ŊwɑꞋnɛ-Gɑŋntúu Yɛ́su Kɛlístɔ 7:25 - Kɑɑ Fí

²⁵ Mbɔ jínu yɛ́ sẅíi wɛ́ ŋɡɔ pɔ́ɔpɛ́mɑ́ pɛ́ ɡʉ ńjʉ́ɔ wɛ́, ńjí ŋɡɔ Sɛ́ túunɛ wɛ́ ŋɡɔ ɑ ɡʉ ńcẅɛɛtɛ wɔ́p tsɛt ŋɡʉ̈ɔ́Ꞌ. Lɑ́ ŋu wɔp pɔɔ jí.

ŊwɑꞋnɛ-Gɑŋntúu Yɛ́su Kɛlístɔ 7:25 ပူးပေါင်းရင်းမြစ်များ

Mɑ́lɛ́kúshi 9:32

A cú pɔ́Ꞌɔ, ɡɑŋku pɛ́ kɛ́ mbɔɔ zúꞋ sʉ́Ꞌnɛ pɔ́, lɑ́ ḿbɛn ḿbɔ́ ḿbɔ́k nɛ́ píkŋɛ wɛ́ nɛ́ nu nǔu.

Lúkɑ́shi 18:34

Lɑ́, Yɛ́su cú pɑꞋɑ, ɡɑŋku pɛ́ pɔɔ zúꞋ yɛcɔ́ yúu nǔu nu yi ɑ cúnɛ pɔ́, sẅiŋɛ yɛ́ kɛ ńtɛplɛ wɔ́p tɛplɛnɛ, pɔ́p pɔɔ zúꞋ nu yí ɑ lɔknɛ ńcú sʉ́Ꞌnɛ pɔ́.

Lúkɑ́shi 9:45

Lɑ́ ɡɑŋku pɛ́ pɔɔ tsúŋ ńzúꞋ yɔ nu sʉ́Ꞌnɛ pɔ́, mbɔ yɛcɔ́ yúu jʉ́ɔꞋ jínu yɔ́p nɛpɔ́ yi pɔ́p kɛ́ zúꞋ pɔ́. Wɛcɔ́ ŋu wɔp kɛ́ ḿbɔɔ sʉk tɛ ḿbíkŋɛ wɛ́ ŋɡɔ ɔ lɔɔ nɛcú ŋɡɔ kʉ̈ɔ́ pɔ́, mbíꞋŋɡɔ pɔ́p kɑ tsʉꞋ ḿbɔ́k pɔ́knɛ.

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:7

ńdɑ́Ꞌ ŋ́kwɑŋɛ, ɛ́ tɛn tɛnnɛ. Tɛ Pyɛ̂ lɔ sɛ́ ńcú ŋɡɔ: «Pɔ́ɔpɛ́mɑ́, pʉʉ sɛ́ ńjí yʉ́ʉ pɑ́Ꞌ Sɛ́ kɑ tsɔ́Ꞌnɛ wɑ́ɑ tsɛtsɛt pʉʉ tɛ ntí sɑk ŋɡɔ ŋ ɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɑ́Ꞌ pɔ́p ɡʉ ńzúꞋ ńzɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 21:19

Pɔ̂l cɛꞋlɛ wɔ́p tɛ ɛ́ kuꞋ, ɑ kẅiꞋ ńdɛꞋlɛ mɛnu wɛmɔ́Ꞌ wɛ́mɔ́Ꞌ mi Sɛ́ kɑ lɔknɛ wɛ́ ŋ́ɡɛ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 7:24

A kúu nɛjɔ́ŋ pɔ́p, ńjʉ́ɔ wɛcɔ́ ŋu-Ɛɡíptɔ pɔ́ ńtswɑ́ɑ ŋu-Íslɑyɛ̂l. A tʉ́ʉ nzʉʉ-ŋu-Íslɑyɛ̂l, ńjẅí ŋu-Ɛɡíptɔ.

ŊwɑꞋnɛ-Gɑŋntúu Yɛ́su Kɛlístɔ 7:26

Njí ɡɛ ŋ́kiɛ, ɑ pɛn ḿbɛn zúꞋu, ḿbɔ́ ńtɔ́, pʉɔ-Íslɑyɛ̂l pɛ́pɑ́ pɔ́ ńtswɑ́ɑnɛ ŋkɔt. A pɔ́ ɛ́fɑk wɔ́p, ńcú mbɔ̌ pɔ́p ŋɡɔ: «Pɛsúu pɑ́ɑ, pʉʉ pɔ́ɔpɛ́mɑ́, ḿbɛn ɛ́shɔtnɛ ńtswɑ́ɑnɛ ŋkɔt tsɛtsɛt pʉʉ mɛlɑ́Ꞌ kʉ̈ɔ́?»

Pʉɔ-Lɔ́mɑ 15:18

MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

1 Kɔlɛ̂ŋtɛ 3:9

MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.