ŊwɑꞋnɛ-Gɑŋntúu Yɛ́su Kɛlístɔ 22:14 - Kɑɑ Fí

¹⁴ A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

ŊwɑꞋnɛ-Gɑŋntúu Yɛ́su Kɛlístɔ 22:14 ပူးပေါင်းရင်းမြစ်များ

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 13:17

Sɛ́ wʉk pɑíslɑyɛ̂l kɑ tsɔ́Ꞌ pɛmɑ́ŋɡɑpnjẅɛt pɛk, ŋ́ɡɛ lɑ́Ꞌ yɔ sɑ́ɑ njẅɛt yɛ́, ŋkɑ́ yi pɔ́p kɑ pɔ́ ńtswɛ́ túu, tsɛt ŋɡɔŋ-Ɛɡíptɔ. Sɛ́ ɡɛ ńdɔk pɔ tʉʉ lɑ́ ɛ́fú zúꞋu ńcẅɛɛtɛ wɔ́p,

ŊwɑꞋnɛ-Gɑŋntúu Yɛ́su Kɛlístɔ 22:15

Ɔ zɛɛ ńtʉ́ʉ pɑ́Ꞌɑ, ŋ́ɡẅɛɛ nɛɡʉ zʉꞋ tsʉʉ ndǔ tsɛ́tsɑ́Ꞌ, ɛ́sẅíi pʉɔ nɛ́ nu yi ɔ jínɛ nǔu ŋu ndʉ́ŋndʉŋ ɛ̂wɑ́, yi ɔ jʉ́ɔnɛ, mbɑ yi ɔ zúꞋnɛ.

ŊwɑꞋnɛ-Gɑŋntúu Yɛ́su Kɛlístɔ 22:18

N jʉ́ɔ wɛ́, ɑ cú mbɔ̌ mɔ ŋɡɔ: “Fɛ́Ꞌnɛ ɛ́fú Yɛlúsɑlɛm wɔ ŋ́ɡʉ, mbíꞋŋɡɔ pʉɔ pi pɔ́p tswɛ́nɛ zúꞋu kɛ́ ɡɛ ḿbɛ́m nu yi ɔ ɡʉ ɛ́sẅíi wɔ́p ntɛ́ wɑ́ɑ pɔ́.”

ŊwɑꞋnɛ-Gɑŋntúu Yɛ́su Kɛlístɔ 24:14

Lɑ́, nu yi ŋ ɡʉ ńtʉ́ʉ mbi ɡu, ɛ́sɑ́ɑnɛ sɑ́ɑnɛ́nɛ ḿbɛ́m pɔ́ ŋɡɔ ɛ fɑꞋ pɔ mbɔ̌ Sɛ́-pɛmɑ̂ɑŋɡɑpnjẅɛt pɛk pɛpɔ́p. Mɔ sɛ́ ńnɛn pɔ nǔu sɛ̂ndúŋ yi pɔ́p lʉꞋnɛ ŋɡɔ ɛ́ wɛ pʉɔ pi pɔ́p fɑknɛ mbʉʉ, tɛ mbɑ pɑ́Ꞌ mɔ sɛ́ ḿbɛ́m mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 26:16

Lɑ́, kɛ́ ńdɔ sɛ́ ŋkɔ̂ɔnɛ ńtʉ́ʉ tʉ́ʉnɛ. N nyɛt mbʉʉ yɑɑ mbɔ̌ wu pɑ́Ꞌɑ, mbíꞋŋɡɔ n tsɔ́Ꞌ wú nɛlɔk wú ŋ́ɡɛ ŋɡɑŋfɑꞋ wɑɑ. Ɔ ɡẅɛɛ nɛɡɛ pɛ́ jí yúu mi ɔ jʉ́ɔnɛ lɔ́Ꞌnɛ mbɑ mɛnu mi ŋ ɡʉ ŋ́ɡɛ lɑ ńnyɛt wú.

ŊwɑꞋnɛ-Gɑŋntúu Yɛ́su Kɛlístɔ 5:30

Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɛ Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 9:17

Anɑníyɑs ɡɔ́ɔ ŋ́kɛ́ ŋ́ɡʉ tɛ ŋ́kúu ndɑ́ ɛ̂yɑ́, ńzɑ́p mbɔ́ tú Sɔ̂l, ńcú mbɔ̌ wɛ́ ŋɡɔ: «Mɔ́ɔmɑ́ mɔ Sɔ̂l, Tsɑpʉɔ Yɛ́su túunɛ wɑ́ɑ. A Yɛ́su ẅí ɑ kɑ nyɛtnɛ mbʉʉ yɛ mbɔ̌ ɡu ŋ́kɑ́ yi ɔ ḿbɔ́nɛ sɛ̂ndúŋ ḿbɔ́ ńtɔ́ nɛ́ zɑꞋnɛ lɑ́. A túu wɑ́ɑ ŋɡɔ Sɛ́ ɡɛ ɔ pɛn ńjʉ́ɔ zʉꞋ. Zẅikŋɛ Lɛ́ɛnɛ́nɛ jʉ́ wú.»

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

1 Kɔlɛ̂ŋtɛ 11:23

Ŋ kɑ kɛ́ ńzíꞋ wʉ́ʉ nɛ́ yúu mi ŋ kɑ zúꞋnɛ mbɔ̌ Tsɑpʉɔ, ɛ́ pɔ́ ŋɡɔ: «Ɛ́ kɑ pɔ́ nɛtúꞋ ẅi pɛ́ kɑ fɛnnɛ Tsɑpʉɔ Yɛ́su, ɑ́ pɛ́ɛ mbɛlɛ̂ɛt,

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

1 Kɔlɛ̂ŋtɛ 15:8

Ńtsʉ́Ꞌ nɛlẅiklɛ, pɑ́Ꞌ ɑ nyɛtnɛ mbʉʉ yɛ mbɔ̌ pɛcɔ́ pʉɔ lɑ ńnɑ́ŋ lɑ́, ɑ nyɛt mbʉʉ yɛ́ mbɔ̌ mɔ. Mbɑ pɑ́Ꞌ mɔ pɔ mɔ́ɔ pɛ pínɛ kɛ́ kuꞋ lɑ́,

1 Kɔlɛ̂ŋtɛ 9:1

Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 1:12

Ŋumɛsɔŋ ŋkɑɑnɛ zɛɛ ɛ́fɛ́ɛ ẅîwɑ́ Ŋkʉʉ mbɔ̌ mɔ pɔ́. Ŋumɛsɔŋ kɛ́nɛ ḿbɔɔ wɑ́ɑ zíꞋ, Yɛ́su Kɛlístɔ kɑ ɡɛnɛ n jí.

Ŋɡɑlɑ̂t 1:15

Pɑ́Ꞌ mbɔ ŋ kɑ pɛ́t pɔ nɛpɛm, Sɛ́ tsɔ́Ꞌ wɑ́ɑ, ŋ́ɡɛ ŋ́ɡɑ́ fuꞋ yɑ́ɑ, ɛ́fúŋ wɑ́ɑ ŋɡɔ n tsʉ́Ꞌ ḿbɔ́ pɔ nǔu mɛ́ mbɔ́.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.