ŊwɑꞋnɛ-Gɑŋntúu Yɛ́su Kɛlístɔ 21:13 - Kɑɑ Fí

¹³ Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

ŊwɑꞋnɛ-Gɑŋntúu Yɛ́su Kɛlístɔ 21:13 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 20:37

Ḿmikŋɛ, Pʉɔ pɛtsʉʉ tɑŋtɛ Pɔ̂l, ńzɛ nɛlɑɑ.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

1 Kɔlɛ̂ŋtɛ 15:31

Pɔ́ɔpɛ́mɑ́ pɑ́ɑ, lɛ́Ꞌ tsʉʉ n cẅɛt ntsu-nɛvú cẅɛtnɛ, n cú pɑ́Ꞌɑ, yúu mi n dɔknɛ ńzɑ́Ꞌ ŋkwɑɑ ŋɡɔ ɛ́ nɛ́nẅín, ɛ́ pɔ pɑ́Ꞌ n dɔknɛ wʉ́ʉ ŋ́kɑꞋmɛ tɛꞋ, ńdɛɛ nǔu pɑ́Ꞌ pɛkŋɛ nzʉʉ Tsɑpʉɔ wɛkŋɛ Yɛ́su Kɛlístɔ.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Filipɛ 2:26

KwɑꞋ jʉ́ zɛɛ ḿbɔ́ ńtsɑ́ɑ tɛꞋ nɛpɛn ńjʉ́ɔ wʉ́ʉ pɛ́tsʉʉ, mbíꞋŋɡɔ ɑ jí ŋɡɔ pʉʉ kɑ zúꞋ nu-ɡɔɔ yɛ́, ɛ́ ɡɑ́ɑnɛ wʉ́ʉ tɛꞋ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

2 Timɔtɛ́ɛ 4:6

Ɛ́ ɡʉ nǔu mɔ, mbɔ wɑɑ nɛfú ndǔ tsɛtsɑ́Ꞌ ŋ́ɡʉ sɛ́ ŋ́kuꞋ. Ŋkɑ́ kuꞋ pɑ́Ꞌ pɛ́ ɡʉ ńjẅí wɑ́ɑ, ɛ́ lɔk ḿbɔ́ pɑ́Ꞌ wɑ́ɑ pɔꞋ ẅi pɛ́ nɔɔnɛ mbi Sɛ́.

2 Pyɛ̂ 1:14

MbíꞋŋɡɔ n jí ŋɡɔ, ŋkɑ́ yi mɔ ḿpfú tsʉ́Ꞌ ŋ́kuꞋ kuꞋnɛ. Tsɑpʉɔ wɛkŋɛ Yɛ́su Kɛlístɔ kɑ ɡɛnɛ n jí.

Mɛnu ɛ́ ńdɑ́Ꞌ ńcẅɛt 12:11

Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.