ŊwɑꞋnɛ-Gɑŋntúu Yɛ́su Kɛlístɔ 4:34 - Kɑɑ Fí

³⁴ Sɑ̌ɑ ŋu nǔu pɔ́p ŋkɑɑ pɔ́ ńjɑ́k yúu pɔ́, mbíꞋŋɡɔ pʉɔ tsʉʉ tsɛtsɛt pɔ́p pi pɔ́p kɑ ɡẅɛɛnɛ mɛndɑ́ pɔ́p mɛŋkɑ́Ꞌ kɑ pɔ́ ŋ́ɡʉ ɛ́fɛn ńdɔk ŋkɑ́p ńtɔ́,

ŊwɑꞋnɛ-Gɑŋntúu Yɛ́su Kɛlístɔ 4:34 ပူးပေါင်းရင်းမြစ်များ

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑ́lɛ́kúshi 10:21

Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Lúkɑ́shi 22:35

Yɛ́su pɛn ḿbíkŋɛ ɡɑŋku pɛ́ ŋɡɔ: «Pʉʉ kẅíitɛ ŋkɑ́ yi ŋ kɑ túunɛ wʉ́ʉ ŋɡɑ sɛsɑ, pʉ́ʉ kɑ ɡʉ kɛ́ mɔ́ɔpɑɑ kɛ́ pɑɑlyɛpnɛ kɛ́ mɛtɑp, pʉʉ kɛ ńtswɛ́ ńnɛn pɛꞋnɛ, ńdɑ́Ꞌ ńjɑ́k kʉ̈ɔ́?» Pɔ́p cú ŋɡɔ ŋɡɑ́ŋ, yúu ŋkɑɑ zɑ́k.

ŊwɑꞋnɛ-Gɑŋntúu Yɛ́su Kɛlístɔ 2:45

Pɔ́p kɑ pɔ́ ɛ́fɛn mɛtsɛ́tsɑ́Ꞌ mɔ́p mbɑ yúu tʉʉndɛn yɔ́p, ńdɔk ŋkɑ́p ńtɔ́ pɛ́ ɡɑptɛ ŋ́ɡɑ́ yɛ mbɑ wɔ̌lɑ́ pɔ pɑ́Ꞌ ɛ́ ɡʉ ŋ́kuꞋ nǔu yɛ́ nu.

ŊwɑꞋnɛ-Gɑŋntúu Yɛ́su Kɛlístɔ 4:37

A kɑ fɛn wɛ́ ŋkɑ́Ꞌ, ńdɔk ŋkɑ́p ńtɔ́ ńnɔŋ mɛku-pɑpɛ́m Yɛ́su.

2 Kɔlɛ̂ŋtɛ 8:14

Ɛ́ ɡʉ nǔu nu yi pɛkŋɛ cúnɛ lɑɑ, pʉʉ jɛ́p yúu mi ɛ́ zɑ́pmɛnɛ nǔu yʉ́ʉ yúu ŋ́ɡɑ́ mbɔ̌ pʉɔ pi pɔ́p sɛ́ ńjɑ́k, ɛ́ lɛɛ pɔ́Ꞌɔ, ɛ́ lɑ́Ꞌ yɛcɔ́ lɛ́Ꞌ pʉʉ pɔ́ ńjɑ́k yʉ́ʉ, pɔ́p jɛ́p yúu mi ɛ́ zɑ́pmɛnɛ nǔu yɔ́p ńdɔk ńdẅíkŋɛ yʉ́ʉ, pʉʉ pɛ́ pɔ́p lɔk ŋ́ɡẅɛɛ yúu ndʉ́ŋndʉŋ.

1 Tɛsɑlɔník 4:12

ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.

1 Timɔtɛ́ɛ 6:19

Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.