̌sɛ̂ɛ kɑ jʉ́ɔnɛ wɛ́ tsɛt pɔ́ɔ-mɛtʉ́ lɑ́ pɔ́ ńtɔ́ɔtɛ wɛ́. A pɔ́ ɛ́sɑ́Ꞌ Pɑíslɑyɛ̂l. Lɑ́ mbɔ pɔ́p kɑ lʉꞋ Mɔ̌sɛ̂ɛ, tɛ ḿbíkŋɛ wɛ́ ŋɡɔ wɔ̌ kɑ zɑ́pnɛ wɛ́ ŋɡɔ ɑ ńtsʉ́Ꞌ fɔɔ wɔp, ŋ́ŋɑk mɛntsɑŋ mɔ́p ɔɔ?

ŊwɑꞋnɛ-Gɑŋntúu Yɛ́su Kɛlístɔ 7:53

N cú pʉʉ wɔ ẅí Cʉ̈ɔꞋ-Sɛ́ kɑ lɔknɛ nɛpʉ́ʉ-Sɛ́ ńtɔ́ ŋ́ɡɑ́ mbɔ̌ pʉʉ, pʉʉ kɛ́ ḿbɔɔ nǔu nɛn.»

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

Pʉɔ-Lɔ́mɑ 9:4

Pɔ́p Pɑíslɑyɛ̂l. Mbɔ Sɛ́ kɑ kɑŋ wɔ́p ńdɔk wɔ́p ŋ́ɡɛ pɔ́ɔ pɛ́, ńnyɛt wɔ́p nɛ́ nɛɡúꞋ wɛ, ŋ́ɡɛ pɔ́p pɛpɔ́p ɡwɑt kɑɑ, ɑ ɡɑ́ nɛpʉ́ʉ nɛ́ mbɔ̌ pɔ́p, ɛ́sẅíi wɔ́p nɛ́ ntɛ́ yi pɔ́p ɡʉ ńdɔk ŋ́ɡúꞋlɛ wɛ́, ŋ́kɑꞋ mɛnu mbɔ̌ pɔ́p tɛ ɛ́ zɑ́ɑ zɑ́ɑnɛ.

Ŋɡɑlɑ̂t 3:19

Mbɔ ŋu zúꞋ ḿbíkŋɛ ŋɡɔ tɛ Sɛ́ kɑ pɔ́ pɑ́Ꞌɑ ḿbɛn ńzɑ́p nɛpʉ́ʉ mbíꞋ pɔ kʉ̈ɔ́? A kɑ pɔ́ ńzɑ́p pɔ nɛlɔk ŋ́ɡɛ ŋu ɛ́fɑɑnɛ nu ńjí ŋɡɔ ɑ fɑɑnɛ. Nɛpʉ́ʉ kɑ fɑꞋ yɛ́ fɑꞋ tɛ ńdɑ́Ꞌ ŋ́kúu ŋkɑ́ yi ŋu-Ábɛlɛhɑ̂m ẅí Sɛ́ kɑ kɑꞋnɛ yúu ŋɡɔ ɛ́ yɛ́ ŋɡɑŋ kɑ lɑ́Ꞌnɛ ńtɔ́. Ɛ́ ɡʉ nǔu mîmɑ́ mbʉ́ʉ, mbɔ Sɛ́ kɑ túu pɛcʉ̈ɔ́Ꞌ pɛ́, pɔ́p ɡɑ́ mbɔ̌ nɛnkɛ́m.

Ɛ́bɛlʉʉ 2:2

pɛkŋɛ sɛ́ ńjí ŋɡɔ, nu yi cʉ̈ɔ́Ꞌ-Sɛ́ kɑ lɔknɛ ńtɔ́ ŋkɑ́mbi, ɛ́ ŋkɑɑ mɔ́ncɛꞋ nu pɔ́. Mbɑ wɔ̌ lɑ́ ẅi ɑ kɑ pɔ́ ɛ́fɑɑnɛ yîyɑ́ nu, ńtʉʉ tú nǔu, Sɛ́ kɑ pɔ́ ńníꞋ ŋɡʉ̈ɔ́Ꞌ nǔu wɛ́ pɔ pɑ́Ꞌ ɛ́ sɛ́ ḿbíkŋɛ.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Ɛ́bɛlʉʉ 5:12

Pʉʉ ḿbɔ́ ŋ́ɡʉ ḿbɔ́ ŋkɔ̂ɔnɛ ńtsʉ́Ꞌ ḿbɔ́ pɔ pɑzíꞋ pʉɔ nɛ́ nu-Sɛ́. Lɑ́ pʉʉ pɛn ḿbɔ́ ńtsɑ́ɑ ŋɡɔ pɛ́ pɛn ńzíꞋ wʉ́ʉ nɛ́ mɛnu mi pɛ́ piitɛ́nɛ nǔu nɛzíꞋ ŋu nɛ́ nu-Sɛ́. Ɛ́ pɔ́ pɔ́nɛ tɛ pʉʉ pɛ́t ńtsɑ́ɑ pɔ nɛpʉ́ʉ, lɑ́ mbɔ pʉʉ lɑ́Ꞌ ḿbɔ́ ŋ́ɡʉ ńtsʉ́Ꞌ ńtsɑ́ɑ pɔ yúupɛ́jʉ́ pi ɛ́ sɛ́ ńtɛntɛ.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.