ŊwɑꞋnɛ-Gɑŋntúu Yɛ́su Kɛlístɔ 26:31 - Kɑɑ Fí

³¹ ŋ́ɡɔ ńcẅɛt, ḿbɔ́ ńcú tsɛtsɛt pɔ́p ŋɡɔ: «Ŋu wɔ ŋkɑɑ ɡɛ yɛcɔ́ yúu mi ɛ́ lɑɑ ḿbɔ́ pɛ́ lɛɛ nǔu ńjẅí wɛ́ pɔ́, tɛ mbɑ nɛníꞋ wɛ́ tsɑ́ŋ.»

ŊwɑꞋnɛ-Gɑŋntúu Yɛ́su Kɛlístɔ 26:31 ပူးပေါင်းရင်းမြစ်များ

Lúkɑ́shi 23:4

Pilɑ́tu cú mbɔ̌ Pɛtɑ́tndɑ́-pɑnɔ́ŋpɔꞋ mbɑ mbɔ̌ lɑ́Ꞌ ŋɡɔ: «Mɔ sɛ́ ḿbɔɔ ńjʉ́ɔ yúu mi ŋu wɔ fɑɑnɛ́nɛ tɛ ḿbɔ́ pɛ́ cú ŋɡɔ ɑ vu ntsɑŋ pɔ́.»

ŊwɑꞋnɛ-Gɑŋntúu Yɛ́su Kɛlístɔ 23:29

Lɑ́ ńjʉ́ɔ ŋɡɔ pɔ́p fɛn wɛ́ pɔ nǔu yɛcɔ́ mɔ́zʉꞋ nǔu nɛpʉ́ʉ nɔ́p ni pɔ́p pɛpɔ́p kɑ́ sẅiŋɛ ńzúꞋnɛ nǔu pɔ́. M bɛn ŋ́kɛ́ ḿbɔɔ jʉ́ɔ yɛcɔ́ yúu mi ḿbɔ́ pɛ́ lɛɛ nǔu ńjẅí wɛ́ kɛ ńníꞋ wɛ́ pɔ tsɑ́ŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 23:9

Pʉɔ tsʉʉ zɛ nɛsẅíi nɛsẅii. Pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ tsɛtsɛt Pɑfɑlísɑy lɔ sɛ́ ńcú nɛ́ mɛtʉʉ ŋɡɔ: «Pɛk kɑ́ jʉ́ɔ nu kɛpɔŋ yi ŋu wɑ́ ɡɛnɛ pɔ́. Lɛ́Ꞌcɔ́, tɛ yɛcɔ́ Zẅikŋɛ kɛ pɔ́ wɛcɔ́ Cʉ̈ɔꞋ-Sɛ́ kɑ́nɛ cú nu mbɔ̌ wɛ́ pɔ́ ɔɔ?»

ŊwɑꞋnɛ-Gɑŋntúu Yɛ́su Kɛlístɔ 25:25

Ɛ́ ɡʉ nǔu mɔ, mbɔ ŋ kɑ́ jʉ́ɔ yɛcɔ́ yúu mi ɑ kɑ ɡɛnɛ tɛ ḿbɔ́ pɛ́ lɛɛ nǔu ńjẅí wɛ́ jẅínɛ pɔ́. KwɑꞋ jʉ́ kɑ píkŋɛ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Lɑ́ n zɑ́p yɑ́ɑ ŋɡɔ ŋ ɡʉ ńtúu wɛ́ Lɔ́mɑ ŋ́ɡɑ́ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 28:18

Pɔ́p kɑ ŋɑk wɑ́ɑ tɛ ḿbɔ́ ńdɔɔ nɛnɑ́ wɑ́ɑ, ɛ́ zɛɛ ŋ́ɡɔ ḿbɔ́, mbɔ pɔ́p kɑ́ jʉ́ɔ yɛcɔ́ yúu mi ŋ kɑ ɡɛnɛ tɛ ɛ́ lɑɑ ḿbɔ́ pɛ́ lɛɛ nǔu ńjẅí wɑ́ɑ pɔ́.

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.