ŊwɑꞋnɛ-Gɑŋntúu Yɛ́su Kɛlístɔ 5:17 - Kɑɑ Fí

¹⁷ Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.

ŊwɑꞋnɛ-Gɑŋntúu Yɛ́su Kɛlístɔ 5:17 ပူးပေါင်းရင်းမြစ်များ

Mɑtʉ̈ɔ 27:18

Pilɑtɔ kɑ pɔ́ ńcú pɔ́Ꞌɔ, mbíꞋŋɡɔ ɑ ńtsuŋ ḿbɔ́ ńjí ŋɡɔ pɛ́ kɔ́Ꞌ pɔ lɔ́ŋ nǔu Yɛ́su lɑ ɛ́fɛn wɛ́.

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Jɑ̂ŋ 12:10

Pɛtɑ́tndɑ́-pɑnɔŋ pɔꞋ jʉ́ɔ pɔ́Ꞌɔ, ńzɑ́p ŋɡɔ pɛ́ lɔɔ shʉ́ nɛjẅí mbɑ Lɑzɑ̂ɑ.

Jɑ̂ŋ 12:19

Pɑfɑlísɑy jʉ́ɔ pɔ́Ꞌɔ, ńcú tsɛtsɛt pɔ́p ŋɡɔ: pʉʉ kɑ́ jʉ́ɔ? Yɛcɔ́ yúu mi ɛ́ lɑɑ ḿbɔ́ pɛkŋɛ ɡɛ kɑ́ pɔ́ ɡú pɔ́. Lɑ́Ꞌ tsʉꞋ ḿbɔ́ pɔ nzʉʉ yɛ́.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:5

Lɑ́ pɛcɔ́ ntɑ́Ꞌ pɑfɑlísɑy, pi pɔ́p zɑ́pnɛ tʉ́m yɔ́p nǔu Yɛ́su, pɔ́ ŋ́kẅiꞋ yɔ́p pɔ ŋɡɔ: «Ɛ́ píkŋɛ ŋɡɔ pɛ́ púꞋ pʉɔ pi pɔ́p ɡɔ́ ńzɑ́p tʉ́m yɔ́p nǔu Yɛ́su, ḿbɔɔ pɑyúdɑ pɔ́, ḿbɛn ḿbíkŋɛ ŋɡɔ pɛ́ cú mbɔ̌ pɔ́p ŋɡɔ pɔ́p nɛn pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ.»

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 4:26

Pɛfɔɔ ndǔ tsɛ́tsɑ́Ꞌ sɛ́ ńniitɛ ntsɔ, pɑsɑ́Ꞌlɑ́Ꞌ pɛn ḿbɔ́ ńcúꞋlɛ yɔ́p ńtɑ́ŋ ŋɡɔ pɔ́p ɡʉ ńdʉ̈ɔ́Ꞌ Tsɑpʉɔ Sɛ́ nɛ́ ntsɔ, mbɑ ŋu ẅí ɑ kɑ zɔ́Ꞌnɛ wɛ́ ńdɔk ŋ́ɡɛ fɔɔ.

ŊwɑꞋnɛ-Gɑŋntúu Yɛ́su Kɛlístɔ 4:6

Pʉɔ pi pɔ́p ḿbɔ́nɛ yɔ́p zúꞋu, yɔ ḿbɔ́ Ánɑ, tɑ́tndɑ́-pɑnɔŋpɔꞋ, ŋ́ɡɛ Kɑyífɑ, mbɑ Jɑ̂ŋ nɛ́ Lɑksɑ́ndɑ, pɔ́p pʉɔ tsʉʉ nǔu tsɛ́nndɑ́-tɑ́tndɑ́-pɑnɔŋpɔꞋ.

ŊwɑꞋnɛ-Gɑŋntúu Yɛ́su Kɛlístɔ 5:16

Pʉɔ tɛ ńzɑ́ɑ kɑ pɔ́ ḿbɛn ɛ́fú tsɛt mɛlɑ́Ꞌ mi ɛ́ mbʉʉ Yɛlúsɑlɛm ńdɔk pɛŋɡɔɔ mbɑ pʉɔ pí mɛzẅikŋɛ kɛpɔŋ kɑ pɔ́ ḿbúunɛ wɔ́p, ńtɔ́ ńjʉ́ɔ ɡɑŋntúu. Pɔ́p ɡɛ pɔ́p pɛtsʉʉ fíitɛ.

ŊwɑꞋnɛ-Gɑŋntúu Yɛ́su Kɛlístɔ 7:9

«Pɛmɑ̂ɑŋɡɑpnjẅɛt pɛkŋɛ ɡɛ ńdíŋɛ mɔ́ɔmɑ́ wɔp Yɔsɛ̂p ŋ́kɛ́n wɛ́ tɛ ɛ́fɛn wɛ́. A tsʉ́Ꞌ ŋkwɑɑ tsɛt ŋɡɔŋ-Ɛɡíptɔ.» Lɑ́ Sɛ́ kɛ́ ḿbɔ́ nɛ́ jʉ́,

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?

1 Pyɛ̂ 2:1

Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.