ŊwɑꞋnɛ-Gɑŋntúu Yɛ́su Kɛlístɔ 3:20 - Kɑɑ Fí

²⁰ Ɛ́ lɛɛ pɔ́Ꞌɔ, Tsɑpʉɔ ɡɛ pʉʉ pɔ́ tsɛt mɔ́fíitɛ. A ɡɛ ńtúu Nzɑ́Ꞌŋkʉ ẅí ɑ kɑ zɑ́Ꞌnɛ njí ńtsɔ́Ꞌ wɛ́ ntɛ́ tú yʉ́ʉ, ɑ pɔ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 3:20 ပူးပေါင်းရင်းမြစ်များ

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

Mɑ́lɛ́kúshi 13:26

Pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ, ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ.

Lúkɑ́shi 19:11

Yɛ́su pɔ́ ńcú nu, lɑ́Ꞌ pɔ́ ńzẅíꞋlɛ tɛ ńcú ḿbɔ́ ŋ́kwɑŋɛ ŋɡɔ nɛfɔɔ-Sɛ́ ɡʉ ŋ́ɡɔ́ɔ ńtɔ́ pɔ ŋkɑ́ ɛ̂yɑ́, ńzɛɛ ŋ́ɡɔ ḿbɔ́, mbɔ ɑ ɡʉ tɛ ńtsʉ́Ꞌ ŋ́kúu pɔ Yɛlúsɑlɛm. Yɛ́su lɔk sɑknɛkɛt ńcú mbɔ̌ pɔ́p ŋɡɔ:

Lúkɑ́shi 21:27

Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

2 Tɛsɑlɔník 2:8

Jʉ́ fɔɔ-mɛnu kɛpɔŋ ɡɔ́ɔ ŋ́kɛ́ ńcẅɛt. A jʉ́ ẅi Tsɑpʉɔ Yɛ́su ɡʉ ńdɑ́ fɑ́k zwɛ́t-ntsu wɛ́ nǔu wɛ́ ɑ pfú, ntɛ́ yi Yɛ́su lɔknɛ ńtɔ́, ɡɛ ɑ mɛ.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.