ŊwɑꞋnɛ-Gɑŋntúu Yɛ́su Kɛlístɔ 27:16 - Kɑɑ Fí

¹⁶ A lɔk wɛ́k ŋ́ɡʉ tɛ ḿbɔ́ ńdɔk wɛ shʉ́ ntsʉ́ʉ mɔ́ɔ mɔ́ŋɡɔŋ ẅi pɛ́ fúŋnɛ ŋɡɔ Kɔ́ɔdɑ, mbɔ ŋki kɑ zɛmɛ ńníꞋ sɔŋ. Ŋɡɔŋ ɛ̂wɑ́ nɑ́Ꞌ ŋ́kʉŋ fɛ́m nǔu mɑ́mɑ́ kɑnúꞋ. Pɛk jɛ́Ꞌ, ɛ́sɑ́Ꞌ tʉʉ tɛ ŋ́ɡẅɛɛ mɔ́ncɛꞋ kɑnúꞋ ẅi pɛ́ lɔknɛ kɔk yúu-mɛtɑ́ɑ tsɛt mɑ́mɑ́ kɑnúꞋ ŋ́ɡɑ́ sɛ́.

ŊwɑꞋnɛ-Gɑŋntúu Yɛ́su Kɛlístɔ 27:16 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 16:10

Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 27:15

Tsʉ́Ꞌnɛ ńdɔk mɑ́mɑ́ kɑnúꞋ ńdɛɛ shʉ́ wɛ ndɛꞋ. Pɛk jʉ́ɔ kɛ́kɑ́ŋ, ńtsʉ́Ꞌ ńnɑ́ mɑ́mɑ́ kɑnúꞋ. A lɔk wɛ́k ŋ́ɡʉ nɛ́ zʉꞋ yi fɛ́m kɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 27:17

Ḿbɔ́ tɛ ŋ́kɑꞋ kɑnúꞋ ɛ̂wɑ́ ńzɑ́p tʉ́ mɑ́mɑ́ kɑnúꞋ, ɡɑŋfɑꞋ ɡɔ́ɔ ńdɔk mɛŋkʉ ńzɛmɛ mɑ́mɑ́ kɑnúꞋ, ŋ́kút sʉ́Ꞌnɛ, ŋ́kɔk mɑ́mɑ́ kɛm-tʉ́ ẅi pɛ́ cʉŋɛ́nɛ nǔu mɑ́mɑ́ kɑnúꞋ, ḿmɑꞋ ŋki, ḿbɔ́k pɑ́Ꞌ ɛ́ lɑɑ ḿbɔ́ fɛfʉ̈ɔt lɔk wɔ́p ŋ́ɡʉ ɡʉnɛ tɛ ɛ́sɔ́klɛ tsɛt sɑŋsɑ́ŋ ẅi ɛ́ lɔ ńcúꞋlɛ tsɛt ŋki mbʉʉ-ŋɡɔŋ-Libíyɑ.

ŊwɑꞋnɛ-Gɑŋntúu Yɛ́su Kɛlístɔ 27:30

Ŋ́ɡɔ́ ńzẅíꞋlɛ ɡɑŋfɑꞋ-kɑnúꞋ wɛk pɔ́ ńdɔɔ nɛkʉɔ, ŋ́kɔk mɔ́ncɛꞋ kɑnúꞋ ńtík tsɛt ŋki, ɛ́sẅíi pʉɔ ŋɡɔ pɔ́p ɡʉ mbi ḿmɑꞋ mɛtʉ́n mi ɛ́ ɡʉ ŋ́ɡẅɛɛ mɑ́mɑ́ kɑnúꞋ ɛ́ pɔɔ pɛn ńnɛn pɔ́ ŋki.